勁惱琴日呀!琴日我打完個日記之後,我就禁插入/編輯圖片,諗住整D靚靚既圖片呀嘛,跟住禁左之後佢個網就輕左喇!咁我咪忍佢一次,再打多次囉,跟住打左勁多,複製左打左個D先,廢時一陣禁左個個嘢又輕機,跟住我就禁啦,點知真係又輕左!咁我諗住唔緊要啦,反正頭先複製左個D字,跟住我再試多次啦,我禁貼上竟然唔得,跟住我就勁惱,所以就冇打到琴日既日記喇!講下今日先,今日小息個陣,我同wiinie坐左係操場個D長椅到傾計,跟住見到D男仔就唔知係度玩咩啦!跟住佢地玩玩下無啦啦做左D"不雅既動作"就係互踩私人部位,跟住我同wiinie緊無奈,冇眼睇,跟住佢地踩踩下又打起交來,就係唔知幾多個對一個大家成日都講D好難聽既說話比佢聽既肥佬,我諗係佢地玩個陣,D人話個個肥佬咩肥呀,豬八戎呀個D啦,仲有咩肥春卷!所以個個肥佬就打佢地,跟住佢地就一個一個來打個肥佬,其中一個同個肥佬打到勁high,打到流埋血,佢地真係好變態呀!跟住上到課室,坐係我隔離個個頭先都有份打既,跟住我就同佢講,"你地頭先個個都係痴線架!"跟住佢話"車......個個小息都係咁架啦"跟住我心諗"咁即係唔係個個小息都流血呀?"佢地真係勁恐怖呀!個個肥佬又真係幾慘既!因為個個都笑佢肥呀嘛!之前個個肥佬中左"雀屎"!個個笑到好似傻左咁!個個肥佬做每一件事都會比人笑架,佢真係慘!!

希望佢地唔好再咁衰啦!大家做好朋友!!

依家我係補寫番架,因為琴日上唔到日記呢個網,試左幾廿萬次都上唔到,所以就冇再上喇,咁依家就補寫囉!琴日勁悶,因為星期六同左表姐去行街呀嘛,咁功課又未做,跟住我睇完11點開始個個咩超能嬌妻之後就做功課喇,原來D功課都唔係好多架炸,不過就有個作文,個作文係要作"我是xxx"個xxx就係要你自己作,跟住就作下點解想做呢個嘢呀,做呢個嘢有咩好處呀,跟住就感想呀個D啦,跟住我諗左好嘢,但係諗諗下又好似冇咩作咁,跟住哥哥話"作足球啦,大把嘢比你作"跟住我呆左......爸爸就話"細妹都唔識咩足球啦,不如作電腦啦,你地最鍾意既"跟住我諗諗下,咦!幾好喎,不如就作電腦啦,跟住作作下又係冇嘢作,跟住就作左D唔關事既嘢落去,所以我諗我今次D作文一家好低分,因為咩"我是xxx"跟本就係冇嘢作既,之前個D求其諗都諗到D啦,但係今次就真係諗唔到!好啦唔講喇,我依家要打今日既日記喇,大家睇埋呢兩日既日記啦,同埋最緊要既都係 呀!唔留唔准走呀!!

今日食完"晏就"飯就同左表姐出去,因為佢琴晚來我屋企,話聽日陪佢去還書,順便去行埋街咁喎,咁跟住我地就約左係優之良品到等,我岩岩到,佢又岩岩到,跟住一齊行去圖書館,行既途中傾左好多嘢,我諗大約行左15分鐘,跟住表姐本來話要還書架嘛,點知佢詬"要比我細路睇左先還,依家借左書先"咁我地就係圖書館到行來行去,係個度行左4分鐘,跟住話勁唔想睇書,跟住就去左新都城行街喇,跟住去左好多間鋪,睇左好多衫,不過最唔少得既梗係去crazy room啦,個度有好多好靚既衫啦~袋啦~好多好多啦,跟住我就睇中左一個新番既袋,個袋靚到冇得最靚,表姐都話幾好,個袋都既平,150蚊炸,咁梗係啦,crazy room個D嘢不嬲都係咁平架啦,同埋不嬲都係咁靚,所以每一次去行街都唔少得去crazy room!哈哈 !不過最尾都冇買到,跟住表姐話帶我去一個好正既鋪頭,我心諗"咩唔係得crazy room先係最正咩?唔通仲有D仲正過crazy room既鋪頭?"跟住佢就帶左我去喇,到個度,原來真係好正架,係食嘢既地方,係賣小食架,我同表姐一人買左好多薯餅,跟住行左去公園個度,一路坐係公園度一路食個D薯餅,同埋一路傾計,傾傾下,oh no!到左最唔開心既時候喇,就係薯餅食晒喇!好想再食呀!不過算啦,,下次去再買先。跟住我地兩個都食完之後就去左圖書館度借書,因為頭先冇借到,依家要借~借完之後,我同表姐行番去尚德個邊,跟住去左尚德商場度買洗甲水,因為表姐佢搽左指甲油,但係學校又唔比,所以要即刻洗左佢。跟住我地就去左watsons度睇下,點知最平既都係36蚊,表姐話sasa度先7個半!所以佢就叫左我幫佢買喇,因為我間學校勁近新都城,咁新都城又有間sasa呀嘛,咁佢就叫我放學個陣幫佢買埋,其實我唔想買架,因為放完學都好晏啦,仲去買!唔係啩,所以我就同佢講話"如果得行就買啦"咁如果我真係得行既話就幫佢買囉!嘩~死喇,打打下,原來打左咁多喇,我諗今次係我打得最多既一次呀!