今日係最後一次考試呀!係考數學同常識,我諗常識我考得好差,因為有D唔識呀!而數學今次就易D,全部都識晒呀!我初初仲以為我數學一定唔識,點知係咁易,不過常識就..........唉!算啦~

今朝番到去係度同D人傾計囉,不嬲都係咁架喇~跟住早會個陣我勁肚痛,winnie又係(唔知點解咩都一齊黎),跟住我痛左一陣就冇事喇,但係winnie就痛左勁耐,到左上課室個陣,行緊樓梯,winnie話佢超肚痛,佢停係度一陣,我問佢有冇事,佢又冇答我,咁梗係啦,人地都肚痛啦,仲邊得閒答我呀??跟住上到去見到winnie面青口唇白,好似好慘咁!過左一陣,佢就冇事喇,跟住又係到左個D咩溫習堂啦,係度溫下數學咁啦,跟住就到左考喇!考完小息,同winnie傾左好多廢野,跟住小完息,岩岩上到課室就要開始考常識,唔係幾識呀!!跟住放學,番到屋企,嗱嗱臨食飯,因為一陣要去行街,食個陣amy打左兩次比我,但係我都係未食完=.="!跟住我要換衫個陣amy又打黎,所以哥哥同佢講左我唔得閒,跟住換完衫出到黎勁肚痛,去左"便便",柯完爽晒!跟住搞好晒D野就出得喇,我地係平時我地番學個度等,跟住去左搭van仔,要落車個陣amy同我講"下!我講呀?"跟住我話"是但啦........."最後都係amy講左,講真,唔知點解唔鍾意搭van仔,因為要講"xx有落~"不過其實講左都唔駛死既~落左車,就去左新都城啦(唔想成日都去新都城!)行左一陣冇咩野買,跟住入左去ceazy room,見到件衫既令,買左!都既平!!買完衫就梗係去睇monchhichi啦~睇左勁耐先捨得走呀!好想買monchhichi呀~~哈哈!!跟住amy話好肚餓,同佢去左件健康食堂度買10蚊3隻既茶葉蛋,佢食晒3隻(勁呀!),我就冇買喇,因為好飽呀~跟住食完又去左睇衫,冇咩令既~跟住amy見到有間野,又係食野既鋪頭,佢又要入去.........食左個芒果果凍,正呀!!見到佢食我都想食呀~不過我都係冇食到,因為仲係好飽~第時去個度試下啦都係!跟住食完行行下終於都比我見到橙色既ALL.STAR,不過唔知點解咁貴!ALL.STAR白色個對都係190幾呀好似,但係橙色個對唔知點解貴過白色個對咁多$239呀!睇到咁貴,都係冇買~跟住去左庶仔,D衫冇咩令D,不過D鞋就好令喇,而且又平!!好想買呀~但係都冇買,因為想媽咪買比我,哈哈~行行下想走個陣見到哥哥之前個D小學同學,見到兩個,但係個兩個哥哥係好憎佢地架!跟住見到佢地兩個既隔離有個肥婆,勁樣衰呀~著咩個D咩短褲,花邊絲襪,勁想過去打佢,象褪就唔好學人著個D啦!好樣衰呀~同埋個條友,即係哥哥D同學呀!佢地係咪有問題呀!溝都唔溝呢D啦~低B架佢地,不過不嬲架啦!跟住見到冇咩行就走左喇,又係搭van仔啦,跟住唔想咁快番屋企,係個商場度行黎行去,勁悶!之後amy又話想黎我屋企,但係哥哥又係度!費時啦~番到屋企想玩電腦,但係哥哥又玩,我咪去執下個書包,執完就掃地同洗碗!做晒呢兩樣哥哥都唔比人地玩,跟住我咪打比amy傾計囉,點知同佢又冇野傾,咁咪收線囉!跟住打比表姐,佢又玩緊電腦,咪唔阻住佢囉!跟住超悶,諗住係sofa度訓一陣,點知訓訓下哥哥先話比人玩,人地訓得好爽架嘛!跟住上msn,我冇買到winnie話要既個隻豬仔,佢就係度嬲!不過算啦...........唔講咁多喇88

