今日唔知點解番到學校之後勁悶呀,咁耐都仲未集隊,等左勁耐呀,今日真係特別耐架喎,上到課室就開始咩作文堂,作"小息的時候",我求其作就作左兩張紙,不過篇文有D無聊,係咁架啦,如果唔係仲有D咩作呀??跟住上左兩堂呢D咁既作文堂就小息喇~~小息又係悶到你爆,我同winnie都冇嘢玩,大家坐係D長椅度傾計,傾左好多好白痴既嘢!跟住就到左英文堂啦~平時英文堂我成日都舉手答問題既,但係唔知點解今日淨係舉左1次,我諗係今日同D同學傾計傾得太high啩,所以我地個組今日勁少分呀,冇印仔~~不過算啦,我地組都係慢過其他組架啦,人地就13個印,我地就5個印,你話死唔死呀??跟住個D都冇咩特別既嘢~~直到數學堂,上上下老師無啦啦話"去問答比賽個3個正選出一出嚟,同你地講D嘢。"唔怕話比大家聽...........老師叫我去咩數學問答比賽呀!其實我都唔想去,而且我咁多科之中數學係最廢架,所以我已經事先同個D同我一齊去比賽既人講"嗱!到時我坐係度架炸,我廢到爆,廢時答錯左唔好啦,你地答得架喇!"點知今日老師咪叫我地3個出去既~個老師話"經過我慎重咁考慮過,組長就由吳毓琪(我)做啦,因為我覺得佢係入面之中最冷靜既一個"老師講左之後我勁想死~~做咩組長,答問題個陣要攞起個咪,跟住大大聲咁講個答案,仲要比全校D人聽到晒呀!!本來都唔係我去咩比賽架,係阿徐慧娟,之前老師講過"咁徐慧娟就真係女仔之中數學最高分既一個,但係我同你地既班主任傾過,徐慧娟實在太文靜喇,咁所以就吳毓琪(我)去喇"最衰都係徐慧娟啦~~咩太文靜,其實徐慧娟一D都唔文靜,佢勁多嘢講,係佢係學校係度扮嘢炸嘛,佢根本就係外表斯文內裡open~~成日係度扮唔出聲,食屎啦~~好喇!唔講喇,番正我唔去又唔得架啦~~講下今日一D令到我好鬼死嬲既嘢先,今日視覺藝術我地整咩萬花筒,咁我諗住睇個陣可以見到好多monchhichi呀嘛,所以咪叫Wandy幫我畫囉,咁佢畫畫又幾靚,咁我就冇嘢做啦,係度等佢D monchhichi~咁好悶呀嘛,所以咪攞張紙摺左架飛機,同我前面個個仲有winnie係度玩囉,跟住我就想飛隻飛機去winnie度啦,跟住飛得唔准,唔小心飛左去坐係winnie隔離個人度,個個人出左名告人王,我預左佢會告我架喇,跟住佢告左之後個老師又問我"點解你會飛隻嘢去佢度架?"咁我咪話"都唔係飛去佢度,係飛去佢隔離個人度炸嘛"跟住老師話"哦~你唔係特別飛去佢度既,係比佢隔離個個人既,你下次比嘢人要問過我呀,廢時人地誤會左你呀!知唔知?"跟住我勁想打個條低能仔,屌佢呀,告咩告,未死過呀??個條友仔下次再告我佢就知死!!

