琴晚成1點幾先訓,因為係度練笛,吹到我死死下,鬼叫要考試咩.........跟住今朝成8點幾就比人叫左起身!!因為要去行山~頂!!跟住仲要係冇車搭上去,要行成世~!仲要咁熱,所以我就著短袖衫,費事中暑呀!跟住我地仲約左好多姑姐個d,我地係油塘地鐵站到等,等左佢地成世先齊人,跟住就要開始行喇!行左5分鐘我已經想死,跟住仲要行到唔知幾耐,個陣真係又熱又累,得番半條人命,行左1個鐘倒啦我諗,終於都到左喇,到左個度仲要摺個d咩屁屁嘢,摺左勁多,摺摺下又要去上香,勁煩呀!!跟住我摺完之後去睇下人地個d.........有個人,唔係人,係鬼,佢死喇嘛~佢d家人擺左d monchhichi係度,我諗個隻鬼做人個陣一定係鍾意monchhichi架喇!!跟住等D人燒好晒個D嘢,我地去左洗手間,去到洗手間先見到原本我個頭係咁亂架,成個癲婆咁........=.="跟住咪梳下頭囉,梳完~嗯.........令晒!!跟住我地成隊人又要落山喇,條路勁斜,行個陣隻細腳指勁痛呀!!行行下又要坐係度休息一陣先!!跟住行到落去又係個句啦.........等番半條人命!!跟住就去左籃田個度飲茶,食到勁飽,食完之後去左二姑姐屋企,佢住係籃田呀嘛!!去左個度都冇嘢做,不過我都唔玩啦........隻腳好累呀!!D人仲去左公園度,佢地問我去唔去.我都唔去啦........好累呀!仲要勁眼訓個隻!!唉.........坐左兩個鐘要番屋企,番左屋企唔知點解勁唔舒服,即刻係sofa度訓左兩粒鐘,爽呀!訓醒就去左執書包~唉............聽日要番學!不過禮拜二同三都唔駛番,清明節呀嘛!!執完書包岩岩新聞開始左,係度講今日d人行山個d嘢,幾驚比人影到我呀!不過好采冇姐.........哈哈~~之後去沖涼,沖個陣隻腳又係好累呀!跟住洗左3次頭,如果唔洗3次我今晚訓唔著呀,今日個頭好烏嘈呀!!沖完就玩電腦喇!!

今朝9點幾先起身,跟住成10點半先出門口,我諗住一定係遲到架啦..........點知入到課室D人玩到勁癲,老師都仲未嚟!跟住到左搭10,個英文班應該要開始喇嘛,點知老師都仲未嚟,到左搭正11點,徐慧娟岩岩嚟左,老師又係岩岩要開始,跟住同我講"頭先落左去先知唔記得帶呢本嘢(作業),跟住再上番去,先搞到咁晏"跟住我同佢講"唔緊要........都係以家先開始炸嘛!"之後就開始上堂喇,上左半粒鐘,D嘢就咁做晒,又係開始個D勁白痴既咩"free time"自從上次去左5D班比條仆街miss鬧完,我地今日就冇上去喇!搞到悶到爆呀~狂咁係度同阿徐慧娟係度聽歌,聽到最後一首都仲未落堂.......勁想死呀,跟住我就覺得勁熱啦,所以同阿徐慧娟講"唉.........依家都咁熱啦~聽日去行山仲熱呀"跟話佢話"行山?"我話"係呀!要去探我阿爺呀嘛"佢話"係邊度架?(咁即係佢心諗我阿爺住係山頂)"跟住我話"墳場囉.........."之後徐慧娟狂咁係度笑!!=.=跟住到左12點搭半落左堂喇!跟住我問阿徐慧娟今日有咩做,佢又係個句"冇呀~~"唉!!成日都係屋企!!好悶呀!跟住我同徐慧娟就各行各路喇,咁所以我咪同阿葉嘉慧一齊行囉,跟住佢狂咁同我講5C一個新嚟既男仔D嘢,又話咩個個人個英文名叫"Gim"咩佢行路好快,佢又好高~!我忍左阿葉嘉慧勁耐囉..........睇死阿葉嘉慧一定係鍾意個個人啦~~鍾意一個人先會成日講佢架炸!!跟住番到屋企勁累,換左衫就係張床度訓左一陣,都有半粒鐘!!跟住訓訓下爸爸無啦啦叫人地,佢話"你食左飯未呀?"跟住我話"未"佢話"咁起身啦,食飯呀!"我勁唔明囉~~佢都未煮好,就咁快叫人起身,比人地爽多一陣都唔得!!不過我都冇理佢繼續訓,訓訓下都係起身喇,咁岩又食得飯!!哈哈~~食完飯梗係玩電腦啦.......咁跟住就係打日記啦!!唔知點解今日冇咩嘢打咁呀!我諗都係因為今日成日都冇嘢做既關係~頭先睇天氣報告,好似係星期三23至26隻呀!熱到你爆............不過我都有D開心,因為夏天喇嘛!睇嚟聽日去行山我都係要短袖衫好D喇,如果唔係中暑呀!!hot weather warning呀!!

今日冇咩時間打日記喇,所以唔講咁多啦........

今日常識小測,仲要連測兩課!不過我好開心呀!因為我岩晒呀嘛!哈哈~又有兩個印喇!講番印,今日英文堂我地個組又多一個印喇!再攞多個就得架喇!跟住都冇咩特別嘢~~番到嚟屋企媽咪放假,冇番工,跟住佢叫我食完飯同佢去舊屋度攞嘢!我勁唔想呀,人地諗住唔駛做功課玩電腦呀嘛..............唉!!之後到左舊屋,終於都攞晒D嘢喇以後都唔駛再去攞嘢喇!跟住攞左之後媽咪去街市,我唔想去..........係車站度等佢!等左半粒鐘!!我屌~~等到我死死下!之後媽咪先嚟度,仲要買左勁多嘢!我都冇眼睇呀!!到左屋企勁累呀~係sofa度訓左一陣,不過係1分鐘個隻呀嘛!跟住去左沖涼,15分鐘就得喇~出到嚟先知道哥哥今晚唔番嚟食飯!跟住我梗係好開心啦..........因為我諗住哥哥一定係玩到唔知番屋企,勁晏先番!點知8點幾佢就番左!!頂~~跟住哥哥食勁面個陣我諗住玩電腦啦.........點知鐵血保鏢大結局!我唔睇都唔得喇~跟住睇左好耐!終於完鬼左..........勁好睇呀!!好想再睇多次~不過都唔夠霍元甲好睇!!哈哈~~睇完就梗係玩電腦啦!!不過我都知好快就冇得玩!因為哥哥呀嘛!!依家真係冇得玩喇!!88聽日見