今朝10點半起身,算早架喇,因為琴晚我3點幾先訓呀!同amy煲粥煲到12點幾,跟住煲完悶悶地咪唱下歌囉,點知唱唱下就唱到3點幾=.=!唔知點解會唱到咁耐架,跟住唱完先訓!10點半起左身又係個D啦..............刷牙洗面食早餐!跟住食完野就睇電視,睇個個咩"百分百感覺"都好好睇,好搞笑呀~~跟住睇睇下amy打比我,一路睇一路傾,不過我地都係傾番"百分百感覺"個D野,一個字"悶"呀~跟住睇完電視就同amy出左去,去左剪頭髮,個間野好令,而且又剪得好令呀~下次又去番個度剪先,amy真係好介紹呀~跟住剪完去食飯,不過其實講真唔係食飯,係食甜品呀............因為唔想食飯呀嘛!跟住食左個芒果奶凍,正呀!食完仲係好肚餓呀!(梗係啦)跟住去左買個D炒米粉,不過係用膠袋裝住個D,食個陣真係好核凸呀,不過都幾好味既~之後唔知點解會去公園,去個陣撞到條白痴仔!跟住到左公園又撞到個同學,個陣佢唔認得我地喎.............我同個個人HI個陣佢呆左呀!!哈哈!咁都認唔到我地,跟住佢望望下先記得番,之後唔知點解勁低B呀我,係度玩埋D白痴野,跟住個同學既細路講左D勁白痴既野,佢話我好似"飛女"同埋我好中學生...........個陣勁想打佢,唔好講埋D咁白痴既野啦唔該,不過人地仲細過,算啦!!跟住玩玩下D白痴野就走喇!跟住番屋企個陣夾左D糖,跟住唔知點解食完好痛呀個頭,都唔知咩事..............唉~跟住搭緊車番屋企個陣amy係度同我傾計,其實我勁唔想,因為好頭痛呀!之後番到屋企勁唔舒服呀~不過我都會堅持玩電腦,同埋我一番到屋企哥哥見到我個頭話好令,yes..........佢話遲D又去我今日剪既個間野喎!跟住就電腦,同人地傾左一陣msn哥哥又要玩電腦,唉............跟住我勁悶,打比amy,同佢傾左D白痴野,跟住佢話佢租左X,咁我見悶悶地咪叫佢借比我睇囉,跟住我落左去攞,係"麻婆島"聽D fd講話好好笑,跟住上番屋企睇啦,睇左一陣勁悶呀!勁難睇,都唔知有D咩咁好笑,係狂咁講粗口炸嘛,咩"仆街"個D...........勁無聊呀!搞到我訓著左=.=!跟住訓訓下哥哥又叫醒我,跟住咁岩amy打比我,我同佢講"麻婆島"勁無聊!跟住我地又傾..........傾...........傾傾下我就要哥哥比我玩電腦,跟住等左哥哥一陣就有得玩喇。

今朝10點起身(比人噪醒),跟住又係同monchhichi玩,佢笑到high~得意到死!跟住又係做個D............刷牙洗面食早餐個D廢野,跟住做晒D咁既既野媽咪狂咁叫人做野~勁煩呀!跟住媽咪出左去先唔會咁煩!之後我又同monchhichi玩啦!!佢真係勁得意呀!!咦~得意到死,跟住同佢玩玩下佢又眼訓,我抱佢係度行黎行去哄佢訓!跟住抱抱下,突然覺得佢好重,頂唔住~跟住先比番娜娜姨!!跟住睇多啦A夢,好似白痴左少少,不過都幾好睇=.=!!跟住睇完又冇野做,媽咪琴晚話我地晏就去買飯盒,跟住個陣我叫哥哥去買,佢就話好!跟住過左一陣娜娜姨問我地邊個落去買,我話哥哥去,跟住哥哥又話咩包剪揼.........個陣勁想打佢!跟住我咪忍佢囉,我話一鋪過,佢就話3盤兩勝,之後我話一鋪過啦,佢就話好啦........跟住第一次大家都出包,咪再猜多次囉,我羸左!!跟住哥哥個死賤尼話咩"又話3盤兩勝,唔得呀!再猜~"跟住我都廢事理佢,總知係佢去買架喇!跟住佢買完番黎咪食囉,食個陣唔知點解有勁多頭髮,好想死............