今日冇嘢做呀!成日都係係屋企玩電腦囉!琴日都冇打日記呀!因為琴日係哥哥生日呀嘛,我地出左去食飯呀!今日成十一二點幾先起身,因為琴晚好晏先番來呀嘛,好似係1點幾!所以今日朝早就咁晏先起呀,跟住就冇食到早餐,因為都廢事食喇,都成12點幾啦,咁食左早餐唔通4點食午餐咩?所以咪冇食囉!跟住講起今日個午餐就惱,爸爸係雪櫃攞左D炒飯出來,佢話佢要出去,叫我地自己炒番熱佢,跟住我同哥哥都未試過炒架,跟住又落唔夠油,搞到D飯"痴"住晒個鑊!跟住又炒到唔知似咩......又炒到唔夠熱,咁不如唔好炒!跟住我同哥哥講"D炒飯勁難食呀!(因為係哥哥炒架嘛)"跟住哥哥話"咁你洗左個鑊之後我再炒過,跟住我洗個鑊洗到我死死下,因為頭先D飯"痴"住晒呀嘛,搞到我洗左成粒鐘!跟住哥哥就再炒過喇,點知今次仲衰,頭先唔夠油呀嘛.咁依家咪加多D囉!跟住炒完之後咪食囉,點知D油仲多過D飯......食到我勁想死!依家諗起都反胃!!跟住哥哥3點答半就比左我電腦喇!

我今日唔知點解成個人都周身唔自在,可能係因為今日朝早起身照鏡個陣竟然見到眼下面無啦啦生左粒烏蠅屎,即係......個字唔識打啦!我本來已經有一粒架喇,跟住依家又有一粒生左係個粒既下面!樣到你冇得再樣!所以我唔想比人睇到,成日都用手"傘"住番面!因為真係樣到你阿媽都唔認得呀!跟住番到屋企狂咁係度照鏡,照左勁耐先做功課!跟住我平時做功課既個張枱比哥哥用左,跟住我咪學哥哥平時人地做緊功課個陣無啦啦行埋過來同人地一齊做囉!不過做到勁唔辛苦!因為得少少sofa位坐,少少既枱可以用!不過哥哥都係!我屋企張sofa好架!不過因為哥哥坐左兩個sofa位,爸爸坐一個,媽咪又坐一個,婆婆又坐一個!搞到我坐到好似就來"掉"落來咁,不過最衰都係哥哥!因為佢坐左兩個位,因為佢連腳都坐埋呀!搞到我D功課做到唔知似咩??跟住做功課個陣又一路掛住粒烏蠅屎,一路掛住聽日要英文默書!唉~~點解我今日咁黑仔架!最衰都係粒烏蠅屎呀 !搞到我成日都好唔自在咁!!好想激光將粒烏蠅屎整走呀!如果唔係我真係衰十年呀!!

依家都冇啦!因為粒烏蠅屎囉~~

幾好聽既首歌~~

今日星期三,D堂我諗都算正啩!因為我諗有體育堂啩!不過就算有都比miss cheung搞到冇啦!體育堂係最後一堂,跟住體育堂既前兩堂就係英文堂,跟住個個miss cheung佢就成日落左堂都繼續係度比功課呀,教人做功課!因為佢成日都唔夠時間來教我地呀嘛!所以落左堂佢都唔走!跟住教我地體育個個阿sir其實忍左miss cheung好耐架喇!因為次次佢來左miss cheung都未落堂,佢又成日係出面等!之前miss cheung就成日遲5分鐘先落堂,今日仲離譜!遲左成10分鐘,所以可以話我地既體育堂係唔駛上架 !不過算啦,我地同個阿sir都已經慣左,因為miss cheung佢成日都係咁呀嘛!講下其他先,今日英文堂,我地有一個活動,咁個活動就要有一枝好鬼死臭既筆,膠水,一張好大既顏色紙,仲有一D細細張既紙!跟住落左堂之後我地仲未完成好個活動,跟住有一個同我同組既人就攞左張好大張既紙走,咁我已經諗住係我攞架嘛,點會係佢攞架,跟住佢又要我攞個D細細張既紙!我勁惱呀!跟住我諗住唔攞啦,佢咁鍾意攞咪比佢攞晒佢囉,跟住佢又唔攞喎!仲話"你係組長你都唔攞"依家冇人講過話組長一定要攞架喎,跟住我就勁惱啦,張全部細細張既紙好大力咁丟左係垃圾桶!跟住老師又話要收番,搞到我要係垃圾桶到攞番個D細細張既紙!好采D工友岩岩換左個垃圾袋姐~如果唔係叫我點攞番!講住咁多先!bye bye

monchhichi食雪糕有冇見過?