( Picture from Calpurnia )

係唔係好靚呢( 啲窗 )??

我地好俾心機去整嫁!!

俾啲意見呀~~

因為尋日睇電車男大結局睇到11 點半, 所以今朝就十點先起身, 仲俾阿媽話.... =．= 我阿哥仲"西利", 尋晚因為出去睇波, 今日成6 點先返到屋企, 今朝12 點幾起左身, 都無俾人話....  之後, 我就食飯, 食完之後, 就同左阿媽去泳池游水, 一去到好多人, 本來都以為入唔到, 點知同阿媽傾下傾下, 又入到去, 真係好啦!!  一開始, 就好似失左憶咁, 完全唔記得點游, 跟住, 游下游下又好似記得, 之後就係咁係到游, 唔知係唔係太耐無游, 游左幾個字, 就覺得好累, 之後游到3 點幾, 就走左啦!!

今日7 點幾就起左身, 但係都係俾阿媽話好遲....  食早餐: 好味    之後, 做左少少暑假作業, 跟著又同阿哥打機, 一路打到食飯   食完飯, 就去左琴行學琴, Then 又係去左M 記到係野 ( 尋日又食, 今日又食 ), 之後又返琴行學ORal 唔知點解今日好眼訓, 成日都想訓覺, 而且成日都好似係到夢遊咁, 返到屋企又阿媽話, 好唔開心呀!!

P.S. 唔該黎過我個diary 嘅人, 唔多唔少都留句言呀!! THX~~  ^^

我想講, 我係唔會放棄嫁!! 係你嘅眼中, 我可能係一個路人, 什至無我嘅存在..... 可能我地已經唔係朋友....  而你曾經同我講過嘅說話都唔會兌現.......  可能...可能真係我傻, 到而家仲會相信你每一句嘅說話!! 我想知, 如果你一早唔care 我有無做到呢兩個承諾, 點解仲要我應承去做, 但係而家考完試, 又點呀?? 你會care 咩??  即使可能我真係考得好好, 你點會覺得點, 我想講: 今次嘅考試係為左應承過你嘅野而努力, 為左第一個承諾去努力讀書, 希望可以考得好啲, 係為左可以同你一班, 但係而家, 我覺得如果我真係可以入到2A, 可能會仲難受..... 

    ◎ 曾為你努力過, 但又得到過什麼.... ◎

我對你嘅感情並唔係一時三刻, 我做咁多野, 都係因為你.....  我本熊熊嘅簿仔, 都就黎寫完啦, 之前曾經鼓起勇氣俾你睇過, 以為你會明白, 但係我諗而家即使我俾你睇, 我都唔會care 我一切為你做嘅野....  有人話你係中2 我, 只係無同我講, 其實我真係唔信.... 什至唔會覺得我地係識嫁, 因為我地真的如同陌生人.....

◎ 如果你還愛我, 你不會對我如此的冷漠 ◎

我仲要記得, 你之前係點同我, 雖然同而家嘅態度相差好, 而你曾經同我講過叫我無識過你, 我唔知你係唔係講笑, 但係我都唔會放棄你, 雖然每晚只能為你而喊......  其實我只想同你做返好朋友.....

◎ 雖然你變了, 但我都不能當沒有認識過你 ◎

我覺得今日係我地1A 開學以黎, 最有team spirit 嘅一日, 個個都會做野, 不論男女, 真係好難得呀!! >3<  終於, 我地啲窗貼哂啦, 真係好靚呀!!  之後, 我地仲佈置埋個門口, 有個「 阿狗吊頸記 」, 哈哈~~  我地仲整埋個大箭嘴!!  跟著, 到食飯之前, 我地同Reb 影相, 因為佢今日係THE LAST DAY OF F.1 係ST.Mark's la, BYE Rebecca~~  THen 出左去同尹0, 阿CAL, VICKI, KATHY 食m 記, 係m 記到見到超多基灣, 仲見到阿CAL 個表妹; 食完野, 我地就去左文具鋪買野, 不過買左好耐, 而且啲絲帶超貴, $40 卷.....  返到學校, 我同尹0就佈置課室, 我地張啲絲帶吊係課室上便, 都幾靚呀!!  跟著Apple係到訓覺, VICKI 佢地就係到男女大戰, 跟著我地係4 點就走左啦!! 返到屋企之後, 隻腳超痛!! T_T