勁唔想食,不過有頭髮個D我就冇食喇,跟住食完monchhichi醒左,又係同佢玩,佢又係笑到勁high!!好得意呀~跟住同佢玩玩下佢又肚餓,佢食個陣好得意呀!自己揸住個奶樽,不過好易掉...........跟住佢食完娜娜姨狂咁講"食完洛,飽飽洛,食完喇~飽喇!!食晒喇~"跟住我勁無奈=.=!!不過monchhichi都係咁得意!哈哈~跟住monchhichi又眼訓喇,娜娜姨哄左佢勁耐monchhichi先訓到,跟住冇得同monchhich玩,我就玩電腦喇,上msn,winnie同我講佢整左個日記,咪上去睇囉!不過佢岩岩整,有D野野仲唔知點整,所以佢個日記好簡單.........不過佢識整之後就會令D既!跟住同winnie仲有方小娟係msn度傾左D野,傾傾下monchhichi又醒喇,好開心呀~因為又可以同佢玩呀嘛!哈哈..........跟住哥哥抱左monchhichi起身,跟住抱黎電腦前面,之後我開歌比monchhichi聽,monchhichi一路聽,哥哥一路抱住monchhichi跟住D節奏係D震黎震去,睇到monchhichi個樣都知佢好爽架喇!佢真係好得意呀~跟住聽聽下歌娜娜姨又話monchhichi要走喇,好唔捨得佢呀~跟住娜娜姨叫我同佢落去小巴站到,因為娜娜姨又要抱monchhichi,又要攞野番去,跟住咪叫我幫佢攞個D野囉,行去小巴站個陣勁唔捨得monchhichi呀!!佢真係好得意~未見過D BB咁得意架,得意到冇得再得意,跟住到左小巴站,娜娜姨同monchhichi上左車喇,好唔開心啦...........跟住最尾同娜娜姨仲有monchhichi講聲88就走喇!!喊.............喊................喊.............(大家放心,我冇喊到)跟住勁想喊=.=!!番到屋企我諗住玩電腦,點知...........我諗大家都知啦,哥哥玩緊呀嘛!!跟住佢話咩玩多一陣就比我,我就話3點比番我玩,佢就搭3,算啦,醒多15分鐘比佢,跟住個15分鐘我勁悶呀!係屋企度行黎行去=.=!跟住終於都到左搭3喇,我叫哥哥比我,佢又話玩多一鋪先!!頂.............跟住咪忍佢囉,佢玩左一鋪之後就比我喇!哈哈~今日講咁多先,88!最後一句都係"monchhichi好得意呀!未見過D BB咁得意架~"

今朝10點起身,跟住食完早餐,媽咪就叫我去小巴站接娜娜姨,娜娜姨帶埋monchhichi黎呀!好開心...........跟住等左一陣就見到佢地,上到去屋企~媽咪勁大聲咁講"嘩!剪左頭髮好頭意呀!monchhichi~寶貝~好得意呀!"跟住我個陣我勁想打媽咪(講笑),駛唔駛咁誇呀~不過講真monchhichi又真係好得意既,不過我覺得未剪頭髮個陣得意D,剪左都係咁得意,但係就冇未剪頭髮個陣咁得意!跟住我同monchhichi玩玩下又要同媽咪落街買野,買左勁多野,買個陣又勁肚痛,跟住勁唔舒服呀!買完去左買包,個度冇咩買,因為咁早~跟住番到屋企又係勁肚痛啦,係張床度訓左一陣,不過係30秒個隻呀嘛!跟住起左身食雞翼,正呀!!食食下又食粥!但係............食粥個陣又肚痛!我屌............跟住又冇事喇=.=!!食完飯就梗係玩電腦,上msn個陣,amy add我,同我話聽日黎我屋企得唔得~不過娜娜姨今晚係度訓呀!聽日就好似係夜晚先走,所以佢唔好黎喇!同埋哥哥都係屋企啦!唉..............今日冇咩打!!因為好悶呀!!同埋哥哥我勁想打佢呀!黑人憎到死!我屌佢呀!後日祺祺就黎我屋企喇~唔講喇88