今日英文堂,老師叫我地清理晒枱上面既野,個陣老師未黎,我個組已經清理好晒,又坐好左,之後佢話咩最快同最安靜個組加分啦,佢竟然加左分比個組最遲先收晒d野既~跟住我個組就冇,都唔知佢隻眼係咪有問題!!答問題個陣又係,我見佢都就黎要叫我啦,隻眼唔知點解又無啦啦轉過去第二度,痴痴地線架..........成日都係咁=.="婷同winnie都話好想打佢!!

普通過堂個陣,個條"不男不女"既又黎啦,佢講書勁悶!!個個都就黎訓著咁~跟住winnie佢勁眼訓啦,個條友見到佢咁,之後話"你唔舒服既話卜係度一陣呀~"哈哈^^笑死我!!佢都唔係唔舒服,係眼訓呀~醒目.......跟住個陣我勁急尿啦=.="但係個條友係唔會比你去架~所以咪忍囉!!跟住我就同慧講勁急啦,我前面個條友又聽倒,跟住佢話"你急尿呀?"跟住我咪話係囉!!之後佢勁白痴,狂咁係度"樹.........樹...........樹........."痴線架!!搞到我更加急,之後我前後左右既人都一齊係度"樹........."頂!!不過過左陣我唔急喇~好采姐..........到左落堂,前面個條友又攞左我本普通話書=.="之後佢話佢咩冇攞到,仲要比埋佢個褲袋同鞋底我睇=.=痴痴地線既~本書咁大點放落褲袋同鞋底呀=.="跟住最尾佢都比番我!!行出去個陣佢都要"樹"一餐!不過我都唔急啦,冇友怕!!哈哈^^"之後我同佢講我都唔急啦..........佢竟然話係佢係度"樹"所以我就唔急喇=.=勁想死喎.......

小息個陣,winnie佢係度做埋d咩問答遊戲呀........我唔知呢~總知係睇個壁報板跟住有張野,比你填番d答案落去,咁我咪係度睇佢做囉,之後個條勁黑人憎既"不男不女"無啦啦行埋過黎同我講"你係咪做架?"我話唔係啦,之後佢話咩"咁你唔好拉住佢啦,比佢做啦=.="我勁無奈喎.....我幾時有拉住winnie呀??更何況我拉住winnie關佢鬼事咩?之後我勁唔鋸佢,特登真係咁拉住winnie,哼!吹咩??黑人憎到爆呀條友~

小息完左之後,打左鐘要停係度啦,跟住我同winnie仲娟同慧係度講番琴日個件事,咩"和你共度一個愉快的下午"個個!!跟住我地係度笑啦~個令仔勁低能,佢無啦啦話"笑!仲笑!"聽日扣留你地~痴線架!!佢仲要勁大聲,佢講完之後笑到我命都冇,跟住係走廊個d人都係咁笑!!!唉...........令仔不愧係令仔!!!

唉~依家我個班d人,成日話咩"x城哥"同"毓琪妹"忍左佢地勁耐!!我有時唔知做咩,佢地就話"做咩唔叫x城哥黎幫你呀??"低能架.............

琴晚10倒就訓~因為冇野做!!爸爸佢又出左去,唔駛係度睇電視噪住我訓覺~訓左勁冧呀!!所以今日好精神~哈哈^^

好想媽咪快d休息左~想同佢去行街街!!!不過要等到星期日,唔制呀><"

依家晚晚都唔駛睇電視架喇~因為爸爸睇晒~所以好早就去洗碗,好早就去訓覺洛!!之前爸爸佢岩岩番黎,冇得睇電視,真係好想打爸爸!!不過依家慣左,算啦~唔睇咪唔睇囉!!

winnie個表妹要黎我地間學校讀呀~唉.........winnie話咩佢黎左又要陪佢!!但係佢又話"不過采佢都傻,理得佢死呀~"嗯!!講得好^^"

呢幾日既天氣好好!!又唔會太熱,又唔凍~~都幾爽呀!!夜晚又唔駛開冷氣既~不過其實呢............我知有d人覺得呢d天氣係好熱=.="

