今日英文堂,我個組都答左好多問題,又攞左個印,英文第一課係要考既~不過miss張話重點唔係考第一課,第一課略略教就得.......講真!!唔係幾明第一課><"

中文,都冇乜野,但係就快要考試,佢要叫我地做呢個書法!!好黑人憎呀~我做書法好耐架,如果要快既話,又寫得樣衰!!唉~忍.........

P.E堂,去呢個咁既足球場><"好黑人憎呀!!跟住咪又係d男仔玩,我地d女仔係度呆坐囉=.="不過我地5個人一齊玩"馬騮搶球"勁白痴....跟住話猜包剪槌邊輸就做馬騮呀嘛,winnie話"妖~咁一定係我做啦!"咁又係喎,唔知點解次次猜包剪槌佢都輸既,今次....都係佢輸!!笑死^^跟住玩個陣,winnie佢一係接唔到個波,一係就接到唔知咩衰樣=.="跟住有一次,winnie佢x個波比我啦........跟住我特登唔接,等佢做馬騮^^哈哈~仲有一次,徐慧娟做馬騮啦,跟住我攞住個波,佢係度搶啦,跟住我即刻x比winnie,點知佢點到我隻手,佢就以為係點到個波,我咪話佢係點到我隻手,佢就係度指住我,又搞到我條邊亂晒!想死..........><"

普通話,到我考呢個口試喇,滿分呀~太好喇!係喎........都唔知點解老師比分比我地睇晒,唉~比我地睇仲好^^總知滿分好開心啦~

今日數學堂呢.......唔知點解會同d男仔狂講d online game=.="跟住鍾sir又唔鬧喎,太high喇~尤其係我後面個位,講到d口水狂噴....注意:仲要係噴係我個頭到!今晚洗頭要洗3次,平時都係兩次,今晚加多一次.........

小息個陣呢~d白痴仔知winnie入左去個活動室度,又知劉xx入左去,跟住d人又成日話咩劉xx鍾意winnie呀嘛~跟住將佢地鎖係入面,我係出面,聽到winnie佢係入面狂踢個門,跟住我同婷仲有徐慧娟係度話咩"唔關我事架!"跟住婷佢仲high,佢話"幾廿歲人呢d野唔關我事架!我既初戀情人就係我老公,冇理由關我事架!"笑死我.....係度學埋晒個廣告!!跟住d白痴仔將佢放番出黎個陣,我同婷狂講個d咩唔關我地事,跟住狂跑.....跑跑下見到d男仔啦,佢地竟然話"喂~問下梁xx(winnie)頭先同劉xx happy唔happy呀?"我想死.....

週會......個許願峰竟然坐係我前面,狂望過黎,仲笑!嘩~頂.......我想死呀個陣,超煩><"

課外活動,個miss岑未黎~跟住我係度同婷傾計啦......跟住蕭sir行過,見到我個班有兩條仆街仔係度打交=.="我地又見唔到啦,蕭sir又係度問咩"隊長,知唔知佢地打交?"跟住我地都話唔知啦........鬼知咩!蕭sir又話"全班都唔知,咁即係全班都唔關心班入面既野,咁課外活動個陣唔駛上喇!同我抄成本書中文書一次,放學之前交!"嘩......鬼抄得晒咩??仲要得個一粒鍾都唔夠,跟住miss岑黎左,佢話"你地唔駛抄喇,我會幫你地同蕭sir求情!"嘩....正喎~跟住我同婷抄抄就冇抄啦,到左放學,蕭sir黎左,佢見我地就咁出去,所以唔比我地出去,佢話"罰抄呢?"我地全班勁無奈!!跟住有條友話"miss岑叫我地唔駛抄,佢會幫我地求情!"跟住蕭sir就係度話"岑老師幫你地求情咁好呀?有冇多謝岑老師呀?"我地都話有!不過咁又真係有!!跟住蕭sir講完d廢話,就走得喇!好野~唔駛抄,thx miss岑呀~你不嬲都係咁好人既~

放學個陣呢,個白痴婆班主任係度問我"記住要溫書喇,有冇讀呀呢排?"我話"讀左少少!"佢話"讀左咩呀?"我話"數學同中文"跟住佢竟然話"咁比面呀?"因為中文係佢教既,所以佢先咁講,不過我真係溫左d中文~冇話咩比面同吹水=.="

咦~今日好似打左好多喎^^都係唔講喇,88

今日係考英默呀!!想識晒既~但係唔知有冇一d唔小心錯左呢~希望冇啦!!今次個d都好易,但係我隔離個位,竟然同我講佢錯左5個=.="我想死.......

