唉~唔好意思!我個日記比我搞到好亂~但係依家冇時間整番,所以等我有時間會整架喇!唔好意思><"

今日係中秋節呀~

8點幾就起左身喇~跟住係度執屋=.="執完就玩電腦啦~媽咪同爸爸去墓場探阿爺,因為今日係阿爺既死記呀><"跟住哥哥就番學啦!今日唔駛番呀我~哈哈^^玩玩下電腦,先得個11點幾,阿媽就打電話黎叫我去阿麻度......唉~麻鬼煩!係人地玩電腦玩得最high既時候佢先打黎喎!唉~跟住逼於無奈咁出左去阿麻度,原來有好多姑姐係度=.="過左陣食飯,食完去表姐屋企,d大人係度打麻雀打得勁high,大家估下我係度做咩=.="??坐係個sofa坐左差唔多兩粒鐘,跟住表姐番黎先唔會咁悶,勁想死喎我.....跟住唔知點解無啦啦同表姐仲有佢阿媽去tko中心行街.....不過大家留意,係5分鐘都唔知有冇個隻,行行下,d人又打黎話要去食飯喇=.="跟住勁想死咁去左搭地鐵,去北角食,仲要勁多人個隻,連我自己都唔知係度做咩..........食完之後好似先9點幾~我問媽咪去邊,佢竟然同我講番屋企!我勁想打媽咪喎~跟住阿穎姐同佢d fd去玩!阿培姐又同埋佢去~所以見咁悶,唔通中秋節番屋企咩=.="所以就同佢地去囉^^"原先去到冇咩屁屁野玩,跟住後尾又玩左d好似有d無聊既野=.="但係玩玩下就已經2點幾,番到屋企,搞埋d野3點半訓!好累呀~我地9點幾就開始玩,玩到2點幾~我已經好鬼急尿架喇,但係番到屋企先有得柯...慘!!

呢一年既中秋節,雖然過得有少少白痴,再加d無聊!但係總算唔係係屋企過!呢個中秋節食左個冰皮月餅,一個傳統月餅^^好好味呀!!

唔講咁多喇~唔知你地既中秋節又點過呢??

其實今日唔係便服日,係得我個間學校先係姐=.="

今日一番到去,就見到許願峰=.="黑仔.........嘩!!頂~個條許願峰著得勁令=.="令到你冇命!!跟住我擺底個書包,去搵winnie~條友仔又要跟埋黎....入到圖書館,winnie果然又係著個套~唔怪得佢話最憎便服日啦!跟住見到徐慧娟,佢就話"呀~最鍾意呢條褲再襯呢對鞋架喇!咁樣好型~"唔好咁樣話我啦~我會怕醜架><"(講左呢句有d想死=.=")跟住就坐係度傾計啦!傾傾下~Amy佢入左黎,跟住佢望一望winnie,之後問winnie"點解你又著番呢套既?"winnie個陣番面即刻變......Amy又好似直接左d!之後winnie佢係度狂鬧Amy=.="跟住又話徐慧娟咪又係著番個件外套=.="我勁想死.........之後佢比人咁樣話一話,就叫我幫佢攞外套,佢帶左件外套,件外套後面有個6字,跟住前面又無啦啦有兩個中文字,都唔知咩黎既???

小息個陣個條仆街仔許願峰又係咁係你隔離,個型仔又係度,兩件一齊上....嚇到你命都冇><"跟住條許願峰仲要係度叫人同我講咩"可唔可以同佢影張相"佢收皮啦~就算同烏蠅影都唔同佢影啦=.="跟住個型仔件衫虧佢可以買到件咁既衫,都唔知係邊度買既??

今日lunch時間,無啦啦落左去活動室食飯,都係winnie啦.........無啦啦叫我落去參加埋d咩圖書館中秋節party=.="我勁想死........食飯個陣,d人勁噪~煩到死!個條乜鬼xx聰,以為自己講d野好好笑,又以為自己做既野好好笑!一d都唔覺好笑,剩係覺得好白痴同埋有少少無奈=.="我都忍得佢耐喇!食飯個陣狂咁講野~噪生晒!跟住又無啦啦玩埋d唔知乜鬼遊戲,無聊到你阿媽都唔認得!跟住miss岑仲要帶埋d咩車里咖同埋個d唔知乜鬼,唔鬼記得佢個名啦~我勁想死........之後就同winnie,徐慧娟,慧仲有一個好似唔係幾熟既伍xx係度影相=.="勁無聊!之後就剩係同徐慧娟一齊影,都影得幾好^^"

我攞簿個陣,個條乜鬼徐超無啦啦走埋過黎問人地miss岑係邊,我咪話好似係圖書館囉!之後佢又無啦啦攞舊擦膠出黎,竟然叫我幫佢攞個舊死人擦膠落去比miss岑,痴線架!都上堂啦~仲咁得閒為左個舊死人擦膠同佢特登走落去呀??之後我勁無奈咁望住舊擦膠,佢又係度話咩頭先問岑老師借架!其實我想問........你問岑老師借既關我鬼事,點解要我幫你攞落去囉!之後佢係都要我幫佢攞~唉!!算數~不過攞左之後又要少少後悔!見到個舊擦膠真係火都黎埋><"

英文堂個陣,我地個組終於都攞左1個印喇=.="雖然係1個,但係都好開心~上左咁多堂一個都未攞過,今日終於都攞到喇~我個組今日仲要係最高分既添~

普通話堂=.="我至憎既.......個條不男不女又黎啦~唉.......勁白痴呀條友,咩個d報紙要輪流帶番屋企睇!咩唔好睇少個6蚊~我勁想死.....上堂個陣,個條王子朗無啦啦攞左我舊擦膠跟住都要放學啦,仲唔比番人,勁黑人憎呀!!