今日去左香港杜莎夫人蠟像館呀!!係英文班個d人先有得去~原來一位小童就要70蚊架喇!我地仲要咁多人,學校又幫我地比埋$!!學校幾時變到咁有$既呢??哈哈!!d蠟像有一d都幾真,我同左碧咸,Michael Jackson,成龍,Twins(其實勁唔想同呢兩條白痴婆影)仲有韓國個條友,唔記得左佢叫咩名喇!仲有好多都好想同佢地影架~想同劉翔啦...........劉德華啦!濱崎步,莫札特~仲有一個好令仔既,但係唔知佢叫咩名!總知好多都好想同佢地影啦~下次如果post倒d相出黎既話就post出黎比你地睇下啦!!哈哈^^見到好多蠟像勁開心~不過要上去呢個咁既蠟像館搭車都要搭好耐,因為佢係山頂呀嘛!不過唔緊要啦........想再去多次呀~哈哈^^下次我唔會唔記得左你架喇濱崎步~真係好令呀你!諗番起d蠟像真係想依家再去睇多次呀~呀!!係呀,仲有一個係好想好想同佢影架,就係李小龍呀~不過個陣李小龍個蠟像係一間房入面,但係間野又冇開,所以同唔到佢影呀!剩係可以係出面睇炸!!下次如果有得再去就好喇^^

今日去個陣有好多笑話,搭車個陣,我同winnie講番哥哥佢講既d勁好笑既野,就係"我阿哥有個同學問佢,你知唔知小丸子屋企賣咩?跟住哥哥話胸圍=.=!之後佢個同學話,傻啦,係x竹呀!因為小丸子個首歌係"B lee 巴喇 B lee 巴喇"呀嘛,跟住哥哥佢勁白痴,佢話,胸圍個條帶彈下彈下都會B lee 巴喇 B lee巴喇啦................."笑到我爆呀~跟住例外一件勁好笑既野,就係"我地搭車番番學校個陣,有個咩抽獎啦.......跟住差唔多個個都抽中架啦!!之後d人抽晒之後,個miss話仲有4份特別安慰獎,跟住第一個就抽中我啦,咁我好開心啦,點知...................係一隻勁樣衰錶,跟住我試下戴啦!!點知一戴隻錶既個條帶就x左,駛唔駛咁廢呀!!跟住我同winnie狂笑,之後我地仲陰陰咀笑咁將隻錶掉左佢!"笑死我喇真係,笑到命都冇~比埋條命隻錶呀!!

今日去蠟像館個陣,個條咁既白痴仔都唔知有咩好望,望到勁high!!忍左佢勁耐喎~勁想打佢呀!!跟住Twins個蠟像隔離有個卡啦ok房,跟住個陣我見冇人啦,就同winnie去唱,點知.................我一唱一隻字,就覺得唔x架喇,原來有幾條白痴係出面望到勁high,好采我剩係唱左一隻字姐!!如果唔係比佢地笑死呀!!哈哈^^

今日勁開心,見到咁多蠟像~不過唔知到左星期一又點呢??都唔知我自己考得好唔好呀!希望可以考得好啦!!

今日考數學同常識呀~考完喇!!好爽呀~考數學個陣,有幾題唔識,跟住我都知我死硬架喇,點知過左陣又識喎!!跟住考完數學問番D FD個題係咪咁做,原來佢地個個都係咁答,真係好喇!!我諗我數學應該都係可以90分以上既~^^好開心呀!!

跟住考常識,有兩題唔識~跟住睇番書,有一題我唔識既係係唔知常識書第既課既最後一頁既一D位就寫住個題既答案=.=!!d miss駛唔駛咁呀??d咁既野都要出!唉...............冇眼睇呀!!不過算啦~個兩題都係扣2分,即係4分~即係我有可能攞96分!不過話唔定其他錯左,不過我諗都可以攞到90分以上架!哈哈~

今日終於考完試喇~依家其待緊星期一呀!因為派卷呀嘛!!我諗我今次都可以考到好成績既~哈哈^^

因為考完試,所以放學之後去winnie屋企!!未去之前買左d野食去食~佢屋企都幾大,住係清水灣呀嘛!跟住我地又係度煲碟,唱k,玩電腦,仲玩左勁多野啦~跟住佢有隻貓,勁得意呀~好想抱佢番黎屋企呀!!哈哈^^我就不嬲都好驚d貓貓狗狗既!跟住一入到去見到隻貓,勁驚喎!不過係度耐左,又唔驚喇!!好得意呀~哈哈^^玩左5點番到黎同佢winnie煲粥!

好其待星期一呀!等緊你呀考試卷~希望考得好d啦．．．．．．

今日考英文!!勁易=.=~根本就係唔識溫就識!!真係估唔到係咁易,差差個miss話有7張,跟住我諗住好難又多啦,點知勁易=.=!!睇黎都可以攞到高分既~不過拉高番d分,因為咁易,其他人都識做架啦,所以.................唉!!好憎中文呀><

今朝個許願峰係咁跟住人,屌佢呀~今次唔鬧佢都唔得!!妖~~~~好想死呀!!仲要今次梁詩慧同佢講"你都知xxx唔會xx你架啦~"跟住條友仲要話"我唔會死心架!"=.=!!無奈中.....................好想死左佢算呀我!!勁煩喎~又唔知自己矮=.=!!吳泳蓉呀~同佢講左幾廿萬次都係咁=.=!!!勁仆街喎佢~好想打佢呀依家><

今日放學個陣見到媽咪係度等我,跟住我就同佢去買野啦~跟住買左勁多x司,好正呀~不過食完之後勁飽,仲要係剩係食左兩舊就勁飽=.=

聽日係考我至憎既數學(憎!憎!憎)不過就算憎都係要考試~希望考得好啦,不過我對呢科不嬲都冇咩信心架喇!仲要考埋常識添呀~我都係好廢既呢科!!唉........

盡力啦我呢兩科,都希望考到好好既成績既^^