北江漁村(即英德市的某間餐廳)的招牌
一去到清遠就去左呢一間的酒家...

係我地第一日一去到的第一間食野的地方
啲野食真係嚇都嚇死我...都唔知食唔食得既!?

呢間野唔係講笑
啲野食真係好難食...
飯都唔知係唔係個啲淨低再搞埋一碟
有啲黑色一點點的物體係裡面...我都唔知食唔食得
衛生情況超惡劣
就咁擺啲野食係啲車仔到...
我都無野好講

之後會合左啲清遠學生

就搭車到陽山

搭到我就黎嘔...
條路太"靚"啦
"靚"到連地基都見到 =   =[個導遊話坐呢一程車十足地感受到四川地震的威力...]

之後去左陽山縣的南陽中學

第一日去的學校- "南陽中學"
個度超超超大
大到同我地學校比的話係"蚊"vs"牛"的比例...

個度有啲同學同我地講解
同學都好好相處
我地問咩佢地就答咩

南陽學校的風景...超靚
日落的風景...係佢地學校的後花園[超妒忌...]
仲有湖光山色呀!!!! 係相薄個度...

之後就返酒店
個間酒店係個度最好的酒店黎嫁!

我地第一晚入住的酒店
全名係"卓代花園酒店"
ok既..唔錯, 服務態度好好
叫佢拎咩就拎咩!!哈

之後係間酒店到搞左個好無聊的晚會...

返左上房之後做左樣好好玩的野
就係一班人係度打麻雀...哈[麻雀要$50呀...]

係我地第一晚的麻雀桌上的宵夜...
係唔係好正呢!?
[ 呢個係近景 ] 黃色的就是我的...哈
打到3:XX左右就訓左啦!

咁就一日啦!

2008年8月10[星期日]

第二日...

7:XX就起左身啦!
食左早餐之後又搭車
去左一條我都唔知叫咩名的農村
探訪同埋做農務...係個度食埋我地的午餐

第二日的行程...農務喎
呢條係我地要入去做"農務"的村...

呢個係我地去的個家人的主人
佢一黎就好熱情咁招待我地
我都唔知我係黎做農務定係黎玩...
呢一幅係拎茶比我地的時候

農家的小孩子...很搞笑的一幅圖
頭頂一個孩子,係唔係好勁呢!?
仲要頂係個個咁既位置...望過去真係有啲"顏色"= =

主人屋企的全景...
就黎靚過我屋企啦
同埋已經大過我屋企了!

之後啲老師黎左,同個主人講唔好比我地咁好,佢先肯帶我地出去走走

個個主人摘果比我地食的時候
佢呢一棵果樹就係係佢屋企出面唔夠一米的地方
我覺得好勁囉
佢話要出去的時候
我仲以為要行好遠
我地可以去下手一齊摘
點知...

個個主人帶我地黎的花場...
幾靚嫁!!!就咁睇好似桃源裡面咁
[其實遠睇唔似]...

這是個條村的"游泳池"
真係有啲污濁...
好啲嘔...
有一個池塘係游泳池的旁邊
就係游泳池旁邊...!
仲有鴨子
我都唔知講啲咩好... 

我地半組與屋主的大合照!

之後我地就去左一個叫做三排瑤寨的地方[連南瑤族自治縣]
個度就係瑤族人住的地方

三排瑤寨的招牌!
個度好多野玩嫁..
有鞦韆啦,搖搖板啦
個度真係有人住嫁[聽講...]
但係個度好似話停左好耐的電[三個月!]...
唔知佢地係點樣過生活既呢!?

係瑤寨個個山頭到影的
係唔係好靚呢!?

這個就是現在的我了!!哈
個"狗牌"好搶眼呀!!!
成個觀光客咁...哈

盤古王文化園...
呢個就係我地進行篝火晚會的地方了...
D人個個都穿著民族服裝跳舞
好靚呀!!!

之後就返左酒店   全名係[連南迎賓館]
又玩麻雀玩左一晚[今次平左呀$30咋]
3:XX左右又訓左

[因為連南迎賓館的外觀非常的樣衰,所以無影到...]
一日又完啦...

2008年8月11日[星期一]

第三日...

7:XX就起左身啦

係個間迎賓館到食左個唔係咁好味的"自助"早餐[中式喎...]

就去左坐車,坐左超勁爆耐的車程到左我地最早來到的北江漁村(即英德市的某間餐廳)食午餐
[由食早餐坐到食午餐,可想而知係坐左幾咁耐...]

