琴日冇寫到日記,因為去左新屋度,睇同埋拖地,拖到我死死下呀,仲有唔係就咁拖左D垃圾就算,係地下度有勁多個油漆同石粉個D嘢,要攞住D又似刀又唔似刀既嘢嚟整個D咁既油漆同石粉,仲要得我同爸爸係度拖地,哥哥同媽咪又冇嚟,我同爸爸拖完個地之後搭的士番屋企,個陣又落雨又累喎我地,所以咪搭的士囉~講下今日先,今日我地出左去合唱團比賽,我諗我地都攞唔到獎架喇,我地唱到又細聲又難聽,可能係我地緊張啩,我都係第一次架炸,不過有一D人已經比賽過3之喇,所以佢地唔係咁緊張,但係我係新人嚟架,所以好鬼死緊張呀!講下合唱團今日我地發生左D咩笑話先,今朝羅老師宣佈話合唱團D人要帶埋個書包落去禮堂,跟住一陣又話唔駛,但係唔明點解D人又無啦啦帶左,跟住趙雅婷同個D帶左書包落嚟個D人講"唔駛猜書包喎!"個D人話"知啦!"趙雅婷話"知又帶~"D人話"聽唔到宣佈呀嘛!"趙雅婷話"聽唔到又知?"笑到我同winnie就快爆,哈哈~跟住仲有人地唱緊歌個陣,咁我地咪睇住佢地囉,我見到一個低B婆勁白痴,佢唱歌個陣好似係青山岩岩出嚟個D咁,個頭轉到就快斷咁,真係笑死我喇!跟住番到學校,我就唔係功課班,但係因為出左去比賽呀嘛,所以就遲左放學啦,咁我就要跟埋個D功課班既人一齊放學喇啦,跟住仲要功課班個陣唔夠位坐,因為好多人都唔係功課班架,咁今日比賽呀嘛,所以又要係個課室度做功課喇,唔夠位坐所以就去隔離班借左D枱過嚟,跟住先夠坐!今日成日都好累呀,因為有成5堂都係度練歌呀,搞到隻腳好痛呀,仲要個5堂都係企係度,企足幾粒鐘,好辛苦呀!!番到嚟屋企好舒服呀,因為有得坐........同埋好鬼死肚餓呀,食左個杯面頂肚,番正爸爸頭先打嚟話今晚佢晏D番,會遲D先食飯,所以叫我同哥哥食D嘢先,依家食左個杯面搞掂晒!哈哈~