講一講合唱團先,我地下個禮拜一就要去咩浸會大學度比賽喇,個陣係2:15去,跟住4:15番嚟,咁即係話個日我就會遲左番屋企,遲左做功課,遲左玩電腦同遲左沖涼囉,我最憎人地搞到我做嘢做到遲晒架,不過算啦,都係合唱團.........唉!今朝8點我地個D合唱團既人要上去禮堂練歌呀,唱到喉嚨都沙晒,跟住企係我前面個個人勁煩呀,好想屌佢呀真係,人地唱個陣梗係會噴氣架啦,跟住唱完成首歌之後佢就話"唔好噴氣啦"咁佢話唔好噴氣呀嘛,咁我咪唱細聲D同埋唱到好似就嚟死咁囉,跟住唱晒之後個老師話"你地要唱大聲D呀!係噴氣既,要夠響亮既!"跟住我同我前面個個人講"嗱!要噴氣架!"個個人話"咁你都唔好係我個頭上面噴啦,係我同我隔離個人中間噴啦"咁我咪企係前面個兩個人既中間囉,跟住個老師又話"企密少少,唔好有空位!"跟住我前面個個人係度望住我,咁我就照番個老師既話去做囉,所以我始終都係要噴氣,要噴係個個人個頭度,到左練完歌之後,我前面個個人無啦啦同我講"你唔好噴氣啦,好唔舒服呀!"跟住我勁無奈同佢講"咁你不如叫我去死算啦"一個又話咁,一個又話咁,做左其中一個例外個個係度噪,煩到爆呀D人,到聽日我前面個個人又話咩唔好噴氣,我真係"豆"巴星星過去呀!煩到死~~好喇,唔講合唱團喇,講下其他嘢先,我覺得今日徐慧娟有D唔係好正常,今日有體育堂呀嘛,咁咪著P.E衫囉,跟住我同winnie就最憎D人著P.E衫個條褲下面開洞既,徐慧娟佢都知架,佢之前仲話咁樣好桃突添啦,但係點知佢今日我同winnie都見到佢條褲..............下面開左個洞!嘩!真係樣到你冇得再樣,D咩下面開洞係我地班D男仔最鍾意炸嘛,點知原來徐慧娟都鍾意架!!哈哈~~跟住同埋佢今日成日都係做個個動作,以為咁樣好似好型咁!其實就樣到爆,唔得喇,佢今日真係有問題呀,唔知佢去左睇醫生未呢??哈哈~~仲有今日今日P.E堂我地玩跳大繩,有一條好大既繩勁難跳呀,有時又太快,有時又唔夠高,有時又太慢搞到人地跳錯左,不過我都係好鍾意玩跳大繩,之前呀!葉嘉慧口口聲聲話自己唔識玩跳大繩,點知今日佢玩到勁high,好似成日都玩個隻咁,唔好吹水啦~~

今日朝早照番平時咁起身!跟住個D堂都冇咩特別既嘢,所以我唔講喇,直到圖書堂個陣先有D勁白痴既嘢,圖書堂我唔明點解個老師無啦啦講咩升中,跟住又比左張紙仔我地,叫我地寫低D咩條件你會覺得個間中學係好既,跟住你就想入,而我就寫左"好既"男女校!"就係咁,咁就係我最滿意既中學,跟住個老師收晒個D紙之後就係度讀我地寫個D,有幾個好搞笑架,一個話"唔駛交學費,冇考試,冇測驗,冇默書,書簿費校長比"仲有一個仲好笑,就係"莫需有"老師講左咩"莫需有"之後成班都笑到鬼咁,個個人係度學秦檜講嘢,哈哈~諗番起都想笑呀!跟住讀晒個D嘢之後老師就話"想搵一間好既學中學要做好多嘢架!就係,有問題,想,攞,睇,Action,最後就係評估喇"個老師講完之後,D男仔又諗埋個D嘢,跟住仲拖埋我落水,佢地話"吳毓琪(我)有問題架!佢想祼體呀!"我勁無奈,咁我諗住佢地講左一次就算啦........點知到左放學之後D人又講到勁high,都唔明D人係唔係白痴架,D咁白痴既笑話講左成世都係度笑!!都唔知佢地係唔係有問題呀?今日都冇咩嘢寫,因為都冇咩特別既嘢,同埋人地都同左個winnie講我打緊日記,叫佢係msn度唔好add我住,點知佢依家又狂咁add我,煩到爆~~