喂喂5C的大家過黎睇下啦= //// =[被巴
琴日係5C Gathering...
真係好開心好難忘呀!!
最初籌辦時我以為得好少人會去
因為去CAFE大家可能會覺得貴
結果有25個人黎左，我真係好開心
真係多謝大家肯黎聚聚舊［鞠躬

我發夢都見到去CAFE嘅情境
琴日我諗住9點起身M去記温書温到咁上下就去等大家
結果我12點先起身
都諗住做下功課GE
但係我就不斷咁期待住見到大家
就只係做左少少READING- -

等等等等....
終於到兩點九啦!!
我就出門口
越行近火車站
我GE心情就越黎越興奮
坐火車到大埔墟時
我一邊諗大家係咪已經到左呢??
結果係...得焜.DUMMY同冠延到左- -
焜問我：早乜唔約早D呀?
我先醒起...5C人GE特徵係一定會遲到=      廿=
之後等等等...等三點五，終於人齊可以上車啦

出到MK，我地仲要行一陣先到CAFE
好彩之前老豆帶過我行去
如果唔係就大件事啦
我地其實係就咁一直向前行就到左啦
去到樓下，班男仔問我：你帶我地去邊呀？
我就O左咀冇野好講- -

上到去CAFE，大家就響到玩啦
「有的人在玩遊戲機，有的人在玩紙牌，有的人在玩猜猜畫畫，真是很開心啊！」
我去左玩PICTIONARY
我同BACKEY真係好夾XD
最後比我地羸左[V手勢

跟住去左食野
好似唔係好夠食...對唔住大家[鞠躬
但D野都幾好食=    w=
又有任飲WOR
D野都幾好飲

然後去左睇D男仔打Wii Sports-Boxing
XD梁聖打到好似揮沙鎚咁
笑死我啦
之後變左做集體玩PIC-ACTIONARY
都有成20個人玩
唉...最後比林亮佢地羸左-        3-哼

我地加左一個鐘
跟住玩Wii Sports-Boxing
我極限地出拳
都係唔夠文鎮濠打-          3-哼之後就響到玩UNO
有我.黃駿燊.梁聖.彭彭.MAY.林亮.BECOZ
真係好正XD

夾錢GE時候
我好白痴咁唔見左自己果100蚊
大家好好咁幫我揾
結果揾唔到
跟住MAY話：每人夾返5蚊比你啦
我話：唔係幾好GE...
之後大家真係夾左100蚊比我
我係咁同大家講：唔好意思呀...要你地夾返比我..
佢地話：唉，5蚊姐!!況且你又成日幫我地搞活動!!
我攞住果100蚊響手
好重...唔止因為好多5蚊銀
而係大家對我GE心意亦都好多好重[雖然黃駿燊奸笑住話佢冇夾
有一刻我好想喊出黎

跟住我地去食飯
哈哈小紅都黎左，我好開心呀
我同林亮SHARE野食
我地夾埋食左21蚊咋∼又夠飽=     w=
跟住返大埔
我同焜.BACKEY等人去左新達M記吹水吹到12點

返到屋企
我打開江終於比返我GE紀念冊
本野比佢隻狗食過黎- -個簿皮有幾個窿
個餡...黃駿燊果頁重傷- -差D連佢張身份證相都比狗仔食埋- -入面有幾隻字比人河蟹左
BACKEY果頁都比人食左少少..好彩果度冇寫字[呼

我逐一睇哂大家寫左GE野
睇到腐女果篇
我喊左出黎
因為我諗起好多以前GE野
由初中GE事...到高中GE點點滴滴
全部響腦海湧現出黎
我有一種感覺--我好掛住以前4C5C嘅生活
好掛住大家
跟住我祈禱：神啊我好掛住大家啊
好掛住以前一齊GE日子啊...
可唔可以今晚發夢時比我見到同大家一齊上堂GE情境
比我回味一下
結果我琴晚發左個唔係好關事GE夢
但總有一日我會夢見到掛

有D人都寫左我成日都幫手搞活動
其實點解我成日都搞活動呢??
因為我好鐘意呢一班呀
我想得閒就見下大家
一齊聚下舊
即使要我打多幾次電話
SD多幾次MAIL
有乜所謂呀
我希望我地GE友誼能夠KEEP落去
我希望就算我地大個左都能夠得閒就聚埋一齊

所以
可以GE話
大家就黎GATHERING啦!!
下次見面應該就係7月啦
7月見完可能就到AL之後啦...

大家呢段時候
要續繼續努力讀書呀
我會為大家祈禱!!
最後又送ANGELA AKI隻《書信∼給十五歲的你∼》GE歌詞比大家
ああ 負けないで 泣かないで
啊  不要放棄 不要流淚
消えてしまいそうな時は
彷彿下一秒就要消失之時
自分の声を信じ歩けばいいの
只要相信自己的聲音昂首闊步向前走就好
いつの時代も悲しみを
不論何時面對悲傷
避けては通れないけれど
只會逃避的話是行不通的
笑顔を見せて 今を生きていこう
展露笑容 努力活下去吧
今を生きていこう
努力活下去吧

阿翁