呼...放左假好耐
放到連目標,方向都冇埋
只係日日睇動漫同打機
連街都唔想出
越黎越自閉、越黎越唔識同人溝通
可能以前好熟GE人都變左唔熟，
以前GE我去左邊??我唔知。

有邊個可以黎關心下我呢?
唔係我唔想同人講野，而係我唔知同人有咩講
我好想講，但我冇話題同人講
不論係現實世界定ONLINE GAME的世界，
我想好想好好咁融入去，但我做唔到。
有咩方法可以比我走入呢兩個世界，
同大家有講有笑，做同伴??
我好想知

成日話我好打機，好睇漫畫，所以搞到咁自閉
但我唔做呢D有咩做呢??
你地有你地GE情人日日同你發呆，但我只係一個無人要GE干物女，拍拖?我冇諗過。
唔比人笑唔比人講是非已經要感恩。
你地有錢去你地GE旅行，但我只係一個死窮鬼，坐飛機?我發夢就坐過。
你地有你GE暑期工，但我搵極都搵唔到，賺錢攞經驗?冇可能。
你地叫我去學野，學野要錢架，唔通我又去問阿媽攞牙?出街都要諗下先啦，仲話學野。

點解你地淨係話我自閉係因為我先自己攞黎??
你地有你地開心，但我呢??
我永遠都係響角落頭到呆!!
同你地講咁多心事都係咁
以前都話好D，但呢個假期呢?
比我講中左，一放假個個都係去拍拖去玩
得返我一個人
我可以做GE都做左，可以講GE野都盡力講
咁點呀!!咪又係我一個!!

我為左呢樣野煩左好耐頹左好耐，足足成個假期!!
祈禱都祈左好多次
結果都係一樣
我好痛苦啊
有邊個黎救我啊
求求你地搵人拉我出黎，我唔想再困響到!
好痛苦啊

「當我走出這痛苦的世界時，我想那早已乾涸的心靈一定會再次流下幸福的眼淚。
    沒錯，那是完美的結局；亦是美好的開始。」TSUBAME AKIHIKO