| «‹ July 2025 ›» | | S | M | T | W | T | F | S | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | 30 | 31 | |
|
2006 年 5 月 7 日 星期日  |
| 去左Bryan 屋企做R.E. |
分類: 未分類 |
| 今日起左身之後好無聊, 跟著狗狗打電話俾我, 叫我12 點1 係seven 到等佢, 之後未到12 點, 就去左seven 到增值, 結果佢遲左兩分鍾, 跟著佢俾左本Yes 我睇, 好快就去左杏花村, 過左幾分鍾, Bryan 就黎到啦, 之後食粉, John & 名Cal, 都黎左啦!!! 跟著我地去左佢屋企, 過左多耐都唔係掛戲, 到左唔知幾多點, 我地就想落去食野, 點知諗左半個鍾都唔知想食咩, 差啲要買公仔noodles 返去Bryan 屋企煮黎食, 最後我地買左啲KFC 上去食, 我地一路食, 一路睇氣, 之後Antony 都黎左, 我地就排戲, 到左4 點我地就係到玩啦!!
|
| 2006 年 5 月 6 日 星期六 |
| 好唔鍾意阮姑娘 |
分類: 未分類 |
今日8 點半就起左身, 之後過左好耐都好無聊, 都唔知有咩可以做...... 到左下午就食飯, 之後就去左學琴, 唔知點解今日Miss 鄭唔係咁開心, 成堂都唔出聲, 仲係到話我, 無奈..... 佢好似無試過咁樣嫁!!!! 之後, 就同左阿媽去大家樂食野, 仲見啲F.2 係到做義工. 之後又去學Oral, 唔知 點解我老師好似唔係好鍾意我, 成日都唔問我問題....... 學完之後, 我想走啦, 點知阮姑娘話要我地彈考試歌, 話當佢係老師, 你配咩??? 成日講埋啲廢話, 你講廣東話都未講正, 你係到話我, 你無病呀??? 我知我係彈得唔係咁好, 但係你唁講埋啲廢話啦, 咩都唔知就係到出聲, 無病呀??? 仲話下個星期問我地Scale, 明知我最屎咩樣, 你又問呢樣........
 |
| 2006 年 5 月 5 日 星期五 |
| 打返尋日嘅野~~ |
分類: 未分類 |
尋日同左狗狗, shadi, 竺竺, 食粉, Bryan, Antony & John 去左太古城流冰, 最初唔係好識, 不停咁叫, 又成日跌落地下, 慘呀!! 之後, 都ok 左啲~~~不過尋日真係估唔到會見到啲小學同學, 所以好開心呀!!! 見到吳芷穎, 彤彤 etc. 不過佢地........ 而且流冰嘅詳情, 我就唔寫啦, 因為寫唔落手, 如果想知就返佢地啦!!! 跟著我地流到4 點, 就去左食粉樓下打波, 不過都無咩點打, 之後就返屋企啦!!
今日無咩特別, 不過溫左少少Hist., but 都唔係好記得!!! 不過今日同阿哥打左好耐機, 仲睇左Harry Potter 第四集呀!!! |
2006 年 5 月 3 日 星期三  |
| 辯論比賽 |
分類: 未分類 |
今日落雨, 所以係課室週會. 之後, 兩堂英文堂, 都係唔聽書, 寫野!!! 之後, R.E. 堂, 差啲要我地做戲, 好彩唔係我地, Recess: skip 之後無Hist. 堂, 係到講禽流感, 仲俾首歌我地聽, 係我不想說我是雞: http://www.hkbirdflu.com/sadchick.htm 如果想去聽就聽啦!!! 之後, Maths: 做野( WS ) 中文: 辯論比賽, 我做主持( 都幾驚 ) 結果, 我地個班輸左, 仲要差百幾分呀!!! 最佳辯論員仲要唔係我地個班, 真係慘!!! 之後, P.E. 堂, 跳繩, 好慘呀!!! 明知我最屎就係呢樣, 仲要跳繩, 唉~~~
P.S. 聽日唔洗返學呀!! |
| 2006 年 5 月 2 日 星期二 |
| 派完卷啦!!! |
分類: 未分類 |
| 今日一早就要做時事論壇, 但係我覺得做得好差囉!!! 陳老師好似唔知點咁, 唉~~ 我真係做得好差呀!!! 之後, 就MAths 堂, Ms Lou 派卷, 我有29 分呀( 35 分full marks ). 都係錯左兩條, 唉~~~ 之後小息, 本來要見Ms Fong, 點知佢又無黎 英文堂派卷: 好差, 唔好提啦!!! 睇「氣」: 好好笑 lunchtime: 好慘呀!!! I.S.: 差啲訓著左 R.E. 派卷27/40 好差呀!!! Maths: 做數 |
« | 60 | 61 | 62 | 63 | 64 | 65 | 66 | 67 | 68 | 69 | ... | 75 | »
|
