今日朝早早左起身,平時都係6點40分起身,但係今日就早左10分鐘,因為琴晚約左winnie今朝係百佳門口等呀嘛,點解要去百佳??咪就係今日我地5D班有19個人去唔知去咩嘢郊野公園執垃圾,講得好聽D就係清潔活動啦,咁winnie就要去百佳買D零食囉!跟住我就搭早左班車啦,岩岩落到車就見到winnie係度等我,佢話去M記買早餐先,跟住先去百佳買嘢,到左M記winnie請我食薯餅,咁我攞到咪諗住食囉,跟住winnie話"可唔可以唔好依家食?"跟住我話"唔係依家食咁幾時食呀?"佢話"到左學校先啦"其實我都唔明點解一定要番到學校先食??番正都要行過去百佳架啦,一路行一路食唔得咩??不過算啦!我地到左百佳之後就揀左兩包薯片啦,仲有D唔知咩糖,仲有嘢飲,同埋winnie最鍾意食既二寶,之前我都唔鍾意食二寶既,因為覺得入面個D"液體"好難食呀!不過依家winnie成日都係請我食二寶,搞到我又鍾意食!跟住比完$之後就行去學校啦,點知落雨落到鬼死咁大,不過好采winnie有帶庶,跟住行既途中見到方小娟,佢又係行緊去學校,但係佢又冇帶庶,咁我地咪庶埋佢囉,把庶已經細架啦,仲要3個人一齊庶,所以可以講話"庶左等於冇庶"到左學校之後梗係食個舊薯餅啦,但係唔知點解食個陣D人係度望住,又係度笑!我勁唔明,有D咩咁好笑姐??到左早會喇,我地禮拜一都會有一個咩月份短講,今個月就係講公德心,跟住個個老師就話我地冇公德心,去洗手間個陣好隨便,隨便到有時仲見到地下地有一D液體同固體,跟住我同阿winnie講話"液體同固體咪即係屎同尿囉,駛咩講到咁文雅姐!"笑到winnie鬼咁!跟住有個老師又宣佈話今日去個個清潔活動既個19位同學一陣就唔駛落嚟喇,因為天雨既關係,所以呢個活動取消!個老師講晒之後我同winnie勁唔happy呀,不過算啦,個D零食咪小息食囉~我琴日已經喉嚨痛架喇,今日仲要食咁多零食,唉~我真係就快病喇!仲有今日個19個人都冇帶書,因為要去執垃圾呀嘛,跟住又取消左,所以今日成日都冇用過書,係度睇個D咩ETV,悶到爆!不過算啦,唔教書仲好!!

今日食完早餐之後就做功課喇,因為冇嘢做呀嘛,同埋我又想快D玩電腦喎,所以咪早D做囉!跟住做做下1點喇,我要煮公仔面,煮左10分鐘食得,跟住食完之後我就繼續做功課,做到勁快,樣樣都咁易,而且D功課又唔多!所以我勁快就做完喇,跟住我諗住玩電腦啦,哥哥又成日話玩埋呢一次,跟住佢玩左一次之後又話玩埋呢一次,跟住我咪忍佢囉!到左佢玩完之後真係到我玩喇,我先嚟肚痛,搞到要去"便便",有得玩先嚟肚痛,激死人喇!不過"便便"左10分鐘就搞掂,出到嚟哥哥又話玩埋呢一次,煩到死,成日話玩埋呢一次!,不過最後佢都比左我玩,跟住我玩個陣去左個D monchhichi網啦,個板主話monchhichi最鍾意食手指啦,食奶咀啦,向上望啦...同笑啦^^最憎就係多塵啦...潮濕啦...同"luck"毛啦,原來monchhichi係咁既,下次我仲要多D了解monchhichi呀!今日好似冇咩寫咁,我諗係因為成日都係屋企既關係啩,唔得呀!下個禮拜一定要出街呀,成日都係屋企咁悶,好!一於決定下個禮拜一定要去行下街買埋對鞋呀!如果唔係我又同個個咁既跟屁狗撞鞋啦,同個個跟屁狗撞鞋簡直就係影響我既聲譽呀!!影衰我呀,所以下個禮拜無論如可都要出架喇!

今日又係要番英文班呀!跟住朝早我已經係9點就起左身架喇(10點40分開始上堂),平時我都係9點半先起身既,因為我諗住起身洗頭呀嘛,咁我見D頭髮都冇好似平時咁"曲"晒洛,所以咪唔洗囉!點知哥哥話"你D頭髮好核突呀!"跟住我話"咁你想點呀?"跟住佢話"不如我幫你gl頭呀"咁我咪比佢gl囉,點知佢gl左成世,雖然係好靚,但係就係呢個頭搞到我遲到,遲左15分鐘,等我講下點樣遲先..........咁我落到去樓下就即刻跑啦,咁我諗住可以搭到搭半個班車呀嘛,點知跑到過去個車站,架車岩岩走左,屌你呀!!搞到等左勁耐,等左15分鐘先來左一班車,跟住落左車之後我行到勁快,跟住到左學校之後即刻跑去四樓,嘩!跑到我連命都冇呀,跟住一入到課室,有個人話"oh shit!"我都唔明點解佢要咁樣講!!跟住我就即刻攞D書呀筆呀個D上嚟啦,跟住個老師勁白痴,佢話"Yuki,what's your name?"佢都講左話yuki啦,仲問我叫咩名!!佢真係有問題呀,跟住我咪答番佢"yuki囉!"真係我都諗住費時同佢講呀!!跟住又係度做個D咩作業,悶到你爆,就快悶死喇,跟住做晒個D咁既嘢之後又到左咩free time,都係冇嘢做既,不過好采課室入面有部電腦,同D同學玩電腦玩到勁high呀!跟住我地原本係12點40分先落堂架嘛,今日就答半就落左堂喇!跟住岩岩好趕到班車,好早就番到屋企喇!!跟住我叫媽咪比$我去買鞋,媽咪話"就來搬屋,搬左屋之後先再買,如果唔係搬嘢過去新屋個陣又要搬你對鞋,咁D行李又重左"咁我諗住算啦,買左先算,咁咪打比表姐,叫佢同我去買囉,點知佢又話咩要做功課,咁我咪話聽日囉,佢又話咩聽日要溫書!都唔知真唔真,佢話咩今日要做功課所以唔出,依家我上msn佢又上左線,仲同我講打緊日記添,做咩功課呀,玩電腦就玩電腦啦,唔出咪唔出囉,做咩功課呀!!