今朝10點既起身洗頭,跟住刷牙洗面食早餐,搞掂好晒咁岩爸爸起左身,佢又搞掂好晒就一齊去學校攞成績表,搭van仔去,跟住到左學校見到winnie,佢係度當值,咩童軍呀嘛~跟住我同爸爸一入去D童軍就係度做埋個D咩白痴野~唔知點講啦...........跟住上到去就咁岩羅老師出左黎,就咁樣入左去,老師話我"人地話佢唔鍾意既,有D比面色,依家上堂有D傾計,心散左,有D脾氣"佢就係咁!!跟住爸爸同埋羅老師係度講埋D人生大道理,勁想死呀~不過最想死既都係我全班第12,全級13,天呀~退步左7名呀~唉!!不過算啦!!唔考都考左..........跟住同羅老師傾完落到去G樓,成班友仔(我諗有56個既~)係度問我考第幾=.=!跟住我話"冇提喇~"番到屋企同趙雅婷傾電話,傾左勁耐,傾到食飯~食完睇電視,個節目叫咩"我猜我猜我猜猜猜"都好搞野,今集講個D咩"日本系列既美少女"見到D兩個真係好得意,其他個D見到就想打佢地=.=!講番起日本,就諗番起徐慧娟,佢又係鍾意日本個D~睇完就玩電腦喇,今日真係好~爸爸冇得玩~哈哈!!頭先整日記個陣整到勁亂,想好似吳泳容咁整,但係.............唉!!唔知點整呀!!

前日我番到屋企,做晒功課想玩電腦,點知爸爸玩緊,仲要玩到6點既,6點既我都要沖涼啦~跟住沖完都要食飯跟住睇電視啦,冇得玩電腦喇又~跟住琴日我一番到黎想玩,爸爸玩緊,玩到食飯先冇玩,食完飯都睇電視啦,頂!!跟住今日食完飯想玩,屌~仆街啦,佢又玩,跟住佢去玩個陣仲要話"我玩一陣先比你地玩"留意係一陣,佢都識話一陣啦,1點既玩到5點叫一陣囉=.=!!1點既至5點既我狂咁問佢幾時比我玩,佢就話咩好快呀~一陣呀~就得喇~得個屁咩,我屌!跟住我仲未有得玩個陣同amy傾緊電話,個陣我勁想打佢,咁耐都仲未比我玩,我個D火升晒上黎,真係火都黎埋呀~就係佢搞到我琴日冇得打日記,前日係學校打個D又唔可以改番!屌...............

算!講番今日,今朝9點既起身,跟住刷牙洗面食早餐,之後洗頭,跟住吹頭髮,搞好晒D野就出左去,搭van仔番學,到左學校上去課室岩岩點緊名,不過我都係最遲到!!跟住就做個D咩作業,做晒又係個咁個咩free time,跟住就係度睇書,今朝帶定架我係~跟住睇睇下去左洗手間,出黎個陣咁岩見到amy,同佢傾左一陣計,跟住就走左,番到課室冇幾耐就放學,落到去又見到amy,同佢一齊行,不過行行下佢行得好慢,咁我又行得好快,冇等埋佢,自己走左喇!!番到屋企又要落去買飯食,跟完番黎就食,食完就諗住玩電腦啦............點知~~頭先講左喇我~爸爸玩呀嘛!!跟住哥哥佢又係冇得玩,我就同佢訓係床度傾計,傾到好似係4點既amy就打比我,本來話一齊去租場打羽毛球既,不過我同佢咁岩今日用晒D$,所以我就諗住問哥哥借啦,佢又話咩問爸爸攞,我先唔呀~都傻既...........跟住我地就冇去,跟住係度煲粥,煲個陣我勁想玩電腦喎,個陣真係勁想打人,D火狂咁升上黎,又忍左條友勁耐,我未試過忍D人咁耐架~跟住我同amy煲左差唔多兩粒鐘啦,條友先唔玩,我就梗係即刻玩啦,我玩玩下聽到爸爸叫哥哥同佢落去買野,哥哥佢勁唔想喎,不過就算話唔想都要想架喇~哥哥真係慘呀!!希望聽日條友唔好再係咁啦,同埋聽日家長日要去攞成績表,我唔想同埋爸爸去呀~想個陣佢唔係度就有得玩電腦喇!仲有~講真呀.............之前佢都冇咁既,之前都係我同哥哥玩晒,但係唔知幾時佢就咁樣!!真係好想打佢呀~~

