今日本來話放完學同Fay一齊去買飛(睇戲個D飛),但係佢今日又冇學,所以放左學我就冇去買飛喇!跟住番到屋企打比佢,原來佢話佢好頭暈所以冇番,咁我地就聽日去買飛喇!佢聽日又咁岩約左Jenny去睇嘢,所以順便同埋我去買飛囉!咁我就同埋佢地一齊去睇嘢喇!不過最開心既同係Jenny話送monchhichi比我呀!因為佢屋企有一隻monchhichi,但係佢又唔鍾意monchhichi,所以聽日佢就順便送埋隻monchhichi比我喇!!

例外,其實聽日我本來係約左我表姐去行街架!但係我表姐竟然話要帶埋佢細佬去,因為佢細佬冇人睇住,所以要帶埋佢出街,所以我頭先同佢傾電話個陣已經講左話聽日唔去喇!我知佢唔係好開心!但係我地女仔去行街冇啦啦帶埋個細佬去,會唔會有D樣衰呢??

今日好好天!不過唔知點解我又面紅喇!可能係冬天啦,不過咁樣面紅好樣衰呀!樣到冇得再樣,所以我唔鍾意冬天個陣好好太陽,因為如果一咁樣好天,我番面就會好紅架喇!!

琴日班主任已經冇番架喇,今日又冇番,而今日D堂又多數都係佢上既,但係因為佢冇番,所以我地就成日係度捉飛行棋!勁悶呀!!!! (仲悶到我訓著呀!)