唉..............點解放多日我都係屋企過日子架~我就黎死喇><

琴晚去食飯D野勁正呀~仲有我再鍾意食既雞~諗3起都流口水呀~跟住再去5姑姐屋企(舊屋)x蛋糕,都好好味,我食左兩件^^上面有好多芒果哦~雖然我唔係好鍾意食芒果,但係琴晚個D真係好好味呀~頂!做咩咁好味呀^^

今番今日啦,不過今日都冇咩咁特別,成日係屋企,勁悶呀!!今朝都係11點幾起身!跟住刷牙洗面食早餐,食完冇咩做,睇哥哥玩GZ,勁激呀^^我仲叫哥哥開左例外一個,個名叫Monchhchi,哈哈~跟住哥哥玩完同佢玩咩小朋友落樓梯,勁白痴,之前都唔知爆左幾多次機,無聊到死呀!跟住玩完睇電視,好搞野~跟住食飯,之後就玩電腦.........成日就係咁樣=.=悶死我喇!!頭先爸爸睇我打日記呀!驚驚

我對拖鞋x左,又要買番對,表姐又係x左,咁岩既我地,唔講喇88

講番起今朝就嬲,琴晚我叫哥哥幫我搞個鬧鐘,我要9點半起身呀嘛!跟住朝早起身我刷完牙睇下廳個鐘,屌!!8點40分,哥哥唔好玩野啦,整到個鬧鐘8點半響,跟住我咪睇電視睇左成粒鐘囉,跟住到左10點先換衫出去,搭van仔番學啦,行行下見到前面有兩個人,原來係polly同徐慧娟,到左學校,有條白痴婆(即係工友)同我地講"今日英文班暫停喎"跟住我地3個呆晒,之前又話今日要番,點知...............個工友又話"冇呃你地架!西人英語班真係暫停架!"屌~我地都唔係西人英語班,我地係增益課程呀嘛,真係嚇死我地咩,上去個陣咁岩winnie又落黎!上到去課室,見到winnie個袋,真係有D想嘔,不過算啦!跟住冇幾耐就開始上堂,今日做個D作業做得勁快,所以好快有feer time~我同winnie仲有徐慧娟勁白痴,係咁係度玩拼圖,玩完一次又一次,勁無聊呀~不過冇野做呀嘛=.=跟住等左勁耐先放學,行行下又撞到amy,同佢一齊番屋企囉,番到屋企冇咩做,係度睇媽咪煮餸,順便偷下師呀嘛!哈哈^^跟住媽咪煮好就食得喇,食左勁耐先食完呀我,都唔知咩事...............跟住我就玩電腦啦!點知爸爸話佢玩一陣就出去,跟住比我玩,佢成日都話玩一陣架啦,點知勁耐呀嘛=.=跟住我又冇野做喇,係度訓下覺,寫信比祺祺,係度行黎行去,勁悶呀~跟住到左我忍冇可忍個陣同爸爸講比我玩,跟住佢先比,之後佢就出左去,咁我就玩電腦啦,跟住搵左勁多語法黎整令個日記,依家你地係我個日記度都可以玩遊戲呀~咁就要多D上黎喇,不過至緊要都係要留言呀~好喇!唔講喇~今日都冇咩野,今晚要去舊屋度呀~5姑姐搬左係個度喎,跟住好似話5姑x生日,請我地去食飯咁話喎~我仲以為表姐知呢件事,仲以為佢今晚都會去,點知佢唔知,我諗係因為今晚爸爸要去舊屋度攞番D野過去,所以5姑姐順便要我地去食飯啦!^^聽日見喇大家!88

