琴晚我11點幾就上左床訓,但係訓唔著,搞到1點幾先訓得著,今朝勁唔想起身,因為勁眼訓,今朝一起身好似冇眼訓過咁,好想再訓呀!!不過都係發夢罷啦~~落到去先知唔記得左帶庶,不過唔緊要,Amy有,同佢一齊庶囉,跟住我地一齊去搭車,又係同佢冇嘢傾,不過我同其他人都係咁,不過同winnie就唔同喇,所以我同winnie咪可以做到朋友囉~番到學校,對白飯魚勁烏嘈,黑蚊蚊,所以我即刻去左洗手區到攞紙巾,個陣岩岩見到winnie,佢又係要攞紙巾整一整佢對鞋,我地整完之後去左圖書館,係入面溫下書啦,跟住唔夠3分鐘就出番嚟!出到嚟winnie同我講"咦...........今日隻BB(佢屋企隻貓)係度瀨尿,仲要瀨係呢條褲度,你聞唔聞到我條褲有D味呀?"跟住我根本就聞唔到啦~之後winnie自己係度聞佢條褲,跟住我又聞下.........臭到你爆呀!個陣真係唔知點樣先形容到個D味係幾咁臭架!到左早會,早會個陣我差D死!因為我勁肚痛呀,不過我都係一個字"忍"!跟住我已經忍左好耐,個早會完鬼左,之後上課室,仲要行樓梯行到去5樓,今次真係唔死都唔得喇,跟住我就繼續"忍"!忍到到左課室,又要收功課,跟住我又"忍"!啦,我一攞起本功課就越嚟越痛,我個D"忍"都唔掂喇,最後都係問左老師去廁所,不過大家唔好誤會係爆石呀,我都諗住係爆石架,點知只係柯尿,但係柯左唔痛喎真係,勁奇怪呀!中文堂小測詞語,錯左5隻字!數學堂狂咁係度對補充,悶到爆!跟住小息,我同winnie講左勁多笑話,好搞嘢呀!常識堂小測,岩晒,好開心~小息,又係講番個D笑話,我地依然都係笑到勁high,體育堂係度玩埋D白痴既遊戲!音樂堂,教左首新歌!食飯,今日個D唔好味既~下次唔會再揀個個餐架喇,小息,係度行嚟行去,冇屁屁嘢做!電腦堂,個miss唔知係咪更年期,狂咁發癲,忍左個miss勁耐!英文堂悶到你爆,係度訓覺,爽呀!放學搭van仔個陣,有個阿婆同個帥奶係度傾計,跟住個阿婆就係坐係個師奶後面既,個阿婆傾計傾到勁大聲,跟住仲要噴晒D口水出嚟,佢前面個師奶個條衫同D頭髮都唔駛要啦,個阿婆會唔會傾計傾得太high喇!番到嚟做功課,5分鐘搞掂,跟住就玩電腦喇!

其中幾位朋友既性格

1.winnie:有D小氣,大方,咩都捨得送比我!

2.Cathy(婷):有D男人味,勁鍾意跑步,仲跑得勁快

3.Fay(娟):唔鍾意講嘢!好令女~

4.Katie(嘉):講嘢好搞笑~

5.Amy(琳):有少少似周麗淇,好忍得呀~~

6.Mandy(靖):勁小器,有D扮得意

7.Polly(敏):講嘢好細聲

8.Roco(小):有時佢講D嘢我唔係好明,但係佢又笑到傻左咁

我成日講既嘢

1.爽呀!

2.屌你呀~

3收皮啦

4.會唔會太爽呀?

5.食屎啦

6.比面色

7.monchhichi

8.屁屁

做咩係最爽

1.游水

2.訓覺(尤其係上堂個陣)

3.一日沖涼沖3次

4.講屌你個陣

5.去掃貨

6.出去玩

7.鬧人同打人

最憎人地同我講咩

1.溫書啦........

2.比我玩電腦

3.都係唔出喇(甩飛機)

最憎人地做咩

1.拍馬屁

2.話自己令女

3.跟人

4.推埋我落水

5.豬事八掛

6.插咀

7.話我鍾意邊個邊個,邊個鍾意我(呢D係低B仔既行為)

8.識講唔識做

9.係度阻住地球轉

10.人地講一句佢講十句

係咁多...........係咪多左了解我喇??

今朝11點,聽到哥哥係度傾電話,搞到噪醒左我,跟住哥哥話"我仲以為你出左去,原來琴晚你同媽咪訓,唔怪得係你間房見唔到你啦~"跟住我話"唔係呀嘛~~我係媽咪間房你都見唔到我=.="~"跟住刷完牙食早餐,岩岩食完amy就打比我,佢話一陣去打羽毛球喎~跟住但係我又岩岩食完早餐,一陣一定係好晏先食午餐架啦,仲有又未做功課~跟住最後我都係同amy講"咁我依家即刻做功課,做完就食飯,食完飯就出!"跟住我勁快咁做完功課,半粒鐘搞掂!跟住就食飯,好似琴日咁,自已煲飯,食完之後我又洗埋碗,岩岩好amy打比我問我走得未,跟住我換好衫就出左去,我去度我地等既個度,等左好耐amy同mandy都仲未到,跟住我就係個度行嚟行去,唔經唔覺行左一個圈,跟住我諗住番番去我地等個度,岩岩見到amy同mandy跑緊過去個度,跟住我就行過去啦~之後我地諗住落番去下面打,點知又落雨,好落唔落依家先落~跟住我地就係一個庶住個天既地方打,打打下勁累呀我地,落左去OK買嘢飲,我同amy都係斟個D"氣水",跟住我斟斟下無啦啦無氣,搞到等左勁耐先斟到,等個陣我係度飲,一陣斟到個陣又再斟番........哈哈~係咪好醒目呢??斟完之後mandy就要走喇,我同amy接佢到小巴站,等緊小巴個陣amy好急,我同佢去左廁所,出番嚟mandy走左喇已經,跟住amy話"yeah!佢走左喇!唔知點解呢排唔係幾鍾意同佢玩呀!"我都知點解amy唔鍾意喇,因為mandy好小器~~之後我地兩個就行嚟行去,傾下計咁~想係D公園度玩,但係阿天哥又落雨,"天哥呀!點解你要落雨架??"跟住我地就番屋企喇,番到嚟我開門個陣,唔知點解個門開唔到,明明個門就冇鎖,原來係我自己鎖番個門=.="唔怪之得開唔到個門啦...........我真係傻傻地架!跟住哥哥先幫我開番個門!哈哈