今朝成11點半先起身,琴晚1點幾先番到屋企,之後2點訓,好似10點幾個陣狂咁電話響,勁煩呀!我都費事起身接,都唔知邊鬼個狂打黎,仲要連續打3次=.=!跟住我起左身刷牙洗面食早餐,跟住去睇下頭先邊個狂咁打黎,原來係amy,跟住我打番比佢,原本佢係想叫我去佢屋企.........跟住我就去左,到左佢屋企參觀下,佢話佢屋企好亂,但係我都唔係既覺!跟住又玩電腦,玩玩下勁悶><就睇"惡魔在身邊",好鬼死好睇呀~入面個個咩"源伊"同"江猛"都好令仔(當我冇講過)跟住睇到第2集既中間倒就冇睇喇,因為amy要出街!跟住番到屋企又要出去...........去食飯=.=!!跟住去左茶餐廳又見到amy,同佢打左個招呼,跟住就叫左個咩牛腩米,勁難食><食到想死..........食完番屋企,跟住係度做下D家務咁啦!!之後就做功課,做晒兩個剪報喇,哈哈^^做晒掃地,掃完就玩電腦喇,上左msn我同表姐講我今日睇左"惡魔在身邊",佢竟然同我講"亞視之前有做過!"oh...............我就黎死喇!!!亞視有做過=.=!!唔係呀嘛,我諗佢唔知邊套係惡魔在身邊喇,算啦.............惡魔在身邊我依家都好想睇呀,下次買番黎睇啦!!跟住同表姐一齊睇,如果唔係佢又話咩亞視做過=.=!

死啦................唔知係咪因為今日睇左"惡魔在身邊"所以依家勁鍾意楊丞琳,賀軍翔同王傅一呀!!

估唔到今日都有時間打日記呀!

今朝10點幾起身啦..........今日媽咪休息,所以佢要攞D衫去洗衣度洗,跟住我勁開心呀!因為唔駛再著個D喇!!之後刷牙洗面食早餐,跟住就玩電腦喇,玩玩下哥哥又唔比人玩,佢要玩呀嘛><!跟住勁悶!!打左比表姐,傾傾下佢又要教佢細路做功課><搞到又冇得傾喇,跟住諗住打比祺祺,跟住驚佢未起身,所以問媽咪"唔知祺祺起左身未?"跟住我諗諗下~唔係喎!祺祺今日要番學呀~跟住超悶,唔知做咩好,係度唱歌同聽歌,到左12點幾食左個杯面,一陣去睇戲呀,驚趕唔到食飯,所以就食杯面先,諗住番到屋企先再食D野,到左1點幾就出左去,兩點落左車,跟住我同表姐約左係地鐵站度等,我諗佢應該快過我架喎,點知都見唔到佢,跟坐我等等下無啦啦有人係後面拍我,原來係表姐.............我頭先見唔到佢添~跟住一齊行過去戲院個陣,表姐佢上次番大陸買左D手信比我,跟住行個陣比我,好令呀個個野!跟住行到差唔多到戲院個陣竟然比我見到我個班既一條白痴仔!頂..........跟住我唔想佢見到我,所以我已經X低頭架喇,點知佢仲話"halo吳xx!"我屌.............跟住我狂咁同表姐講"低B仔,XX仔,屌..........."跟住表姐狂咁笑,入到去戲院,我地係去2院,跟住搵唔到個位,表姐問我個位係幾多號,我話17,18,跟住表姐問戲院個D人17,18係邊,跟住D人叫比我張飛佢睇,點知................原來都唔係17,18,搞到我籮左=.=!未開始個陣同表姐傾計,傾傾下就開始喇,跟住做左好多廢野先開始做"魔法姆保麥菲"睇睇下勁好睇呀!入面有BB仔叫"芝芝"勁得意呀!哈哈~套戲入面個D人個個都好搞笑,勁好睇呀套戲,好想再睇多次,睇完之後出到黎同表姐講番個套戲D野都笑到我地爆呀!勁好睇呀^^跟住就去左M記買左個包食,我同D人講話"要個麥香雞"跟住D人唔知點解問我"2件?4件?6件?"跟坐我話"麥香雞喎~"估唔到D人麥香雞同麥樂雞都唔識分!!食完就去左行街,行行下見到健康食堂入面個D茶葉蛋勁想食呀!跟住就買左,食完就走,跟住撞到媽咪同爸爸,同佢地講左D野就走左,跟坐我同表姐諗住去奇趣天地睇B女同monchhichi,點知咁岩媽咪同爸爸佢地都去,不過我地睇睇下佢地就走左喇~跟住我見到monchhichi發晒癲,表姐見到B女又發晒癲,哈哈^^睇完就走,跟住行黎行去都冇野行就番屋企,仲買左枝雪糕~跟住表姐就去搭地鐵,我就去左搭van仔喇!番到屋企換衫就即刻玩電腦喇,好采哥哥唔係度姐..........如果佢係度我就冇得打日記架喇~最後講多一句"魔法保姆麥菲好好睇呀!"

