今日星期五,好鬼死開心,因為聽日唔駛番學呀嘛!講下其他嘢先,我依家就係合唱團既人,不過其實已經係"N"世喇,不過因為我地就來出去比賽,所以我咪講下我個合唱團囉,你地知唔知呀,合唱團勁辛苦,今個禮拜其實朝朝人地係度早會,我地合唱團個D就係度練歌,仲要係朝朝練,跟住個阿sir又成日要人地企起唱,又要唱到勁高音!跟住呢排仲要朝朝都唱,唱到我把喉嚨沙晒!我把靚聲大家暫時就聽唔到喇 (我知你地心諗"你把聲有幾靚")。今日都冇嘢,好似平時咁,都可以話係幾開心啦,不過今日坐係我前面個個成日傾計,老師調左位,有個個頭勁大既人坐係我前面,搞到我睇黑板睇到勁辛苦,跟住我仲要坐係最尾個個位!唉~~

今日又係冇上常識堂,因為又係比我地做個個專題研習,不過今日就唔係係課室到做,係係電腦室到做,不過其實唔係做啦,係比我地搵資料,但係我就冇搵到,我係度做,係度剪紙,係度貼嘢咁啦,而其他人我就叫左佢地搵花同樹,因為佢地都冇嘢做,而且依家又要搵個D花同樹既嘢!依家我地個專題研實在做得太靚喇,唔得喇,真係太靚喇,我依家睇下先!嗯,睇完,一陣再睇 !講下其他嘢先,不過講呢樣嘢我就火都來埋,因為今日第三個小息個陣D人要罰企,跟住咁岩個陣我又要當值,仲要係當班,咁即係我都要同埋佢地一齊罰企啦,跟住仲要罰到唔知係10分鐘定5分鐘,企到我死死下,仲唔要唔開風扇,熱到你唔順!仲有其他就係我今日帶左個袋番去,跟住放學個陣唔記得攞番,個銀包仲要係個袋度,跟住搭車個陣要攞個銀包出來比錢,搵唔到個銀包,係咁狂搵,跟住先記得番原來個銀包係個袋度,嚇得我呀,仲以為唔見左,跟住好采我有D1蚊2蚊雞個D散紙,跟住就比左個D,不過最衰既都係個枝膠水又放左係個袋,要用膠水都冇得用!

唔係怕呀!係已經真係忘記左喇!忘記左d咩?咪就係個袋囉

我真係失去左個袋先知道要珍惜呀

今日我5點半就沖左涼喇,因為哥哥佢玩緊電腦,我又做晒功課,冇嘢做,所以咪去左沖涼先囉!跟住沖完涼我就有得玩電腦喇!平時我都係7點幾先沖既,所以話今日真係好早好早!今日既音樂堂同常識堂都冇上過,因為老師比我地用呢兩堂既時間來做個個專題研習,我地組可以話係做得七七八八架喇,唔係啩!咁早做晒,人地其他組先係度傾邊個做咩邊個做咩,但係我地就做得七七八八,我諗係之前考試既時候,我同winnie兩個都係度搵資料,但係其他人就溫書,所以我地就做得咁快喇。跟住我地做得七七八八就比老師睇下,老師話"嗯!做得幾好"yeah!不過其實個專題研習係得我同winnie係度做,其他人就係度玩,都唔做既~不過都唔係全部都係佢地既錯,因為我同winnie兩個自己霸晒來做,同埋winnie又驚死人地剪既紙剪得唔好,唔識整,自己做好D,其實佢都覺得我剪得唔好架,今日我要剪個陣佢好似有D唔係好自在咁!車!全部佢做晒咩

以上呢句真係岩佢喇!我諗佢見到我今日寫既日記又會嬲架喇!唉~~~