終於，喺寄左無數份cv都冇回音打算真係再唔得就返香港既時侯，
有job interview。
呢個working holiday，由一開始訂左4個目標自己，再一定要做farm jobs後，
當你真係認清楚現實，你要生存，就要放棄一啲野既時侯。
我選擇左退而求其次。
因為，當你每日都擔心緊自己有冇床訓，有冇工返，啲錢捱唔捱到咁耐時，其實你已經冇得揀。
如果唔係因為契爺，可能我地訓機場，甚至已經要返香港。
喺其他人眼中，可能會覺得我好幸福唔洗喺香港做打工狗。
某程度的確冇錯，但黎到呢到，而政府根本冇做過啲咩宣傳去講working holiday時，你真係要掙扎求存。
聽日，終於第一日返工，我知好多人都會覺得返呢啲工不如返香港算啦。
大學生要做到咁既工。
但我真係開始明白，好多野你控制唔到。
你選擇左呢條路，就唔好咁易放棄，前一星期我仲諗緊點算好。
基本上唔會笑得出，冇工返冇飯開可以點。
但係可能真係柳暗花明，我終於可以有啲眉目。
多謝曾經祝福過我，甚至心痛我冇一樣野順利既人。
人黑真係可以黑到盡頭。
不過，而家既我對於好似開始平淡既生活反而先喺到諗：冇可能咁順利既，下一秒一定有野發生
果種感覺係，我覺得再遇到任何野都好，我已經冇咁易被打沈。
最苦既，算係捱過了，希望承大家貴言，雨後是真的有天晴 ：）
|