今日校長話咩有一個叫"我和校長有個約會"既野,係luch個陣同校長一齊食飯啦~校長話如果想參加既話,就攞張紙寫低自己既名,同埋咩理由,即係點解想同校長食飯啦!!然後x入去個報名箱入面啦~校長講完,winiie已經猛講話"呀~不如我同你,仲有徐慧娟佢地一齊去同校長食飯啦...."我心諗"唔係呀嘛=.=唔好玩野啦....呢d咁白痴既野佢竟然話參加..."跟住第3個小息個陣,娟去圖書館攞筆去報名參加義工,跟住winnie就話佢攞筆報名埋d咩"我和校長有個約會"之後娟梗係話唔係啦,之後winnnie勁白痴,竟然用張紙寫低我同佢既名,仲有娟同慧既名,跟住佢寫既個個理由仲白痴,咩"想和你共度一個愉快既下午"頂..........我睇完笑死我~跟住我攞比娟睇啦,佢又係狂笑,之後就一野撕x佢,咁駛係啦,呢d咁既野梗係嗱嗱臨撕x佢啦,哈哈^^廢事比人見到添呀!!

見到個個型仔既一舉一動真係好想死同笑~仲要日日都見到佢!!唉............

今日放學個陣,winnie話有條友揹住既個個袋咁樣衰,跟住仲要揹到咁高!!之後我就睇下個條友有幾樣衰,之後見到佢...........笑到我命都冇!!!個條友個袋真係好鬼好鬼死樣衰,跟住你知唔知佢揹到幾高呀??高到個格x底夾住隻袋~頂.....勁樣衰!!佢咁樣揹法,都唔知有幾多個人笑過佢~~~之後睇完佢個袋,綠綠續續都有d令到你想死既袋,放學個陣,一路行一路係咁笑~~哈哈^^冇計啦,佢地d袋真係好好笑呀嘛!!

音樂堂個陣吹笛,我地一行一行咁倫住黎吹啦,跟住第一行有條友痴痴地線既~吹吹下無啦啦係度狂笑!!唔知佢諗起咩,搞到佢係咁笑呢???

今日P.E堂又去左隔離個個足球場,d男仔就係度踢波,我地d女仔就成個低能仔咁係度餵蚊.......呀~好采我唔駛餵蚊,因為我著長褲,哈哈^^但係都好悶!!成日都係咁,d男仔就踢波,我地就冇野做~阿sir成日都係咁~跟住我地話佢,佢就話咩下堂唔會再黎個個足球場!!都唔知佢係吹水定係講真既~!!!

睇電視,話29號係便服日~哈哈^^

琴日終於都去左剪頭髮喇~已經好想好想好想去剪架喇!!剪得幾令~哈哈^^"但係本來係約左娟去行街,下次先去啦~阿甘姨佢同我一齊去剪,佢都話好想剪,剪完之後,去左出面個個咩"歡記"買炸雞翼,炸薯條同咖哩魚蛋!!超正呀~爽到仆街呀!!雖然頭髮剪左,但係皮鞋仲未買,唉..........今日出街,又係睇唔岩~下個禮拜媽咪休息,咁個日先再去睇!!如果唔係都冇時間~~~

琴晚外婆佢比左5舊水我,佢之前已經話要比我架喇!!佢話比我買手機^^"佢話依家比住5舊水,下次又比5舊水咁,跟住有2000-3000個陣去買部手機,共實.......我唔係好明,點解唔可以一次過比,要一次比5舊水,下次再比5舊水咁呢???=.="唉~不過算啦,佢比$我買已經好好,知唔知點解佢會比我呀??因為...........就係個次,我係本雜誌度見到部新出既手機好令,之後我咪問外婆覺唔覺得令囉,之後佢都話令,講完佢又問我依家有冇手機,咁我咪話冇囉,跟住佢就話比$我買番部手機^^"真係多謝晒上次個本雜誌呀!!哈哈~~好快就可以有部手機喇~因為佢隔幾日黎我屋企又會比5舊水我!!實在太好喇~~

聽日又要番學喇~~唉..............