今朝九點起身,因為我禮拜六都要番英文班架嘛,我早左起身架喇,因為諗住洗頭呀嘛,點知我洗頭淨係用左5分鐘倒就洗完,搞到我其餘個D時間都唔知係度做咩,所以就開左電腦嚟玩,我一上msn,徐慧娟又係岩岩上左線,同佢傾左一陣我就要走喇,咁岩爸爸又要去新屋個度,佢又係同我一樣都係搭296M,所以咪同爸爸一齊囉,到左車站,架車岩岩走左,等左成世先等到一架,架車開到其他站之後咁岩又撞到徐慧娟,佢又係要番英文班呀嘛,同佢............冇嘢傾,就係咁樣坐係度,到左落車之後同爸爸講88之後就走左喇。今日個英文班勁好玩,咁當然唔係話上堂個陣好玩啦,係咩free time個陣先好玩呀!講真,呢個英文班都冇鬼用,我都唔會做個D咁既作業既,D英文好深呀,所以個老師叫我地做個陣我係唔做架,我係度做功課,因為我預左好悶架喇,所以帶定功課先,結果帶去個D全部做晒,yeah!今日一定要做晒D功課架,因為聽日要去睇新屋呀嘛,不過我依家唔想做,今晚先,講番英文班先,個D咩free time我同winnie上左去我地個課室畫黑板,玩電腦,仲要勁多勁多........high到爆呀,跟住玩玩下無啦啦有人開門,嚇到我地兩個呀,仲以為係D工友或者老師入嚟,好采...........原來係徐慧娟同葉嘉慧,所以我地就同佢地一齊玩喇,玩到差唔多落番去,再係課室度玩左D無聊嘢就放學喇,放學個陣岩岩296M嚟左,落左車之後去買M記,因為爸爸唔得閒番嚟煮比我地食,所以琴晚已經講好左我番嚟個陣順便買番嚟食,食完個陣岩岩電話響,原來係徐慧娟約我去買鞋,不過因為我今日要做晒D功課佢呀嘛,所以唔去喇,岩岩cut左線之後表姐又打嚟,又係約我去買鞋,又係去同一個地方,跟住我就唔知點解應成左佢,同佢去買,不過我又驚係個度撞到徐慧娟,佢見到我又會問我點解同表姐去唔同佢去,所以我就打個電話比佢,同佢講我都係去個度行街,咁樣咁樣啦........之後但係去度新都城我都冇撞到佢~跟住表姐買左對番學既皮鞋,我幫佢揀架,好令又平,之後買完對鞋周圍行下啦,見到好多令衫,不過都係冇買,諗住下次先,之後我地去OK買左枝雪糕,好好味,一路食一路行番去屋企,行既途中,我同表姐傾緊計個陣無啦啦架車發出一D勁大聲既聲音,類似放屁個D聲啦,跟住仲要勁大聲,嚇到我地死咁制,我又心血少喎,跟住比架車嚇完之後又有架車勁好笑,唔知點解有架車上面痴左D好似牛皮膠紙咁既樣,笑到爆呀,之後行下行下就要各自走喇,番到嚟唔想做功課,勁想玩電腦.........所以就嗱嗱臨打左日記先~

今日有勁多嘢都笑到我爆呀,等我慢慢講先,今日中文堂,坐係我隔離個個人問我"氣氛個氛點寫呀?"跟住我寫錯左比佢,寫左"紛",之後我後面個個講番比聽唔係呢個紛,係個氣字入面個米變成分,跟住我隔離個人聽錯,佢以為係個米字加個分字,跟住佢寫左個"粉"字之後,佢係度讀"氣粉~~"嘩!笑到我呀!我後面個個笑到見牙唔見眼!跟住仲有就係係合唱團個陣,有勁多超搞笑既嘢,不過有一樣我唔記得左,個樣笑到我真係好似傻婆咁,人地唱緊個陣,我無啦啦係度狂笑,我前面個個又係因為頭先個D勁好笑既嘢而笑,跟住佢又笑,我又笑,搞到我冇唱到歌,係咁笑,跟住仲要比羅老師(班主任)見到,羅老師都唔知我係唔係有病呀!例外一樣我記得既,就係個阿sir要我地唱個多字要唱到好似鬼叫咁,勁重音,笑到我同我前面個個呀~~跟住又係呢個多字搞到我又冇唱喇,係咁狂笑,我都唔明點解仲笑咁耐,我依家一路打都一路笑呀,人地都唔知我係唔係有問題呀?總知合唱團個陣我就痴左線啦,仲要比羅老師見到,你話死唔死呀??跟住仲有星期一就要去合唱團比賽喇,搞到今日放左學打左鐘個阿sir仲繼續練到勁high,搞到人地鬼死咁遲先放學,呢樣嘢我已經忍左佢好耐架喇,跟住仲要企,個度又熱,又焗,又勁累,好鬼死想坐呀!搞到個身入面係咁流汗,仲要係狂流個隻,番到嚟人地想玩電腦哥哥又玩緊,我叫佢比我玩佢就冇比,跟住我等左佢勁耐,算!唔等喇,所以就係sofa到訓覺,由4點半訓到6點半,足足訓左3個鐘,勁晒呀,不過訓完有少少暈暈地,不過依家好番D喇,我諗係因為訓得太耐先會咁啩~不過唔緊要啦,反正琴晚我勁晏先訓,上堂個陣又眼訓,頭先訓番3粒鐘夠晒啦!!哈哈~

我依家勁鍾意睇天幕下的戀人呀!