今日又要返工啦

最初唔係好情願
一諗有無盡嘅關要報
就好唔想返
因為我唔報一陣時真係完全冇人報
一唔過期就唔會有人幫手報
真係令人好火大

一陣時我會唔明
點解我做野人地又係做野
點解我做到人地又做唔到
我唔信自己有特別嘅恩賜去幫我做野
唯一諗到嘅可能性係啲人唔盡力
對我黎講
唔盡力做野
返工黎做乜？
公司請你返黎HEA架？

結果今日都係返左工
好唔情願咁返
一路坐車
我一路祈禱
神啊比我快啲收工啦
我好想唔撈啊

成日都叫唔撈
結果我都係繼續撈
即使工作好辛苦
我都係繼續做落去
首先，我唔知辭職嘅程序
但最重要嘅係
我好想賺錢
畢竟係大專生
唔通仲問屋企拎錢？
更何況
啲筆錢真係可以幫到我屋企好多
邊度可以揾到份工係人工高，返工時間夠彈性呢？
走左就冇架啦喎

我繼續祈禱
神啊你比我繼續努力做啦
我唔想做得咁唔開心
你比多啲力量我啦

返到公司
WORKING START

首先，我做嘅係櫃料野
我心諗：咁咪清唔切關?!
但都係繼續做
然後，我去入INVOICE
我再諗：今日好多關要清啊
但都係入完左

之後，我終於可以報關啦
睇一睇
發覺今日好多散貨
心諗大件事啦
因為散貨係要計好耐數
我最憎就係報散貨

但神奇嘅係
我今日唔抗拒報散貨
越報越多
越報越快
完全唔覺得煩
完全唔覺得悶

到今日收工
我計好黎緊兩日嘅關
淨低嘅三份交比同事就OK
下次返工唔洗清返過左期嘅關

而家睇返
神今日真係加左好多力量比我
我響食早餐同午餐時都同神講
希望食完嘅野食可以化成我嘅ENERGY
等我今日好好咁工作
神就響其中作工
完全想像唔到今日會清到啲關
但神卻係幫我成就左

我要多啲倚靠神！
我唔會再亂咁叫唔撈
我要繼續努力工作
我要繼續努力過我嘅人生
神比我嘅人生各個安排一定有佢嘅旨意
我慢慢慢慢逐步跟住行
一定會睇到最美好嘅ENDING

その花を咲かせることだけに、一生懸命になればいい！