好yeah!今日又係星期五喇,不過聽日要番學=.=,但係唔緊要啦,因為聽日媽咪唔駛番工呀,所以佢話聽日可能同我去行街呀!!我諗住買番對鞋呀,成日著個對,跟住又有個人跟我買個對,搞到次次同佢撞鞋,個個人又真係勁白痴呀!見到人地著就跟人,跟住仲要我成日同佢撞,我真係忍夠喇!所以我一於決定聽日要買番對鞋先得呀!!我諗住買ALL.STAR既鞋,跟住哥哥佢又話要買喎,佢話聽日如果我買既話幫佢買埋,佢又係要ALL.STAR,不過佢要白色,我之前都要白色架,但係佢話得白色先襯到佢個D褲喎!!咁我問佢,咁你買左白色我又同你買一樣呀??跟住佢話,車.......女仔大把色比你揀啦!咁我咪諗住買粉紅色囉,跟住我阿哥話,唔好呀!!其實我都唔明點解佢話唔好架!不過我都係決家左買x色,點解我要用x表示?係因為我費時比個個跟屁狗見到,跟住又跟我買,跟住又成日同佢撞鞋呀!!所以我就用x表示喇!!講下依家既合唱團先,今日我地就要企係個D........唔知叫咩啦!!跟住我又係企係最尾既,咁即係話企係最高個度啦,企係最高個度好似就快死咁!!勁驚丟落去呀!如果真係丟左落去我就死架喇!跟住個D嘢又成日發出個D"吱吱"聲,好似就快唔掂咁,嚇得我呀!!跟住仲有企係最高個度見到晒個D禮堂上面個D紅色布,嘩!!真係唔知幾年冇洗過呀!!D塵多到你唔信呀!!搞到個鼻有D唔舒服,雖然我冇鼻敏感,但係總知就覺得個鼻勁唔舒服啦!!我唔想再企係個度呀!!超唔舒服,搞到好似就快死咁~~

我覺得今日仲凍過琴日呀!因為琴日朝早起身個陣著左三件衫都唔凍,但係今朝又係一樣著左三件衫,但係凍到你冇得再凍!跟住我刷完牙之後係廳度食早餐個陣,實在頂唔住喇,太凍喇!跟住係sofa度媽咪又擺左佢件褸係度,所以我就順手攞來著,估唔到媽咪件褸係咁warm架,跟住就唔會再好凍喇!講下今日係學校點先,今日冇咩嘢,不過有一D嘢令到我好想嘔,就係係食緊飯個陣,坐係我後面個個人無啦啦同左我D勁白痴既嘢,就係話"吳毓琪!我覺得你好似一個人"跟住我話"邊個呀??"佢話"天幕下的戀人入面個個阿詩呀!"跟住搞到我噴飯,我根本就一D都唔似!!跟住我話"唔係呀嘛!我似周麗淇~唔係呀~~"我個陣真係勁無奈,我根本就係一D都唔似!!跟住放學個陣我同winnie講番呢件事,winnie話"冇病呀佢~~你似阿詩,唔話佢有問題都唔得"仲有視藝堂個陣我地做咩黑白畫,跟住我叫左個人幫我畫monchhichi,雖然畫得好靚,但係剪個陣都比我剪到唔知似咩喇,搞到成幅黑白畫都勁核突,所以呢份嘢我唔諗住交,就算交左我諗都係得50分架喇,所以費時交啦,又晒晒我D時間嚟整埋D咁既無聊嘢!所以一於決定就唔交啦~~

今日好鬼死凍呀,得個10度,跟住新界仲要低兩三度,咁我又住係新界,咁即係話呢度得78度倒啦~講下今日先,今日好凍呀嘛,咁我咪著左件好厚同好靚既褸番學,學校講過低過12度可以著自己D褸,但係要厚過校褸,跟住今日一番到學校,無啦啦有條咩訓導主任行過來同我講"你件咩褸來架?咁薄,仲薄過校褸,你梗係貪靚喇,下次再係呢D咁既天氣唔可以再著呢件番來呀!知唔知呀?"跟住我勁無奈,心諗"D人D褸仲薄過我啦,又唔見你罵佢地,低B婆"跟住仲有都唔明點解著左件褸之後,D男仔係唔係有病,係咁係度狂笑,都唔知佢地笑咩......跟住仲要同一個男仔講"xxx,你條女今日著得好靚喎(xxx等於一個男仔,大家無需要要知)"同埋仲有唔明既就係,D同學係咁話"你今日變晒喎"跟住我問佢地"變左D咩呀?咪又係咁"跟住佢地話"做型上變左"跟住我真係成日都勁無奈!跟住今日又有體育堂,我又著左裙,因為D P.E衫仲未乾呀嘛,搞到今日既P.E堂冇得上,自己坐左係度,D同學就玩到勁high!個陣真係好鬼死羨慕D人有得上P.E堂呀!!跟住我地既P.E堂成日都係要兩個人一組,咁winnie成日都係同我一組架嘛,但係我著左裙冇得上,所以就冇人同佢一組喇!跟住我地班就有一個鼻屎佬,個鼻屎佬就係成日都冇人同佢一組既,跟住個阿sir話"咁你同xxx一組啦(xxx等於鼻屎佬)"跟住winnie話咁我都唔上喇,我同yuki一齊坐啦!跟住個阿sir話"講笑姐!"我覺得個阿sir勁無聊喎!咁都好玩~~=.=