今日晏就我就同winnie好番喇!唔關我事架,係佢自己哄番架炸,首先係落樓梯個陣,winnie同我講"你唔係到依家都仲嬲緊我呀嘛"跟住我好惡咁同佢講(其真我都冇諗住同佢好番既)"就係!"跟住佢就話"唔好嬲啦"跟住我就話"咩你唔係話你死都唔會哄番我既咩"跟住佢又係咁講"唔好嬲啦"就係咁......我就地好番喇!其實今朝我都下定左決心唔會再同佢好番架喇,所以今日朝我收功課(我係組長)個陣特登唔收佢個D功課(佢都係同我坐係同一行)等佢自己攞出去!跟住我再攞晒佢之前送過比我既嘢比番晒佢,跟住佢又係比晒我之前送比佢既嘢,咁我諗住今次真係唔會再好番架嘛,點知晏就個陣佢無啦啦哄番我喎!其實話是話呀,每次我地絕交就算係我錯或者係佢錯都係佢哄番我既,如果唔係佢哄番我,我地都唔會好番啦~~我唔知點解硬係覺得同佢講"唔好嬲啦"好鬼死唔自在呀,仲可以話好似有D起雞皮既感覺呀,所以我就係最憎同人地講咩"唔好嬲啦"對唔住啦"個D,講個D我真係唔會講,最多我都係講"唔好意思"姐,所以每一次都係winnie哄番我架喇,就算佢話"我死都唔會哄番佢"個D廢話,佢都係會哄番我架!!!

琴日唔知咩維修,所以今日補番琴日個D!琴日我就同左winnie絕交,我地今次係絕得最耐既一次,就係由琴日既朝早到今日既晏就呀,原因就係,琴日既朝早,winnie同我講話"死啦,個D童軍既獎卷一張都賣唔出呀!(佢係童軍來架),唔通我又要問方小娟借錢(佢成日如果咩要錢既話,但係佢又冇錢既就會問阿方小娟借架喇),要用50蚊先可以賣晒喎!"跟住我話"你駛咩買姐......無啦啦晒左個50蚊來買個D根本就唔會中獎既獎卷,你唔好問方小娟借錢喇"跟住個陣方小娟岩岩番,winnie即刻走埋去,我以為佢要問阿方小娟借錢呀嘛,跟住佢地講緊嘢個陣我就插嘴話"你無啦啦晒左個50蚊來買個D廢嘢,你唔好問佢借錢添呀"跟住winnie勁大聲咁同我講(仲要係驚死人地聽唔到同埋係好惡咁同我講)"得啦!人地又唔係問佢借錢~"跟住個陣我勁惱,阿winnie知我惱喇,所以就同我講"冇事發生,冇事發生"跟住我勁惱,順便係winnie個書包上面有兩本書,跟住我就攞個兩本書勁大力咁"掉"係佢隻腳度,跟住佢要執番個陣我特登攞我個書包壓住佢D書,不過佢都係執左,跟住佢執完之後同我講"咁我D獎卷點呀?"跟住我同佢講"鬼知你呀"就係咁......我地就絕左交喇。到左小息個陣,winnie佢冇人同佢玩就同阿方小娟或者係趙雅婷佢地玩架啦,跟住個陣我當緊值,趙雅婷無啦啦行過來同我講"你哄番佢啦"跟住我話"關我咩事呀?"跟住趙雅婷話"佢話佢今次唔會哄番你喎"跟住我話"冇人叫佢哄番我呀!"跟住我就過左成日勁憎winnie既心情來上堂,係咁諗"屌佢老母含家產,屌佢老母含家富貴"雖然有少少不雅,但係個陣我真係憎佢入骨呀!(想睇我地最後點就睇埋今日既日記喇)

今朝9點半起身,刷完牙之後食早餐,跟住10點就開左電腦喇!同左泳蓉傾msn,跟住去左佢個日記,見到佢有好多勁靚既圖片,跟住叫佢sd比我,sd到亂晒嚨!不過都多左好多勁靚既圖片,跟住再係佢個日記度留左言,佢打既日記係"我琴日係一生人一次英文默書100分,阿媽送左好多嘢比我"跟住我留左言話佢爽爆,不過佢又真係爽爆呀,又送咩mp3,咩衫.......佢真係爽爆呀!我都想呀,不過發夢都冇咁早呀!跟住再用咪同佢傾計,佢話琴日同佢阿媽去行街,有個人話唔知咩申請左D咩就有monchhichi公仔送,跟住仲話泳蓉似monchhichi呀!!哈哈 ,不過依家睇睇下又真係既似!!好喇唔講喇,我依家要同泳蓉傾計喇,不過冇咩傾,唔係......應該係同monchhicho傾計呀,好喇!我要同monchhichi傾計喇!!bye bye