amy佢今日買左隻bb monchhichi呀~我都好想要番隻呀~希望我生日個陣winnie可以送比我啦!哈哈~

今日番到去勁悶,今日個D咩屁野早讀,我冇睇書架,係度扮睇囉.............如果唔扮睇就死架喇,但係如果係個本"輟學的日子"我就會睇喇,真係勁好睇呀!!今日冇早會,因為要上課室早讀,好采唔會好悶姐!因為有"輟學的日子"呀嘛,我真係睇得好投入~早知咁好睇我就帶番屋企,悶個陣睇下都好,但係最衰就係唔記得帶,係櫃桶度呀~早讀完左唔開心,因為冇得睇喇><!跟住收功課,收完就中文堂,悶到爆,好想訓覺覺豬!zzzzzzz~跟住小息,我同winnie又去左探辣椒,跟住我就係度玩啦,跟住淋水,我淋淋下winnie話佢要淋呀嘛,咪比佢囉,跟住佢淋完就"生"左水喉啦,跟住就要集隊喇,我上去睇辣椒,搞一搞D野,點知.................種花個度水浸,跟住有個人(我都識佢)話"邊個唔"生"水喉呀?"跟住我諗諗下"最尾走個個就係我同winnie,跟住winnie就係最後"生"個水喉既,唔通=.=!!"點知原來係winnie頭先唔係"生"左水喉,係條水喉開到最大,我同佢都知=.=!!搞到個度水浸=.=!!哈哈~~跟住個個人勁無奈咁清潔個D水!!跟住上課室個陣,到左課室門口,個風紀勁白痴,係度揀人入去課室,咩x個D就可以入去,跟住個風紀揀左我同趙雅婷同埋幾個男仔可以入去,跟住趙雅婷同我講"我覺得係狂傾個D先可以入去囉=.=!"跟住我笑到爆呀~我同趙雅婷仲有幾個男仔都係上課室傾得再high個幾個,點知個風紀.............哈哈^^跟住winnie見到我同趙雅婷狂笑,佢個D妒忌心又黎喇,我諗住同佢講佢頭先開個水喉勁大佢又唔應我,跟住叫左佢幾次佢先應我,跟住我同佢講番佢頭先個D既野,跟住佢問我"你同趙雅婷頭先係度笑就係因為呢樣野呀?"跟住我話"唔係=.=!"佢話"車..............."都話係個D妒忌心架啦!!跟住數學堂,都唔會好悶既,跟住小息,我同winnie再去種花個度,睇下水浸個樣!!跟住小息完左就常識堂,又係開到爆,勁想訓覺覺豬!!zzzzzz~跟偽音樂堂教左首歌,之後食飯,今日食個D咩三文治勁難食呀~不過D沙律就幾好味喇!跟住小息,風紀隻會,不過幾分鐘就完鬼左,跟住小息,有條仆街勁白痴,狂咁行埋過黎我度,勁想打佢!!小息完左就英文堂,我個組今堂攞左個印喇,有10個印喇!哈哈~開心到爆呀~跟住體育堂,悶.............!!放學,勁熱呀~岩岩上完體育堂,跟住諗住去seven買雪糕,買左之後就見到條仆街張杯雪糕都唔知斟到似咩樣,食個屁咩?不過都照食,跟住D雪糕又整到我件衫,頂~~跟住番到黎出life岩岩見到爸爸,跟住岩岩番到屋企有條友黎左,話咩約左今日整水喉...........但係爸爸唔係度~所以佢話爸爸番左黎叫爸爸打去唔知邊度~我唔記得左喇=.=!跟住又有電話響,咩128100,跟住係香港寬頻個D人,跟住爸爸番左黎我同佢講"頭先有人話咩整水喉,但係你唔係度,佢話叫你打去唔知邊度............."佢話"邊度呀?"我話"唔記得左喇!!"佢話"搞錯呀~"跟住我話:仲有個D咩香港寬頻既人打黎!"跟住佢話"整水喉D人有冇留低電話?"我話"冇?"佢話"咁來電顯示係咩呀?"我話"128100!"佢話"咩呀??整水喉D人呀!"總知佢就係以為整水喉D人係打電話黎,佢狂咁問我來電顯示係咩.我話係128100,佢就係咁鬧我,真係好咩呀我!!個D人都唔係打電話黎既~仲係度同我噪!跟住我就勁嬲咁做功課喇,做完食公仔面,跟住沖涼,沖完爸爸玩緊,冇得玩就同祺祺傾電話,傾左勁耐先有得玩電腦,喊...............