今朝哥哥佢又係鬧鐘響左但係又繼續訓!!琴日又係咁~我又去叫佢,跟住如果佢咁樣唔記得起身,又同我係度爭廁所,勁黑人憎,搞到又遲左喇d時間!!如果佢聽朝都係咁既話真係..........

今日第一日有常識堂,我地全班估得冇錯..........果然係比鄒sir教d常識都唔知差成點=.=!!佢係咁講d同課文唔關事既野,又要講d係人都識既野比我地聽,仲要問我地識唔識=.=狂咁講d廢話講左勁耐~嘩.........終於都講課文,點知.....佢講到咁=.=鬼明咩><"唉.........死喇!!都唔知今年d常識差成點呀!!死得喇今次~

又係第一日有體育堂,冇上到,係度量體重同體高,我重左0.5分斤,同埋高左1cm......唉!!先高得個1cm.......快d高呀~

今日又係第一次上英文堂,嘩........miss張虧佢諗到d咁白痴既野!!咩佢問我地咩,我地唔好講yes/no!!做埋d白痴仔手勢,咩yes就擺個勝利手勢,no就無啦啦整個咩gun既手勢~嘩..........勁白痴喎!!跟住又分組啦,我竟然分到去同d成日唔答問題既人一組,計黎計去,我個組全部都係唔舉手既~係得............我><"winnie佢就好啦,同埋徐慧娟仲有婷~頂.........點解我會同埋佢地個d低能仔一齊架!!好唔開心呀~

今日放完學同winnie去食飯,去食個什錦拼盤,日式個d~超正!!食到我好鬼飽呀~

聽日放完學順便去買番學鞋先~要換喇!!

依家慣左咁早身喇!!所以都唔會好累既~

今日開始上堂喇~唔知點解d miss同阿sir都係度講"女王的教室"尤其係個班主任,狂咁講,連教書個陣,舉既個d例子都係"女王的教室"我地全班都忍左佢好耐!!跟住鍾sir又係咁~唉.........個個睇"女王的教室"睇到痴晒線~不過都真係好好睇!!我集集都追架~哈哈^^"

哈哈^^好開心呀~琴日有個唔知乜野係風紀既!!叫晒d風紀落去禮堂,講左d野~同埋派風紀帶~哈哈!!我做左隊長........開心死我喇!!今次風紀係蕭sir負責,如果唔係蕭sir我都冇得做隊長啦~依家蕭sir揀既個d隊長全部都係同佢熟既~包括我><!!不過我由3年級已經開始做,做左咁多年應該冇咩問題!!但係蕭sir竟然揀埋d...........唉!!唔好提喇~再提我真係想死~不過算啦........唔揀都揀左!!總知我做左隊長就好開心啦~

依家我都唔會咁憎個班主任~除左紮邊,都冇咩野既~同埋依家都慣左紮邊喇^^"今日個班主任叫d人答問題,第一題叫個個答啦,跟住班主任叫佢做"子朗哥哥"嘔..........條友叫王子朗,跟住佢就叫佢做"子朗哥哥"跟住第二條就叫我,佢叫我做"毓琪妹妹"都係個句啦~嘔........嘩!!竟然咁樣叫我地~真係好想死呀.....=.="

今日好悶呀~冇出街!!係屋企執野,掃地呀~x枱,x牆!!哈哈^^好乾淨呀~不過執完超熱,成個人好似岩岩沖完涼咁><"熱死我喇!!

琴晚大姑叫我同哥哥去北角食飯~佢話同我地去食日本料理!!哈哈^^我既至愛呀!!!咁我梗係去啦~去到北角,原來係同埋5姑姐仲有細姑姐佢地食!!桐桐都黎左~跟住仲有表哥!!仲有個朱庭峰><".........5姑丈都係度~9個人一齊食!!嘩.........d野爽到冇得再爽~超正呀!!食得好飽,細姑姐話下次帶我去元碌壽司食喎,比我任揀!!哈哈^^正呀!!大姑佢又就黎番大陸喇~姑姑(2)話新年帶我番大陸,同芬茹姐佢地玩!!!哈哈~~好開心呀!

聽日又要番學喇!!依家番學都冇咩野,剩係唔x個紮邊~唉.........不過算啦!!紮紮下就慣架喇!!