之前我話我琴日一定要打日記,但係我又冇打到,咁係因為爸爸佢又玩喇,搞到我又冇得玩,跟住我叫哥哥夜晚比我玩啦,佢又話佢要玩!!睇黎要自己一部電腦先得喇><!
今日落大雨呀~今朝唔知點解整野整咁耐,整到28分先出門口,平時都係25分就出,跟住我都知amy佢等左我好耐架喇!落到去對白飯魚濕晒,不過算啦...........落雨係咁架啦,跟住仲有今日我終於都著短褲喇,勁唔想著囉...........不過一定要著,屌!!番到學校對鞋同襪都濕晒,跟住個陣winnie又番左,佢同我講"我頭先係屋企著拖鞋黎,跟住係新都城換番,咁對鞋就唔會咁濕啦!!"我諗我下次又要學winnie咁喇!!今日咩早讀,冇早會,好快就上左去課室喇!!不過上到課室又要睇書呀嘛=.=!不過算啦~依家有一本叫"乞食的日子"我都好鍾意睇呀~呢本同個本"輟學的日子"我都好鍾意睇,入面都係講個D人好慘架~唔知點解我咁鍾意睇個D............早讀完左收功課,跟住就係中文堂,悶~好想訓覺呀!!跟住小息,去左電腦室同D人傾23號(唔知係咪23號)個D野,即係xxxxx show呀~個字唔識串啦=.=!!依家要開始傾喇,我地傾得都幾成功呀~我地個組係講"清潔工人"我地諗到佢D衣著勁好笑呀~如果個日有影相既話,我就post出黎比大家分享下啦,睇左你地一定覺得好笑呀!!跟住數學堂,琴日要做個個堂課我唔記得左,咁我諗住老師都係叫我地自己對架啦,點知.............老師話傅上去比佢睇一睇,死喇!我得做左兩題炸!睇黎今次我都係冇得救架喇~唉..........跟住小息,都係要去傾個D野,依家要開始作個篇文,我地都作左一D既,不過唔知掂唔掂囉=.=!!跟住常識堂,悶囉一個字!音樂堂,教左首歌,仲要係叫"紅彩妹妹"屌!!D咁既歌都教,真係想死呀~唉!!跟住食飯,算好味既~跟住英文堂,唔悶,係咁答問題,唔知點解我淨係覺得英文堂唔悶囉,可能係我淨係對英文有興趣掛..........今日我地個組又攞左個印喇,依家好似有13個喇,哈哈^^跟住體育堂,冇落到去上堂呀~老師話落雨呀嘛,跟住就係課室睇野,睇個D人個D咩花式跳繩,D人好勁呀~跟住又做下功課,跟住放學,番到屋企做功課,做個本咁既補充做左成世先做完,睇黎我D數學都係加把勁喇!今次考試好重要哦!聽日要默書呀~今晚默啦!!做完功課就玩電腦喇!今日終於都可以玩喇><~係度講D野啦,你地唔好去我個個新日記留言呀!依家我又唔用喇!!唔講咁多啦,88
|
