呢個網真係廢到冇得再廢,因為我琴晚試左成晚都寫唔到日記,所以琴日就冇寫喇!講下今

日先,今日我同D英語班既同學仲有老師去左大埔海賓公園個度玩,我已經去過個度3次

喇,因為差唔多次次英語班既戶外活動都係去個度既,跟住最唔開心既都係玩緊遊戲個陣

我超籮!個老師都傻傻地架,係D勁斜既草地度玩遊戲,跟住個個遊戲係要跑架,跟住我就係

第一個跑啦,咁係D勁斜既草地度跑咁梗係會仆街架啦,跟住我真係仆左街,個個係度笑,搞

到我籮到冇得再籮,跟住仲搞到個大脾甩晒皮,超痛!我真係好想.............

因為如果時光可以倒流咁我就唔駛咁籮!!

今日真係開心到冇得再開心喇!因為我竟然考到全級第5名,同埋仲攞埋全級中文第一名同英文全級第三名呀! 我仲諗住我連頭十名都攞唔到,但係點知仲攞左第5名,我實

在太開心喇!同埋我今日上堂唔會眼訓喇,因為我琴晚9點半就訓左喇,同埋琴晚冇人係度噪住我呀!所以訓到好好 !我今日好好運呀。

今日同琴日一樣都係上堂個陣勁眼訓,其實我琴晚9點半就去左訓,但係我變成11點幾先

訓,因為我訓緊個陣,有人唱歌唱到勁high,又篤我個肚!煩到死,跟住仲要佢入到房又要我

同佢傾計 ,所以又搞到我今日又係好似琴日咁!跟住我一番到屋企超眼訓,連鞋都冇除就

係sofa到訓左3分鐘!跟住先諗起仲有好多功課未做!所以就嗱嗱聲起身做功課,跟住順便攞埋包檸檬荼過來飲,一飲左落去之後,嘩!勁爽,唔會再咁眼訓喇