今日11點幾都仲未起身,跟住又電話響,但係我都冇聽,跟住停左一陣電話又響,但係我都冇聽,繼續訓,但係哥哥就起左身,跟住哥哥入我間房叫醒我,佢同我講12點幾喇!跟住我諗諗下,唔係掛~~訓左10幾個鐘!!跟住又係個D............刷牙洗面~跟住哥哥話都咁晏喇,唔好食早餐喇,直接食晏啦!!跟住本來就要哥哥落去買飯盒,上次我去左呀嘛!跟住哥哥又係度講埋D廢野,咩又成日送野比我,咩又成日教我做功課,幫我買野,又對我咁好!!跟住我聽完勁想死!!好想打哥哥呀~~跟住最後都係我去買=.=!!不過我就叫哥哥幫我買褲~哈哈~咁梗係要有著數我先去買架啦!!買完上黎就食啦!!食完諗住玩電腦,不過今日哥哥又唔出,搞到我又冇得玩啦..........唉!!跟住我同哥哥講"咁我做咩呀?"佢話溫書啦!!聽日又考試!!我頂~~我最憎架喇!!最後都係逼於無奈咁溫左!!溫個陣又係咁啦........勁眼訓!超唔想溫囉!!再衰都係哥哥啦........唔知點解係得溫英文我先唔會眼訓!其他科我就會眼訓~尤其係中文!!但係唔知點解中文會攞到第一名=.=!!跟住溫完書祺祺咁岩打黎,咪同佢傾囉!!傾咩???咪又係個D白痴野!!仲有D咩傾呀!!跟住祺祺又話復活節黎我屋企玩!其實講真個句.............我勁唔想!!因為佢係度我覺得好煩呀!而且佢係度我又要係屋企同佢一齊玩,唔駛諗住出去行街啦!!跟住我就叫佢16號先黎啦!!我15號約左人去行街呀嘛!跟住祺祺又話咩想早D黎,話15號帶埋佢去!!佢都傻既!!我先唔會帶埋佢去呀~跟住我仍然都係要堅持佢16號黎,費事阻住晒,搞到我冇得去行街!如果佢黎左,我罷佢係屋企,等佢同哥哥留係屋企,咁到時媽咪同爸爸又話咩又係我叫人地黎,點知自己又出去行街!關我屁事咩??係佢自己黎炸嘛,我既時叫過佢黎呀??跟住佢話佢21號要番學,咁我就叫佢20號走囉~越早走越好呀!!咁21,22,23,號我又可以去行街喇,有番自由!!哈哈~~跟住佢又話18號同佢去游水!!我勁唔想!因為要我比埋錢~屌!!算啦.........忍佢一次咁多啦(其實我忍左佢唔知有幾耐架喇),下次佢唔好再黎我屋企添呀!又成日係度大叫!噪到你呀,跟住又要人地比佢玩電腦,佢就想呀~我都未玩,點到佢玩呀??總知14,15,21,22,23我都好開心啦,因為唔駛見到佢呀嘛,又去行街!!哈哈............講真呀!依家都唔係有好多錢,得個幾百蚊,我諗都係買得好少架炸,都係問哥哥惜啦,咁下個月D零月錢咪比番哥哥囉!好啦,就咁話,問哥哥惜。跟住同祺祺傾完,就梗係玩電腦啦,哈哈~唉!!復活節表姐又番大陸,搞到冇得同佢去行街,算啦...........約同學罷啦都係!!今日唔講咁多喇!聽日見!

今朝10點幾起左身,跟住又係個D..........刷牙洗面食早餐,跟住哥哥佢要出去,要係出面晏,跟住我又係要出去食,但係唔想自己一個去食,所以就打比Amy,約佢出去食!跟住就話1點出去,未1點個陣我狂咁係度傾電話,因為冇得玩電腦,所以咪打比人囉,跟住就打左比表姐,同佢傾左D野,跟住趙雅婷又打黎,又同佢黎左D野,之後winnie又打黎,又同佢傾左D野,估唔到會有咁多人打黎同我傾計,跟住到左12點半,我就冇再傾喇,去左換衫,跟住搭九,個15分鐘唔知做咩好??所以就打比Amy,同佢講早D去,跟住就去左OK等佢,等左佢成世,Amy先黎度,跟住去左茶餐廳食,叫左個公仔面,又係等左成世先黎到,跟住食完,同Amy行行下,跟住Amy就話想黎我屋企,但係我又驚我阿哥係屋企,唔知佢出左去未,跟住打左番屋企,冇人聽,咁即係話哥哥唔係屋企啦,跟住Amy就黎左我屋企喇,佢一入到去就話"嘩!你屋企好令呀!!"跟住我就笑笑口咁,之後佢就周圍咁參觀下我間屋,話我間屋好正!!之後就開左電視,勁悶呀!!都冇野睇,跟住就開左電腦,玩玩下Amy就話驚比阿媽鬧,點解咁耐都仲未番屋企,跟住就打左比佢阿媽,同佢阿媽講飲埋杯野就走,跟住我同Amy講"茶餐廳邊有咁靜架?"跟住佢話"咁你整D聲啦........."之後我就真係整左D聲(白痴到爆)跟住我地就係度玩電腦,但係又係冇野玩!!跟住過左陣Amy就話要走喇,我就送佢!!跟住佢話"禮拜1你黎我屋企,跟住我地先去行街"跟住我都想呀!因為想睇下佢間屋!!哈哈~~番到黎屋企就梗係玩電腦啦..........同埋唔知點解我個日記度有條自稱叫屌既人係我個日記度留左D勁白痴既言,都唔知邊個黎架!!比我知係邊個我一定打佢!!