今朝10點幾起身啦.........跟住刷牙洗面食早餐,今日食個D漢堡包勁正呀!!哈哈^^跟住就同祺祺玩X牌(成日都玩)跟住又玩捉迷X,我地又"躲"係衣櫃度,搞到D衫亂晒=.=!!跟住個陣媽咪無啦啦打黎,佢問我玩緊咩?我同佢講話玩緊捉迷X,佢就話...........唔係話!係鬧><!!跟住玩玩下就1點半喇,食飯,唔知點解今次食左咁多,食左4碗,不過講真!!個4碗都係好少=.=!!跟住食完又玩X牌啦...........玩玩下哥哥出黎食飯喇,我諗住玩電腦啦!!點知...........佢話咩唔比玩,頂!!咁佢自己又玩咁耐~~佢話咩係佢間房喎,跟住我咪同祺祺去我間房既上格床,佢又話咩上到去搞到亂晒,關佢屁事咩??我間房黎既,學佢姐都係!!跟住我同祺祺係上面勁悶,係度玩黑白=.=!!跟住祺祺無啦啦問我係咪好想打哥哥?跟住我話不嬲架啦........祺祺話咁係牆個度轉一洞,跟住我話,之後將哥哥打成肉醬!再將D肉醬放入去入面!嘩~都幾好喎咁樣,不過好似殘忍左少少^^~跟住同祺祺落番黎,跟住又係度玩埋D白痴野,不過唔緊要啦............學阿梁詩慧話【好一個同道中人】呀嘛,佢同佢表妹玩又係玩個D白痴野,我同我表妹玩又係玩個D白痴野!!跟住玩完............中間玩左勁多野架,不過唔講係咩啦,用白痴野代替咪得囉,不過事試係白痴野呀嘛!!跟住到左6點,去左沖涼,又係幫祺祺洗頭啦,因為佢洗得唔乾淨=.=!!跟住佢沖完到我,我沖完問哥哥佢沖唔沖,問左佢6次,佢都唔應,跟住祺祺問佢一次,佢就答><!!屌...........跟住就再同祺祺玩X牌,玩完就有得玩電腦喇!我打日記個陣祺祺狂咁讀我打出黎既個D日記,搞到我打日記個陣亂晒,不過我都有叫佢唔好讀既!!跟住打打下日記哥哥就落左去買飯,一陣佢又上番黎,唉........仲未打晒完日記架,咁就要食飯,不過算啦,食完再打囉,今晚食雞翼同豬扒,點解全部都係肉類既=.=!!肥死喇><!!不過算啦...........唔食個D食咩姐..............食完就打日記喇^^,跟住打打下祺祺佢要走喇,要我帶佢落去,今日係第一次打日記要分開3次黎打架=.=!跟住送到佢落去,就上番黎啦.............之後又打日記喇。聽日我諗我冇時間打日記喇,因為朝早都冇得玩架啦,同埋我又唔會朝早打日記既~咁早有咩打姐.........晏就就去睇戲,睇完戲去行街,我諗6點幾番屋企啦,番到屋企又要沖涼,跟住媽咪今日打黎又話聽晚同D親戚食飯,睇死食完飯番黎都係1點幾啦,番到黎又要訓覺,所以話聽日係冇得打日記架!!