可能我地上次講既野佢地聽到...即刻將啲野食升級/比個大房我地
都唔錯啦,我覺得佢地仲有進步的空間[即係啲飯可唔可以變返白色呢!?]

午餐之後,又坐車...今次坐仲耐,一坐就坐左成個下午
[原本我地有得去參觀當地的企業(即玩具廠)但係因為塞車/落左一場滂沱大雨的關係,要改到去第四日食完午餐之後]
仲有一件大大大大事,就係我旁邊的陽山同學,佢坐到一半..................嘔左出黎,差啲我就殺人[真係好嘔心,搞到我都差啲嘔埋出黎]
仲搞到成架車到係嘔吐物的味道!!!!!!    [過我唔會怪佢既,可能佢地真係唔慣坐咁耐的車,算啦...]

之後我地就去左一個XX市場,因為我地要係個度的某一間餐廳食我地的晚飯
老師們,導遊們比左半個鐘我地去買一買我地的糧食[因為都耗得七七八八了...]
有啲人唔去買野食的去左機舖...
我咩都無買到,兩手空空咁去左食我的既晚餐
食完我的晚餐之後我好後悔...點解我唔買返啲野呢!?
我同呀SIR傾下計...點知都係唔得
但係因為有人換左好多打機的幣,佢地必須用哂佢
所以佢地去返個度用埋啲幣,我地又多左半個鐘的時間
我用左呢半個鐘的時間,買左一條手帶/一包旺旺燒米餅/一個康師父的杯麵/一對拖鞋[因為我帶黎個對拖鞋有小小樣衰=   =]
之後我地跑返去...因為時間已經過去了,快要遲到了
但係啲人仲未用哂佢地啲幣...

我地係個度耗左唔少時間,係時候去酒店了
我地住的個間酒店叫做[嘉華大酒店]...
佢位於"酒店街"(即東莞厚街)
個度好靚嫁!!

我地的五星級酒店...
全名係"嘉華大酒店"...
係部車到影[唔係咁清楚,敬請原諒...]

酒店的門口...
呢個係第三日的酒店"五星級"的呢!

酒店的大堂
係唔係好金碧輝煌呢!?
個大堂唔錯呀!!!

五星級的房間...
仲有我個"仔"都上左鏡呀!!!
幾靚仔!!哈
[我個仔係我既大行李]
因為呢幾日都要不停地轉酒店,幾乎日日都要抱住佢上車/去邊都要同佢一齊,所以索性叫佢做我個"仔"
[後啲個張床上面個個就係我啲"仔"...哈]

呢個係我地的浴室...
OK嫁...
仲有音樂聽TIM!!
可能驚我地一個人係入面會覺得好恐怖,所以就比D音樂我地聽
[其實一路聽一路沖涼仲恐怖,因為啲音樂係個啲   噫...噫...噫... 十足十個啲XXX係度叫...]

2008年8月12日[星期二]

最後一日了...

同樣地7:XX起身

係個間酒店到食左一個真正好好味的自助餐形式早餐
真係唔講笑...好好味同之前個啲無得比

食完早餐之後,我地全團人去左酒店的會議室,做一個分享會
分享一下我地對呢一次行程的感想
一開始,有一個黃先生同我地講解一下現時中國的經濟狀況
雖然唔係好知佢講緊咩,但係坐係最前個排
總唔好比人睇到我地個個係度訓覺掛
所以我好尊心咁聽佢講,為左唔好比自己訓著,我好努力咁抄佢所講既野
唔明都照抄...
完左之後,到我地發表一下我地的感受
我係到聽的同時一路係度寫我的感受,不過我無出去講,因為我唔想當住咁多人的面前講野,抱歉我真做唔到...
最終得返組長同佢啲"兄弟"加多一個臨時上場的陽山同學...

個分享完左之後,我地就去左食我地的午餐...
"全鵝宴"... 嘔到爆,啲鵝都唔知佢點煮
可以煮到咁難食的我都係第一次見=   =
食完之後,我地就同清遠/陽山的同學 SAY goodbye
因為佢地要返屋企了...

SAY goodbye 之後,我地就去左昨日無去到的玩具廠
間玩具廠係香港人開的
我覺得真係無咩野好講,超無聊...

之後我地就坐車返香港了!!!
就係咁,完左一個旅程啦...

報告完畢了!