琴日冇得打日記呀,因為搬左部電腦過嚟新屋呀嘛!好喇,依家就講下今日點先,今日媽咪5點半既時候叫我起身,因為要去新屋喇,其實我勁唔明,唔知點解一定要咁早就去囉,跟住媽咪仲要同我講話"吉時呀嘛"我勁無奈,唔知點解要咁迷信呀~跟住6點出左門,帶住D油,生果,掃把,仲有唔記得左喇!跟住搭緊的士個陣媽咪講"有冇帶花呀?"跟住我話"死喇,唔記得左"記住又要叫番個司機去番舊屋度,搞到D車費勁貴,不過爸爸冇罵我,好似當冇事發生過咁,不過我又係既,爸爸已經提左我勁多次,但係我都唔記得左,跟住到左新屋........到左新屋先好笑呀,媽咪攞個掃把出嚟,係走廊度一路掃入去新屋度,笑到我同哥哥爆咀,跟住仲有D勁好笑既,就係爸爸係門口出面將D勁多既毫字?晒入屋!?即係........個字唔知係邊個!不過我知你地好聰明既,所以你地一定明啦~跟住爸爸?左之後我同哥哥又係笑到爆咀,跟住爸爸話"岩呀,嚟到新屋要多D笑呀!"跟住我同哥哥笑得仲激呀!之後就著校服啦,紮邊啦,之後食湯丸,跟住番學,番學個陣我搭小巴,小巴站D人多到你不得了,但係小巴勁快就嚟左架,5秒嚟一架,仲要一次嚟兩架,所以唔駛驚遲到!之後就到左講今日係學校D嘢喇,今日係數學問答比賽,我地個班攞左亞軍,我地班仲要係精英班個隻,勁籮,不過算啦,攞左個亞軍我都幾開心,因為有禮物呀嘛,哈哈~之後講下一D都幾嬲既嘢呀,條仆街仔知道我個名喇,唉...........跟住放學個陣我係佢則邊經過,佢係度叫我"吳毓琪~"跟住我同winnie講"低能仔,識你呀!"之後各自各番屋企個陣條仆街仔就係對面(隔左條馬路)對我仲有winnie係度揮手,之後唔知點解我不知不覺地又同佢揮手,之後winnie勁無奈,因為佢心諗"你唔係勁憎條友既咩?點解仲同佢揮手既?"之後我就勁後悔!跟住我就一個同班既,都係住係我岩岩搬去既個個地方,同佢一齊搭van仔番屋企,之後又同佢約左聽日既晏就去食飯。好開心呀依家,因為間新屋好令呀,好鬼死舒服呀!哈哈~~

今日有個老師同我地講"5月24號"有一個英文日營,我心諗"唔係呀~5月24號你依家就講,唔好講埋下世~~"跟住呢個咁既嘢就係係學校入面進行既,都唔明點解叫英文日營呀,我初初仲以為係去出面添!呢個咁既嘢就要11個人一組,個一組入面一定要有男同女,跟住我地個組本來已經編好晒邊個同我地一組,點知無啦啦有條友仔1就唔想同例外一條友仔2一組,如果同個條友仔2一組友仔1就退出,咁我就勁亂,如果個個友仔1退出我地個組就冇晒D男仔,如果要例外個個退出佢又唔happy,所以..........我最後都係決定左要個條友仔2退出,我講左之後,佢係度發癲,係度狂喊,都唔知佢係唔係男仔嚟架,喊喎,睇死佢都唔會有女溝啦............跟住過左一連串既事件之後,最後都係好似頭先咁,唉!!D男仔真係煩呀~講下其他嘢先,今日都唔會好似琴日咁凍,不過都係有少少凍咁啦,今日我諗我就唔係咁開心喇,因為頭先個D廢嘢囉~唉...........今日本來我冇得打日記架,因為我星期5就要搬屋喇嘛,今日要搬部電腦過去新屋呀,跟住我今日一番嚟,仲見到部電腦,所以勁開心,嗱嗱臨做晒D功課,做晒之後咁岩哥哥番左嚟,佢同我講佢既考試成績,佢話"中文30幾,英文40幾,數學廿幾~"跟住我同佢講"你唔係呀嘛~"佢話"呃你炸,中文80幾,英文好似都係80幾啦,跟住數學就30幾,進步左勁多架喇"跟住我話"哦~嚇得我呀,仲以為你真係考得咁差~"之後我就繼續玩電腦喇!今日冇咩講,打左好少炸,我知點解喇,因為哥哥囉,人地打緊日記個陣佢係度執緊D嘢,要帶去新屋個D,跟住又係度狂問我"呢D要唔要,不如唔好要啦,不過我都唔知你,咁即係你要唔要"勁煩呀,搞到我唔記得晒今日D嘢,憎死哥哥呀!!

今日好凍呀,不過我著左件羊毛底衫打底,好暖呀~今朝番到嚟見唔到winnie,佢平時都係早過我番既,但係今日佢遲左,咁我咪自己去左圖書館先囉,去個陣無啦啦有條仆街係度整我,我差D仆街,跟住個條咁既仆街仲叫我"如寶~"大家係咪好想知如寶咩嚟既呢?個條仆街岩岩講個陣我都唔知架,不過我問左佢之後佢話係如花個阿妹喎,如花咪即係winnie囉,我都唔明,個條仆街本來淨係叫winnie做如花炸嘛,點知又叫埋我咩如寶,我勁無奈,跟住條仆街叫完我係如寶之後又問我"如寶,如花呢?梁詩慧(winnie)呢?"跟住我冇理條仆街,繼續行去圖書館,跟住我行緊個陣佢又話咩"吳"米"琪,唔好走住呀!"我屌~~咩吳"米"琪,人地叫吳毓琪佢就叫咩吳"米"琪,唔識個毓字就唔好學人講啦,死仆街呀!講下其他嘢先,今日中文默書,就快默個陣我隔離個個人係咁叫我快D溫書,襯住老師仲未溫喎佢話,咁我又冇帶書,所以費時溫啦,跟住佢又話溫我個本啦,咁我咪佢個本囉,跟住我溫完之後佢又話再溫啦,咁我咪再溫囉,之後我再溫完之後佢又話再溫啦,跟住我同佢講"我溫完喇,你慢慢溫啦"佢話"再睇多幾次啦~"我都唔明點解佢咁想我溫書,狂咁叫我溫書,成個我阿媽咁!哈哈~~到左成長堂既時候,我地玩一個遊戲,個遊戲係派一個人出嚟,跟住讀一句句字,不過個句字下面就有一個數,如果係2就讀兩次,係3就讀3次啦,如此類推,即係好似溜口咁,跟住我個組就一個講嘢成日都溜口既人,咁我地咪派佢出去囉,點知羸晒全場啦,都唔駛玩啦,哈哈~之後都冇咩嘢,放學~搭車~番到屋企~做功課,溫書,煲粥,沖涼,玩電腦,其間仲食左個杯面,正到爆,今晚又要出去食飯喇,唔想呀~幾時先可以食住家飯呀!都係爸爸啦!唉...............