今朝一番到去就溫書,今日默書呀嘛,跟住我叫winnie幫我默啦,佢好似勁唔願意咁,跟住仲要咩都讀錯晒,人地差強人意佢就強差人意,仲有,人地疲於奔命佢就疲奔於命,仲有,人地高風亮節佢就高風兩節,真係比佢激死呀~跟住默完錯晒,咁梗係啦,讀錯晒我梗係錯晒啦,跟住早會,早會完左上課室,收完功課就英文堂,英文堂勁勁勁勁勁勁勁勁勁勁勁勁勁悶呀!!悶到你爆呀~跟住我勁想訓覺,但係費事啦,一陣又比miss見到><跟住我後面個個話"唉..............好悶呀~"佢都覺呢~跟住小息,要落去個陣我帶埋本書落去溫,一陣就要默書喇嘛,跟住winnie見到我要帶落去就即刻話"妖!我唔會幫你默書架!"個陣勁想打佢,我幾時叫佢幫我默姐...........跟坐我同佢講"幾時叫你幫我默姐,傻傻地架都!"小完息上到黎就默書,老師之前講左詞語係默成語呀嘛,唔知點解無啦啦默左課文個D,個D我又冇溫喎><不過好采淨係錯3個字,都有91分既~跟住小息,去左睇辣椒!小完息上到去就係數學堂,都唔算好悶既,個阿sir成日講笑既...........跟住食飯,今日食個D咩正所為既"鮑魚炒飯"唔係呀嘛,一個飯盒14蚊會有鮑魚!唔好去死,睇死都係假個D啦!!點知真係=.=!!勁難食呀~跟住小息,當值,可以話係冇當過架=.=!跟住圖書堂,我之前借左本書叫..............唔記得左喇!咩輟學xxx,勁好睇喎,我不嬲都係最憎睇書既,但係今次就唔同喇,勁好睇,搞到我又好專心咁睇喇~本書入面既一個女仔好慘架!!圖書堂完左勁唔開心,因為冇得睇書喇,不過唔緊要啦,番屋企睇都得啦!跟住成長課,有條問題問我地,邊一日係"國際義工日"跟住佢有A.1月1日 B.2月14日 B.12月5日 C.12月25日,咁1月1日就係新年啦,跟住2月14我唔知係咩啦,跟住我無啦啦勁白痴咁同我隔離個個人講"2月14日咪姐係復活節囉"=.=!我記錯左,依家係4月,唔係2月,跟住我隔離個個人狂笑,仲要講埋比其他人知,頂佢~跟住老師講2月14日係情人節~12月5日就係國際義工日喇!跟住常識堂,都有D想訓覺架><!!放學,番到屋企就做功課,今日有好多功課都係學校做晒,所以番到屋企都冇咩功課做!做完諗住掃地,跟住爸爸同我講佢今日掃左,嘩!勁開心呀我,因為係哥哥叫我掃地架=.=!!跟住就玩住電腦先,一陣沖涼,打打下日記沖得涼喇嘛,記住我打左個D日記咪擺係度囉,跟住我去沖涼個陣爸爸玩電腦,我沖完出到黎見到我頭先打個D日記唔見左=.=!!咪就係爸爸囉...............喊!!我打左好多架喇!不過算啦,跟住就去食杯面,辣到我爆><!食完哥哥番左黎,佢又食!跟住我又冇得玩電腦!就係度睇爸爸買番黎既個D食譜,見到D甜品勁想食呀!!跟住全部睇晒勁眼訓,就諗住訓啦,爸爸又唔玩電腦喇嘛(爸爸係咪玩野=.=)跟住我就去左玩喇。

今日我同趙雅婷講"邊個白痴仔揀A餐呀~鮑魚炒飯都唔揀!"跟住趙雅婷同我講"我揀A餐喎=.=B餐睇死都唔會有鮑魚架啦..........."跟住趙雅婷食完同我講"好唔好味呀?"我話"勁難食呀~"佢話"係囉.............都唔知邊個係白痴仔囉!!"跟住我地狂笑!因為我籮左=.=!

徐慧娟今日又冇番喇,同埋係度同徐慧娟講啦"今日咩每月之星,你中左獎喇,不過唔係同學提名,係羅老師提名你,睇下羅老師幾踼你~"

今日放學個陣,winnie講左D勁白痴既野,跟住我串番佢,佢勁唔咩囉,佢個陣好似想拉阿方小娟走咁,但係都冇,跟住佢連88都冇同我講,淨係同方小娟講,唔講咪唔講囉!車.............食便便啦~

