今日冇嘢做呀!成日都係係屋企玩電腦囉!琴日都冇打日記呀!因為琴日係哥哥生日呀嘛,我地出左去食飯呀!今日成十一二點幾先起身,因為琴晚好晏先番來呀嘛,好似係1點幾!所以今日朝早就咁晏先起呀,跟住就冇食到早餐,因為都廢事食喇,都成12點幾啦,咁食左早餐唔通4點食午餐咩?所以咪冇食囉!跟住講起今日個午餐就惱,爸爸係雪櫃攞左D炒飯出來,佢話佢要出去,叫我地自己炒番熱佢,跟住我同哥哥都未試過炒架,跟住又落唔夠油,搞到D飯"痴"住晒個鑊!跟住又炒到唔知似咩......又炒到唔夠熱,咁不如唔好炒!跟住我同哥哥講"D炒飯勁難食呀!(因為係哥哥炒架嘛)"跟住哥哥話"咁你洗左個鑊之後我再炒過,跟住我洗個鑊洗到我死死下,因為頭先D飯"痴"住晒呀嘛,搞到我洗左成粒鐘!跟住哥哥就再炒過喇,點知今次仲衰,頭先唔夠油呀嘛.咁依家咪加多D囉!跟住炒完之後咪食囉,點知D油仲多過D飯......食到我勁想死!依家諗起都反胃!!跟住哥哥3點答半就比左我電腦喇!