今日收既利是已經有好多喇!好似有幾千喇。我諗聽日仲多既,我好開心呀!因為全部利是都係自己袋!我都係唔講咁多喇,因為有好多人望主我寫日記呀!好唔自在 ........

今日我同Fay去睇戲,我地睇"賊壇新人王",好似係笑片來架!係就好喇,因為我最鍾意睇笑片架喇!不過其實本來我地唔係睇"賊壇新人王"架,係睇"魔幻王國"架,但係有個同學話係icq度sd呢套戲比我呀嘛!所以咪唔去戲院睇呢套囉!咁我本來約左依家Fay來我屋企睇架嘛,但係點知琴晚我叫個個人sd個套戲比我sd唔到呀,我依家仲未同Fay講呀!唔知講左佢會唔會惱呢 ,因為佢本來係想睇"魔幻王國"架,但係我同佢講左話"有人sd呢套戲比我,我地去戲院睇過第二套啦,跟住你就來我屋企睇"魔幻王國"啦"死啦!依家sd唔到套戲比我呀!

今日同左Fay同Jenny去左行街街同買飛(睇戲個D飛),跟住Jenny仲送左隻好得意既monchhichi比我呀!但係我都唔係好開心,因為Fay同Jenny好好架,係行街街個陣Fay同Jenny傾計傾到勁high,又唔同我傾 ,去飲嘢個陣又係,所以我唔係好開心,咁下次我出街唔會再同埋Fay仲有Jenny去架喇!去都只係叫Fay同我去,如果唔係又會好似今日咁架喇!