今朝又要好似平日番學咁..........咁早起身,我琴晚成晚都冇訓到><跟住又落大雨,D兩又狂咁落係個冷氣機度,跟住勁大聲呀!都唔駛訓啦........跟住好似過左1粒鐘咁,個鬧鐘就響喇,但係其實我11點半就訓,不過個鬧鐘咁快響,就好似過左冇幾耐咁!跟住搞好晒D野就出左去,好似平日咁,同amy一齊番學,到左學校,winnie話我個頭好怪,核凸就核凸啦!!怪咩怪呀~但係我就覺得我剪呢個頭都幾令呀~唔話佢傻傻地都唔得啦!!跟住同winnie傾傾下計,趙雅婷狂望住我=.=!!跟住又係咁望住我D頭髮,之後佢話"好似海膽君呀!"跟住我勁無奈=.=!!跟住早會,早會完左上課室,跟住見到羅老師今日一身既look,勁似好似去送"賓"咁,佢就係著,黑色連身裙,黑色頸鍊,黑色鞋!跟住趙至婷同我講"頭先梁詩慧無啦啦同我講今日羅老師著得好性感呀!好令呀~"梁詩慧佢唔係呀嘛=.=!!佢知唔知咩叫性感架,人地性感係好似露背呀,低胸,短裙個D,但係今日阿羅老師連咩短裙都冇,佢仲話性感=.=!!我就黎死喇!跟住第一堂中文,悶悶地咁啦!數學堂,又係悶悶地咁啦~小息,跟住我同趙雅婷講"盧佩琳幫我係無印良品度買左枝筆喇,跟住佢話"係咪個D原芯筆?"我話"係!"跟住佢話"係咪透明個枝?"我話"係!"佢話"本來我都想買個枝,但係見到xxx有,所以冇買~!"跟住我話"唔係呀嘛~"原來有人同我一樣都有個枝筆,但係個枝野都真係幾令既^^跟住我同梁詩慧講"你個D筆咩10蚊一枝,又樣!無印良品個度D筆蚊先7蚊!又令喎~"跟住我又話"你個D咩10蚊一枝個D我之前見到先2蚊or5蚊=.=!!"跟住佢話"唔係呀~2蚊??"笑到我爆呀~梁詩慧佢成日都話佢個D筆全部都係10蚊一枝,我個枝monchhichi筆就23蚊,咩佢個D全部都係好cheap個D................佢要買多D,咁如果係咁話,無印良品個D筆仲cheap過佢個D啦!!咁無印良品唔駛撈啦!!佢個D咩10蚊一枝根本就係駛錢,跟住又核凸,佢又越買越多=.=!!唉..............小完息上到去常識堂,跟住有D人冇帶書,葉嘉慧調左過黎同我坐,跟住我地係度傾番去大陸個D野,笑到我爆呀!!跟住又睇個D咩E.T.V,勁悶呀!好鬼眼訓,我諗係因為琴晚冇訓既原因啦!!第二個小息,去左探辣椒,佢大左好多喇,跟住PE堂勁悶,係度教埋咩足球個D屁屁野!跟住音樂堂,教左首歌!跟住食飯,今日A餐有吉烈豬扒,係我最鍾意食架!!但係唔知點解我會揀左C餐架!!喊.....我既吉烈豬扒就咁就冇喇!!跟住小息,去左圖書館,借左本屁屁書!!跟住電腦堂,係度整個D咩簡報,有D悶咁啦><!!英文堂默書,跟住唔知點解今次老師寫埋個D詞語係個黑板度,咁唔駛默書啦............咁咪姐等於作X,仲要係老師,不過次次默書都咁樣都唔錯喎,唔係唔錯呀!!係 very good  添啦!!哈哈^^跟住放學,番到屋企做功完課就玩電腦。

今日徐慧娟冇番!

琴晚黑色暴雨,仲諗住今朝唔駛番,點知今朝又冇黑色暴雨=.=!

今日有個人話我剪左個頭好似monchhichi。

唔講喇!88

今朝又係成11點半先起身,跟住刷牙洗面食早餐,之後食完早餐就玩電腦,不過係半粒鐘個隻呀嘛,跟住係度整個日記囉.............有D野整唔到呀!!喊...........跟住就比番哥哥玩喇,跟住打比表姐,佢細路話佢補緊習><跟住打比winnie,佢仲未起身,係我打去噪醒左佢=.=!駛唔駛咁遲先起身呀?跟住傾傾下有個D咩道地日影院,咪睇囉,做個D咩"險角"勁耐架喇已經係,不過都照睇,既好睇呀~睇睇下就食飯喇,勁好味呀個D,食左兩碗^^,食完就玩電腦,跟住打打下日日記連續有兩條屁屁打比我,不過我都唔會同佢地傾計,因為我要玩電腦呀嘛!哈哈^^今日都冇咩打..........同埋我要整一整個日記,琴晚表姐同我講個D咩語法,跟住去論壇度睇下,搵到勁多,我依家整喇,唔講88...............聽日要番學喇><