嘩!!今日我仲係度驚條白痴婆罰咩=.="點知罰抄中默40個x10次........=.="雖然係多左d,不過佢罰d咁既野=.="我之前仲以為佢真係咩一本書就一張圍規紙........點知又係吹水!!今日我同徐慧娟去問佢攞番條帶,跟住佢剩係話咩下次唔好再擺d野係個櫃桶度.......跟住就比番我!!哈哈^^雖然係咁........我都係咁憎佢><"

今日英文堂,我個組有個人,佢出去寫野啦,跟住個字明明係a岩架喇,跟住佢又以為錯,跟住望住我=.="我咪話係a囉!!跟住mis張問佢"係咪a??"我唔知點解幫佢答左"係"跟住miss張問佢咩組,我又幫佢講.......跟住唔知講咩我又幫佢答係......唔知點解自己會咁樣,跟住連我自己都係度笑,d人又笑~跟住我個組仲有一個人,我成日都唔記得左佢係我個組,所以佢答左問題,我都冇咩留意,點知佢答左之後,老師問佢咩組,佢話spade2,我先諗番起佢係我個組既=.="跟住我又係度話"我又唔記得左你喇"跟住d人又笑.......想死!!

普通話堂,係度口試啦~跟住有d人係度傾計,個不男不女係度"shee........shee.......shee"好似係度柯尿咁!!笑死我~

放學個陣,我知個白痴婆唔同佢講88佢又係度話你,所以我事先同winnie講"一陣記得同羅xx講88呀~如果唔係佢會啤住你!!"跟住我地兩個就同佢講"88啦~"之後我同winnie話"上次婷唔同佢講88,跟住佢係咁啤住婷,下次你都要記得講添呀!"

好白痴呀!!都未見過人為左我地留書係櫃桶而嬲咁耐........勁on9,係咪有病?不過我覺佢係岩岩黎更年期!!成日個樣好似人地"差"佢$咁!!勁樣衰,都唔知邊鬼個得罪佢.....係咪岩岩黎左更年期唔怕講喎??成日同我地講野個D唔知咩語氣,勁白痴喎!!日日咁樣對住佢,我真係好想打佢........都唔知咩衰樣!!佢今日仲係度話咩聽日考默英文,默完之後先同我地講點罰個D留書既人=.="白痴!!聽日就係考默,默完之後條仆街婆又唔知要搞咩乜春野喇=.=.........仲有!今日蕭sir問我條帶去左邊........跟坐我勁想死咁答佢話比羅老師攞左,跟住佢就問點解,我咪話條帶擺左係櫃桶度,佢又唔比人擺野係櫃桶,所以咪收左囉=.="跟住蕭sir竟然話"你死都同我死番條帶番黎呀!!下個禮拜仲要開工架,知唔知呀?"我咪係度話知囉.........唉!!條仆街婆又話比條帶蕭sir叫我自己去攞既??咁蕭sir又冇,同邊個攞呀??根本佢就係佢自己袋住.......係度話咩比左蕭sir=.="無聊!!係度吹水=.=

今日音樂筆試,全世界坐係禮堂度考,份卷易到爆=.="根本就係唔駛溫都識既,虧我琴日仲溫得咁high=.="

今日音樂堂,到婷考唱歌個陣,佢企係度唱個陣,個d唔知咩衰樣,勁唔自然,跟住我同蔡xx話,笑到佢冇命!!真係勁好笑~唔知咩屁樣,一路係度拉自己件衫,又係度整隻手,件衫上面個領又一邊摺一邊唔摺!!笑死我^^

圖書堂個陣,miss岑同我地去電腦室度,跟住勁悶啦,我又同徐慧娟一齊坐,所以咪一齊上網睇野囉,點知miss岑過左黎.........嚇死我~不過佢又冇鬧喎=.="都唔知係咪見唔到,但係咁都見唔到既話.....應該要去睇下隻眼=.="

聽日條仆街婆唔知搞咩喇,聽日再講啦~88