哈哈^^今日又係勁多好笑既野,係後面個既個,即係有winnie,肥佬,外星人,楊利偉同Frankie,好似仲有婷呀~跟住我地玩到勁high喎,我地幾個係咁偷阿Frankie d野,有時佢仲唔知,跟住我地將偷左個d野傳黎傳去,佢知左,但係又唔知係邊個度,不過最後又比番佢,但係最好笑既都係winnie偷左肥佬舊擦膠,跟住winnie傳比我,我又比左楊利偉,之後肥佬仲係度問我地知唔知佢舊擦膠係邊度,哈哈^^到左食飯個陣,楊利偉話都係比番佢啦,但係佢就親阿肥佬x轉頭個陣,將舊擦膠就咁x係地下,之後問肥佬個舊擦膠係咪佢既!!笑死我喇!!哈哈~~跟住個外星人笑到勁high!聽到佢d笑聲我都想死呀~

今日我去幫miss擺野個陣,見到個條友=.=!!跟住我出去個陣,我阻住我,跟住對住人地陰陰咀笑=.=!!我咪出第2個門囉,佢又黎~!勁想打佢呀~我已經忍左好耐架喇!過左幾個月再係咁我就會爆架喇><

頭先sd左封e-mail比winnie,勁好笑,不過我都用左好多時間黎打字呀><

依家要食飯喇!!冇得再打d精彩既日記呀~聽日見!88

今日發左好多笑話呀~食飯個陣,咁阿盧美蓮(個名勁好聽~)派飯啦,跟住我根本就冇舉手!但係唔明佢點解會派左飯比我,之後有兩次已經係咁架喇~今次又係咁,笑死我喇!d人見到笑到佢地勁肚痛呀~哈哈^^

第兩個小息過左之後係P.E堂呀嘛,咁阿sir未黎就成班人係度傾計啦~跟住我,winnie,阿優同葉嘉慧就係度傾計啦,之後我地就講起6年級個兩個令女(擺明講反話)佢地勁令女囉真係,令到唔知用咩詞語黎形容佢好呀!!之後見到佢地既後面,以為佢地幾令女,點知佢地一x轉面(夢羅麗莎的微笑)嘩!!勁想死呀個陣,樣衰到你呀~跟住佢地兩個係姐妹黎架嘛,佢地差唔多過幾日就會轉一個髮型,呀~唔係髮型,係差唔多幾日都會電xd頭髮,跟住過幾日就會電直d頭髮,好明顯佢地係用個d咩機啦,之後行過佢地個兩條友既隔離,佢地d頭髮勁臭,唔知係咪n年冇洗過喇~仲有佢地每一個小息都會去廁所,不過佢地唔係尿尿喎!!係整頭髮,狂整狂整,跟住就黎集隊個陣又要再去一次,睇下d頭髮有冇亂到!!勁想死囉見到佢地,等我搵下有冇佢地兩個令女既相,如果有既我post出黎比大家睇下,不過小心會嘔喎!!哈哈^^

仲有好多笑話架,不過一時諗唔到><算啦!!講其他,今日派左張通告,係講暑假有d活動比我地去玩架嘛!!有一個係去唔知咩灣呀~唔記得左,去個度有得坐玻璃船落去睇珊瑚呀~好想去個個呀!!仲有個係去睇狗仔貓仔,個個就唔係既想去,仲有個去海洋公園~睇海豚,唔係好鍾意海豚,所以都係唔想去,仲有個勁無聊,係無聊到你冇得再無聊架,去歷史博物館=.=個個咁既歷史博物館去左3次,所以我一定唔會去啦!!所以我就剩係去一個,唔知咩灣個個,同winnie一齊去,不過佢又話佢依家冇$=.=!!但係佢又話唔知佢伯娘會唔會比$佢!所以今晚先知,如果winnie唔去既就同阿優一齊去啦,不過佢諗緊去唔去好!!希望去到啦!!

諗番起今日個d咁既數學作業(進階)有19題,我得岩左.............1題!!好慘呀~~勁廢喎我><不過好采阿sir話個d唔駛考既,唉!!我好唔掂呀~~人地起碼都岩3題啦!!喊.....

唔知睇緊我個日記既人鍾唔鍾意183 club呢??我覺得入面一個令仔都冇,個個都好樣衰,但係唔知點解之前去論壇度睇,d人竟然話明道令仔=.=,仲有顏行書!!我覺得佢地真係真係好樣衰呀~~尤其係個個明道,成個阿x咁!!唉.................睇下佢條x毛勁粗喎!!冇眼睇~鍾意183 club既人係我日記留言講底你地夠竟鍾意183 club d咩呢??我真係好想知呀~~我諗唔到有d咩你地係鍾意佢地!!

今日都係冇出街~留係屋企溫書!,不過今日都唔係溫得好多炸,都係溫左少少,溫左中,數,常!!英文未溫~但係一攞起本書有d想訓^^不過成日都係咁架啦.............d人話一攞起本書就想訓個d讀書好廢~雖然我係一攞起本書就想訓,但係我又唔會話好廢喎!!唔知點解呢~~希望今次可以考得好d啦!!今次多左好多野考呀~中英默書同音樂!!要加油呀^^

今日既午餐食得真係.............唉!!今日哥哥去買外賣番黎一齊食呀嘛,跟住佢買左番黎之後,佢得買左一盒米粉,跟住我問點解剩係買一盒啦~佢竟然同我講"頭先同個個人話要兩盒架!跟住佢又聽錯,以為我要一盒,咁咪剩係得一盒囉~不過見到d人個d都既大碗!"跟住我話"咁你見到得一盒做咩唔再買?"佢話"費事人地以為我玩野............"個陣我真係勁想死,跟住一打開蓋~個碗野少到爆,哥哥仲要話好多碗,玩野咩??搞到我午餐剩係食左一小碗既米粉,真係多得哥哥啦.............所以4點幾個陣就落去買M記食!!

今日睇個個"我猜我猜我猜猜猜"笑到我爆~~好好睇呀!!今集講個d咩"巴掌臉"既女仔,全部都唔係好令,尤其係最尾個個,成個男仔咁~見到佢就想死~哈哈!!