今日做做下個d死人作業,唔經唔覺做左勁多~,再數數下仲有幾多未做,呀~原來得番4頁未做炸^^"個d都係我唔識做既~哈哈^^之前成日話"死啦~就黎開學,都唔知d功課點算??"但係依家咪又係做左咁多!!所以下次都唔駛咁驚啦~

今日媽咪放假,本來話去行街,不過我唔想去!佢同外婆就去左,跟住哥哥今朝晨早流流就出左去同佢d fd玩,所以自己一個人係屋企勁爽!!哥哥佢係屋企我成日都冇得玩電腦^^"好采佢今晚先番~哈哈^^"勁爽呀.......自己一個人係屋企真係咩都可以做!!!

嗯!d功課都七七八八,睇黎剩番個幾日都要玩盡佢喇!!如果唔係呢個暑假咪白放!!winnie佢條白痴婆伯娘又番左大陸,呢幾日就同佢去玩盡佢啦~勁爽呀!!

仲有4日就要番學喇~好想死呀!!朝朝都咁早番學,唉...........仲要我個班成班都係低能仔,d男仔啦........冇一個正常d喎~唉!!!!見到佢地都已經好想死~但係依家又要開始日日見住佢地~頂.........勁唔想番學呀!!

勁唔想番學呀!!

勁唔想番學呀!!

勁唔想番學呀!!

勁唔想番學呀!!

勁唔想番學呀!!

妖~

琴日打電話玩阿表姐,叫到我碌地~

今朝佢又打黎話去行街,琴日都叫左佢唔駛問,不過算啦,佢去得咁咪去囉~食緊飯個陣係度落雨,又勁大,所以話唔去啦~不過佢話佢想去,所以我咪話食完飯睇下點,食完飯冇落雨喇!!但係做緊"天國的楷梯"我地兩條友都話想睇完先去~跟住條友仔同我講"你去唔好買衫添呀!!"我費事理佢啦,d $我既關佢屁事!跟住佢又話"你買左一定比xx鬧"頂!!咁如果鬧既話比d零用$我把屁呀??買左又鬧,咁唔好比算啦~死低能仔呀!!跟住佢咁講,咁我咪連車$都省埋唔去囉,表姐打黎我同佢講唔係好想去喇!!跟住佢話"哦~咁唔好去喇"跟住我話"好呀~"佢又話好!!咁佢咁講即係話都係唔係好想去~我就驚佢話我依家先係度講唔想去~跟住頭先岩岩睇佢日記,佢又話我話唔係好想去,佢超無奈!!咁無奈又咁快話"好呀,咁唔好去喇"~都唔知佢想點!!!

今日同winnie係度研究d功課點做~都做左好多喎今日!!哈哈^^聽日再做多d添啦~

琴晚同monchhichi佢地去姨丈個間野食飯,好似食得唔係好飽咁........不過個d野都好好味呀!!!但係最衰就係冇得睇"神鵩俠侶"唉.......哥哥佢係大陸都已經煲晒啦,我就睇到9唔搭8咁~唉!!!!!

頭先先岩岩叫婷教我做個死人功課,電腦個d~佢比左個網我,有d又搵唔到既!!!唯有就咁有得佢啦!!d功課真係好鬼麻煩~人地放暑假係黎玩,佢就係黎做呢d死人功課!!!激死我喇......差唔多開學喇,又要見到條仆街班主任,到時佢又唔知要講咩廢話喇~同埋真係好唔想番學呀,又要見到d黑人憎到死既同學!!妖~憎死番學呀~好想撕x晒d死人作業呀!!

聽日又可以見到monchhichi,因為我去佢屋企呀嘛!!!依家成日都見到monchhichi,見多陣都好呀~佢咁得意!!哈哈^^

話你地一個問題呀!你地憎唔憎d老人家??我勁惜,個個老人家都係咁憎,除左我外公,不過佢已經........><"喊.....喊!!!!

winnie!9月1號見喇.......唉~~~