返到學校好唔開心,d人講d野,令我好唔舒服,句句話都有刺,成日以為自己好叻,好討厭!有時想離她遠d,但佢又成日跟住我,救命!老師話10月8日就會換位,好想快d換位^^ 這間學校令我識左好多不同的東西,暗示又有,說謊又有,搞到我有時望住人地既表情同行為,本來想做一個咩都唔知,咩都唔識既細路乍~

佢生日好特別,係國慶果日!一早媽媽就放下50元比我地一齊出去m記度食野,食完野就去左一間文具店買生日禮物比佢,佢本來想要模型,不過d野貴,就買d圍棋返去玩,佢都幾開心!返到去father買左個蛋糕,但是個蛋糕不太好味!><     我去玩computer game,因為佢生日,就比佢玩啦^^

今日放完學就去返小學,我去到小學的附近就有d懷念既感覺,上次黎探老師已經係中一了。 我地去找老師,佢話我地個樣都唔同左,可能係載左眼鏡既關係掛keke,我仲入左6A既班房,感覺比中學唔同,小學比較小,唔知係我大左定點。又去左圖書館,好似自己讀緊這間學校咁,差d唔記得左中學既圖書館。唉,好想讀返小學,又好後悔當初點解唔努力d讀書,不過這已成過去,如果選左這條路,就要繼續行,雖然入大學機會會好小,但我都想成為其中一個。><你地會支持我嗎?   

我前幾日媽咪買左個書包比我,好開心!係啡色,但有D玉色架~個隻顏色我好鍾意 =]又同朋友出街,去驗眼深左25度>.<,暑假咁快就完了,時間過得好快,不過我會將那開心既回憶永遠記住,唉!我仲未做曬d暑期作業                                bye bye啦~

我今日返學影印賽馬會既野,之後同媽咪會合,買左三樣cake材料都要61蚊,而家d野真係好貴,但我有d後悔出街!如果我唔出街,就唔會發生中暑,我唔知這是不是中暑,不過這是十分痛苦,覺得好肚痛,又想吐,就算載左眼鏡看野也越來唔清楚,仲面青口唇白!最後好辛苦咁坐車返屋企,爸爸回來後,我話今日我好似中暑,他說今日34度,而且我返學條路全是露天,不中暑就奇!我完全唔睇新聞,只係覺得好熱,早知今日就唔出街啦!