今朝番到學校就去搵winnie啦...........呢D係廢話黎架,因為不嬲都係咁架啦=.=跟住唔知點解係圖書館見到好多個D好慘既書,跟住借左兩本,都唔明點解依家我咁鍾意睇呢D書呀^^不過個兩本野都好厚,唔知睇到幾時先睇完囉,之前睇個個"輟學的日子"都要睇好耐呀~跟住早會,原來個xxxx show唔係係23號,係24號,我琴日都覺得我係咪記錯左架喇!!好想快D個日呀~早會完左上課室,收功課,唔知點解梗係覺得坐係我個行既頭一個係我收功課個陣佢怪怪地架喎=.=都唔知點講呀!佢成日我收功課個陣都係咁架喇!!跟住中文堂,今堂作文,作"沒有xxxx的日子"我作左沒有朋友的日子,都冇咩作既=.=!!跟住作作下無啦啦有個人黎睇我地上堂,佢勁多鬍鬚呀!所以我叫佢做鬍鬚佬!好似低左少少...........跟住小息,又係要去傾xxx show D野啦,個小息都冇傾左D咩,係度上網睇monchhichi,我勁唔明點解我無啦啦會去睇monchhichi呀!可能係我掛住佢掛~跟住英文堂,默書,默書默左1堂半再多D(駛唔駛默咁耐呀?)跟住小息,去左攞禮物,英文個D呀嘛,之前10個印個D都未比禮物呀!跟住我個組D人都唔黎揀喎,跟住我幫佢地揀囉,全世界都揀左新幹線比佢地~不過好似有一個男仔我揀左態仔擦膠比佢,笑死我喇!!跟住常識堂,悶囉=.=...........跟住食飯,今日個D汗好正呀^^跟住小息,有個人係度玩玩到仆街,跟住狂咁流鼻血,笑死我喇^^跟住又要同個老師講我個組xxx show D野搞成點,傾左D野啦,好似話個陣要全組D人著個D制服(即係清潔工人個D呢...........)唔係掛!!我先唔著呀~~跟住數學堂,悶呀!!轉堂個陣D人走個黎坐係我隔離個個人度,抄功課,咁我梗係都有抄啦!跟住個人勁白痴,佢話限你地10分鐘抄晒佢,跟住無啦啦有條仆街就咁攞左本野去佢度,點知..............咁岩羅老師經過,oh shit!!跟住佢地咪............我都唔知呀!比老師鬧掛~跟住視覺藝術堂,今日整咩x刻,跟住x左之後會有D紙架嘛,D男仔係咁攞個紙丟我=.=!白痴到你呀~搞到我成頭都係個D紙!!跟住放學,出到黎覺得好似有D野唔記得攞,就入番去課室啦,入左去又無啦啦比兩條仆街打左我個頭兩野,白痴到你呀!!同埋我想講呢................個兩野係唔痛架=.=!!白痴架佢地,打人地又唔痛就唔好打啦!!跟住番到屋企,諗住玩電腦啦,點知...............唉!!唔駛講啦,爸爸玩緊呀嘛,算!跟住祺祺打比我,同佢傾左一陣我又想訓覺就冇傾喇,跟住我就係sofa訓啦,爸爸又話咩去沖涼,都傻傻地既!5點就去沖,我不嬲都唔會咁早去沖架啦,我知佢想講咩啦,去沖涼就唔會訓著呀嘛!!跟住我話唔想咁早沖,我就繼續訓啦,訓左未幾耐佢又叫人地去沖涼,跟住我話唔想咁早去沖,佢就勁大聲咁講"去沖啦!"我知佢啦,佢又唔知我聽日唔駛番學,佢係諗住我聽日要番學,依家訓左今晚訓唔著,聽日冇精神呀嘛,所以我就同佢講"聽日唔駛番學呀.............'佢話"哦~~"跟住我就入左房訓,訓訓下醒左,係比人噪醒架!聽到爸爸同哥哥係度講野,哥哥佢暑假要去澳洲學英文呀嘛,即係學校個D啦,跟住爸爸話咩四姑姐話個D..............唔記得左佢地講咩啦,跟住爸爸又話咩吳欣容............又係唔記得左=.=!!跟住哥哥唔知講咩爸爸勁大聲咁鬧佢,咩唔比你去就唔比啦!"哥哥唔知講咩啦..............爸爸又話"依家唔比你去得唔得呀?"哥哥好似話,你之前話比我去依家又唔比我去梗係唔得啦!!跟住爸爸又話咩四姑姐咩吳欣容,都唔知關佢地咩事呀!!爸爸一定係以為吳欣容同哥哥個D一樣啦,咁梗係唔一樣啦,又唔係同一間學校,爸爸佢唔知就唔好講咁多啦!!唉............跟住哥哥唔知講咩爸爸就冇應佢喇!跟住我就繼續訓,訓訓下爸爸叫我起身,我就玩電腦,跟住爸爸同哥哥講哥哥冇唔知咩護照!!所以冇得去~哥哥真係慘,仲諗住哥哥去既話買手信比我添,買隻袋鼠比我呀,講笑姐.............唔講喇88