今朝照番以前係舊屋個個番學時間起身,跟住搭5行落去見到amy係度等我,我仲見到佢阿媽,唔知點解我行緊過去個陣amy個阿媽望住我?跟住就同amy行過去巴士站,行到過去勁快就有一班車,mandy又咁岩係搭個架車,跟住但係我個站好多人,所以我同amy就冇去搭個架車,但係amy就同我講"死啦,唔知mandy會唔會嬲呢?"跟住我話"嬲咩呀?"佢話"頭先我地冇去同佢一齊搭車囉"跟住我話"唔會啩,佢咁小器?"之後架巴士勁快,3個站就到,但係我勁唔明點解架車咁快,amy平時又咁早番做咩呢?之後我就問佢啦,佢停左一陣,我諗佢都係唔知點答我好!跟住佢話"有時番到學校都要搭8架"跟住我話"嗯!"番到學校就見到winnie,之後我唔識背書,係度溫,之後再背比winnie聽!依家我識背喇,原來係咁簡單架~到左早會個陣,唔知點解羅老師冇落嚟?原來係請病假,仲要係3日添呀,好yeah!跟住中文堂,常識堂同音樂堂就例外一個老師代課,個個老師咁岩都係姓羅架!係喇,講起音樂堂就講今日音樂堂點啦,今日音樂堂例外個個羅老師唔識教音樂既,跟住就要我地去電腦室上一D關於音樂既網,但係我地又冇個D音樂既網址,所以就叫老師比我地去電腦室自己玩自己,之後老師同我地講左勁多廢話,話咩去玩電腦冇益,邊個可以講到玩電腦可以學到D咩呀?之後我咪勁大聲咁講"打機咪可以學到敏捷囉!"跟住D同學話"講得好~"仲要拍埋掌個隻,我勁無奈呀!之後大家都串到個老師比我地落去玩。到左最後個一堂係英文,勁悶呀,係度訓覺,爽呀!!!之後放學排隊個陣,有條仆街仔(之前叫我吳米琪個個)問阿winnie攞電話,跟住winnie梗係唔比啦,同佢3唔識7,之後條仆街仔左去廁所,跟住我同winnie講"同佢講999呀嘛,叫佢任打"跟住條仆街仔出左嚟之後winnie同佢講我頭先同winnie講既嘢,條仆街仔勁無奈.........哈哈~落到去我諗住搭巴士,但係小巴又近D,不過巴士又平D~最後都係揀左搭小巴,可以早D番到屋企呀嘛!,哥哥番嚟喇!可能冇得玩電腦喇又!

今朝12點幾先起身,因為琴晚爸爸D朋友嚟左,傾計傾到勁大聲,都唔駛訓啦,搞到我勁晏先訓到喎,所以就12點幾先起身喇!一起到身媽咪就同我講左勁多嘢,佢話"一陣刷完牙去食早餐先,跟住去洗碗,洗杯,掃地,拖地,做功課!"跟住我勁無奈,佢同我講咁多嘢我都唔記得啦,不過我都記得少少既,不過我就冇拖地喇,爸爸拖!拖地勁辛苦呀,所以我都費時拖啦~跟住食完午餐之後就去左做功課,我地成3點先食,因為爸爸好晏先起身呀嘛,所以咪咁晏囉~跟住做功課個陣D功課少到你爆,因為係學校都做左好多喇,而且又可以抄下隔離個個,快到爆啦~不過最麻煩既都係資料搜集,因為要揀一個歷史人物,然後搵佢既生平同故事,本來哥哥就叫我寫"楊廣",但係我又唔知"楊廣"既生平,所以我就寫左一個勁想嘔既人物,就係"楊貴妃",哈哈~肥婆呀,都唔明點解以前D人覺得肥就係令女,真係想死呀!做晒功課之後係度聽歌,又唱到勁high,跟住打比amy,諗住聽朝約佢一齊番學,點不知佢沖緊涼!之後哥哥又做晒功課之後就去左沖涼啦,咁梗係到我玩電腦啦,今日都未玩過呀,我一上msn,amy就add我,佢問我頭先係咪我搵佢,之後佢就打左比我,約左聽朝我去佢樓下等佢,不過其實都唔駛等啦,佢仲快過我~今晚終於都唔駛打邊爐喇,我連續兩晚都打邊爐,打到都想死呀,但係今日唔駛喇,好開心呀!今日winnie打左5次比我,每一次我地都只係傾左3分鐘!就係因為冇嘢傾,所以winnie就話一陣打比我,跟住打左比我之後又係冇嘢傾,跟住winnie又話一陣打比我,如此類推,嗱~依家佢又打嚟喇,睇死都係冇嘢傾架啦~哈哈~

琴晚勁晏先訓呀,不過張床勁爽呀,同埋我之前成日都係同哥哥一間房架嘛,咁即係夜晚訓埋同一間房啦,但係琴晚我第一次自己訓,勁爽呀,因為哥哥之前成日都要同人地傾計,勁煩呀,但係琴晚就唔駛同哥哥訓,所以好好訓呀,張床又爽呀!哈哈~講下今日先,今朝差唔多10點先起身,平時係舊屋度都係9點起身,但係依家搬嚟呢度就比較近學校,所以晏D起身都唔緊要啦~跟住我搞掂晒D嘢之後仲有好多時間,我勁想玩電腦呀,但係部電腦擺左係哥哥間房度,哥哥又訓緊覺,所以冇得玩喇!到左出門口個陣,我就快關門既時候,無啦啦有個阿婆行埋過嚟我間新屋個門口度同我講"裝修得好令喎"跟住我心諗"同你三唔識七"跟住我勁無奈咁同佢講"係咩?"之後就落左去搭小巴,搭左3分鐘就到學校,係咪好快呢??之後又開始上個個勁白痴咁英文班喇,跟住上左冇幾耐又開始咩free time,仲有1粒鐘,唉,個1粒鐘都唔知做咩好呀!跟住又上左去5D班度玩電腦,玩緊個陣有兩條仆街仔行左入嚟,有條仆街同我講"佢有D嘢同你講呀!"之後例外個條仆街仔同頭先同我講嘢個條仆街仔講"屌~食屎大架你,up咩呀!屌你咩,撚~~"D粗口多到你唔順!其實我都明架喇!唔駛講我都知條仆街有D咩同我講啦!之後番到屋企amy打比我,約我去食飯,跟住就去左M記食,食左半粒鐘,勁飽,仲未食晒,之後就去左廁所度,個廁所勁烏jo呀!不過算啦,又唔係成日都係係個度柯既~跟住又去左個公園,個公園既搖搖板勁好玩呀(吹水個隻)!amy重過我,搞到我成日都係上面,amy就係下面,根本就唔駛玩!哈哈~之後就各自各番屋企喇,番到嚟見到姨姨同monchhichi(姨姨個仔),monchhichi好鬼得意呀,得意到冇得再得意呀!哈哈~一陣又有D阿姨嚟我屋企架喇,今晚留係度食飯呀,好開心呀!