ER...這篇的內容係我對AL人生嘅一啲感想
以及AL人生結束後嘅一啲妄想。
啊啊，原來我已經捱左咁耐- -
我都估唔到自己咁厲害
可能你會話：「CHU，係人都咁揾架啦，得你咁咩，冷勁咁」
但你要明白，我這個人看上就已經唔係太勤力
F6又hea hea下咁
但係暑假嘅時候我唔知發咩神經
又或者係有一種神秘力量
令到我突然好有衝勁讀書，跟住就日日去圖書館度呃冷氣同電然後温書，朝九晚七
我身邊嘅人，include我屋企同朋友，都嚇到呆左
我諗大家都響度諗緊：「條廢柴發生咩事啊，突然咁搏命讀嘅，肯定痴左啦」
大家好似都對我另眼相看- -
老實講，我都唔知自己發生咩事架
我諗係神加力比我掛。
感謝神。
當然仲有好多野要感恩
好似去到最後呢三個月，我真係越温越頽
奇蹟地，我同SMAP相遇啦。
SMAP嘅好多歌都好鼓勵到我
特別係《世界に一つだけの花》《がんばりましよう》
令我明白到只要盡力做好自己就得，唔需要同人比較
令我明白到無論任何時候都努力就OK
當然仲有其他歌都好正
例如《Dear WOMAN》《らいおんハート》《White Message》《どうか届きますように》等等等等
一陣時聽都覺得好開心- w-
仲有SMAP×SMAP真係好好睇XD
一陣時温得辛苦可以睇黎輕鬆一下
跟住發夢又見到佢地∼
我記得有次試過連續三四日都夢見木村，真係好開心∼
多謝吾郎醬、剛PON、慎吾、木村同中居。
更加感謝神。
第二樣就當然係我身邊有好多小天使啦
當我在Facebook叫救命，說自己跌落地獄時
總會有好多人比我支持同鼓勵
俺、俺好感動啊∼
令我覺得有同伴真好。
第三就當然係神自己直接帶住我過啦
暑假時，佢給我engine
令我的腳自己走去圖書館
開學了，佢繼續在推我去圖書館
去到十一月，我開始頽
佢就令我發生一啲事，將心中的壓力都釋放出黎
等我有動力再去温書
[我仲好記得，因為係我阿公走左一個禮拜之後嘅事]
[亦係我人生入面第一次對住老師爆佢SEED]
到聖誕，神又帶了レイ君回來陪我玩了好多天，輕鬆了一下
到MOCK，神令我跌到，令我知道自己好糟糕，又透過SMAP鼓勵了我
到來真的了，神用祂的手撘著我的肩膀，令我考試時覺得好安心，毫無驚慌。
神真的是聽禱告的神，
祂不會站在遠遠，或是坐在天上只看著你而不幫你
神真的會站在你的身邊陪著你、支持你。
仲有15日我就自由啦...[茶]
記得考CE時又係話自由解放Far-Away
而家又講多一次= =
其實由D.Gray Man開始播起每逄考完試我都會話自由解放Far-Away
[係佢OP嘅某一句- -]
啊啊，最後一科係CA
十一點半考完我要去做嘅第一樣野係
借漫畫。
冇錯！就好似考完CE時咁
一考完即刻走去星河借幾十本漫畫
背囊有一堆、左手有一堆、右手又有另一堆
呀∼好有電車嘅感覺！
而且今次仲要係去鄉議局度考，超近！
唔洗好似CE時去三育度考，考完即刻行返出去
可以嘅話，我仲想走去唱K添！
大半年冇唱過K啦...
今次我要去唱哂所有SMAP嘅歌！
至少要唱《らいおんハート》同《世界に一つだけの花》
要一邊做動作一邊唱！
[拿著MIC]そうさ、僕らは∼[伸手]世界に一つだけの花∼[舉起食指]ひとりひとり違う種を持つ∼
呀∼諗起就覺得好開心∼
如果唔係去唱K，我就會出去荃灣度打機∼
啊，對上一次玩係兩個月前嘅事LU...
好想打Jubeat∼
今次我一定要打A Perfect Sky打到Full Combo之餘
仲要有一百萬分
上到官網個Ranking∼
之後仲要玩初音未來部呃錢機
我要對抗美男KAITO嘅誘惑
打完カンタレラ∼
跟住返到屋企我要開始睇我啲漫畫∼
攤響張床度∼Notebook放書枱∼NDS放枕頭邊∼
鐘意就睇漫畫，鐘意就睇動畫，鐘意就打機∼
呀，ACG都齊哂∼好宅啊∼
我好鐘意呢種感覺同生活∼
自由嘅第一日結束∼我就會好開心咁入睡
到夢中與玉木宏或木村拓哉相遇= ///=[怎麼都是大叔
依呀∼真係好開心。
過多幾日，我要出去信和掃貨∼[跳跳]
我要買嘅野有好多∼
請看下面↓
1.OnePiece GREEN
2.無頭騎士小說全套
3.心靈偵探八雲漫畫
4.百姓貴族
5.翼Guidebook
6.笨蛋測驗召喚獸小說
之類之類的...
財力不足的話就到下一次去時再買過
之後睇下有冇工岩我做
冇工就走去學日文∼
踏上我嘅日本人生。
仲會去做下運動咁
同阿鄔去踩單車∼
同皮皮去打羽毛波∼
得閒開下演唱會
6月有Grad-din...
ER...又要諗下買咩衫- -
之後放榜
我諗都唔好得去邊
7月...我諗我知自己咩事
一定會好頽
所以去睇下玉木宏∼
佢又黎香港開演唱會啦∼
希望今次又有得同佢握手！
上次太緊張- -自己都唔知自己講咩
搞到佢以為我聽唔明佢講ありがとう，之後要加多一句3Q= =ORZ
我今次一定要同佢講到野！
「玉木さん、お疲れ様でした！今回のライブは本当に最高です！また香港に遊びでください！」
希望見完佢我會開心啲啦...
如果SMAP、真綾或者MAMO是但一個or一團都黎香港
我真係會開心死
吶，到現在我都未睇清我嘅未來係點樣...
係入左大學？定係repeat？定係哩響屋企度做廢柴？
我真係唔知- -我嘅未來...而家比一片霧遮住
都仲係未睇到...
但係，我相信神一定會開一條岩我行嘅路比我。
佢一定會帶領我。
我而家要做嘅就係極限地温埋Chem同CA
之後可以好好實現我嘅妄想啦∼[奸笑
雖然真係好辛苦
不過學中居話齋：「神係唔會比我地一啲無法戰勝嘅困難，所以我地一定能夠克服困難」
所以，我而家又將個頭轉返向書枱果邊
繼續温Chem
享受呢個漫長嘅夜晚。
各位，おやすみ。
| 
