今日都要返學,但係我早上就覺得好唔舒服,咩都唔想去做,而我幾鍾意既體育堂都唔想去玩,今日放1:00,我媽媽不在家,所以我就去左人地屋企度食野啦~當然我會買我既午餐去,但買m記期間,我好辛苦!成個身就好似快沒有氣既氣球=]  好快就去左就去左同學既屋企,剛好佢Dad都係度,佢煮左d野食,叫我一齊食,但係我都食左,食完之後,我就無胃口再食野啦~我地便一齊整曲奇,但係佢Dad要整,我地只係做佢既幫手,在旁邊加蛋...... 唉!難道我今日黎係做人地既幫手,我都想玩下~不過唔緊要遲d我係屋企係會整><

之後,我好唔舒服,坐住係人地既屋企度訓,好失禮啊~到出爐啦~我起左伸,我地都試左,佢話ok,我話麻麻,而佢Dad就話不太好~我先知道要成為一個出色蛋糕師傅既距離仲有好遠~   佢送我走,搭車既時只係覺得好累,訓左一陣,返到屋企我本來想玩電腦,但係累到唔想玩,我覺得好怪,之後又成身發熱,探熱之後,有101度華氏,

本來今日想去葵芳買蛋糕材料既 , 但係無人陪我去,媽咪又唔想去,所以無去啦! 好無聊咁諗緊整d咩野食好呢?突然就想整曲奇餅,整既時候好好玩,我都唔知點解,覺得佢軟淋淋,幾得意~你地覺得呢?整完之後,到試食時間啦~首先我當然去試下味道,都覺得ok呀~佢地都係咁講,我好開心!我仲要繼續努力先得~

終於派卷啦~今日我既心很緊張,害怕自己考唔到~幸好份卷係有120分架,因為100分係中文卷,另外既20分係英文卷,未羅卷既時候好緊張,腳不停地震,你有無試過呢?不過都羅到80分以上,終於放心啦=]^^  你地都要努力呀~

明天要數學測驗,我都好緊張,唔知份卷難唔難呢?不過阿sir都講左唔難,但如果無80分以上既話,就要換位~ 我怕自己會無80分=]通常人地都鍾意換位,不過之前既位係自己選,都想繼續坐返呢個位~ 但係我近視好似加深左,所以坐到咁後,睇唔到黑板好細小既字,我想遲d去再配多副眼鏡!這眼鏡都用左1年了,係時候要換啦^^      應該會80分以上掛><    +油

本來打算放學後立即回家,不過有d同學,想留在學校打羽毛球,就同佢地一齊玩,同埋都想做多d運動,令自己高d。因為平時找不到人同我落公園打羽毛球=]我都唔知高唔高到,但都想試下!  玩到5:00去左冒險樂園換金幣,因為參加了一個(好學生獎勵計劃),之後我可以羅25個幣^^,一場黎到,就咁返去,不係咁好,玩左9個幣,先得3票,好唔底! ><   決定唔玩,送同學去搭車,佢架車隊好長,可能要幾班車先得,之後我返到屋企6:30分。