今日我5點半就沖左涼喇,因為哥哥佢玩緊電腦,我又做晒功課,冇嘢做,所以咪去左沖涼先囉!跟住沖完涼我就有得玩電腦喇!平時我都係7點幾先沖既,所以話今日真係好早好早!今日既音樂堂同常識堂都冇上過,因為老師比我地用呢兩堂既時間來做個個專題研習,我地組可以話係做得七七八八架喇,唔係啩!咁早做晒,人地其他組先係度傾邊個做咩邊個做咩,但係我地就做得七七八八,我諗係之前考試既時候,我同winnie兩個都係度搵資料,但係其他人就溫書,所以我地就做得咁快喇。跟住我地做得七七八八就比老師睇下,老師話"嗯!做得幾好"yeah!不過其實個專題研習係得我同winnie係度做,其他人就係度玩,都唔做既~不過都唔係全部都係佢地既錯,因為我同winnie兩個自己霸晒來做,同埋winnie又驚死人地剪既紙剪得唔好,唔識整,自己做好D,其實佢都覺得我剪得唔好架,今日我要剪個陣佢好似有D唔係好自在咁!車!全部佢做晒咩

以上呢句真係岩佢喇!我諗佢見到我今日寫既日記又會嬲架喇!唉~~~