唉,

第一日正式上堂,超唔想同其他新入c班既人同班lor~

入到課室,覺得好唔自在

又聽唔到旺才同ming好嘈既聲(以前可能會覺得煩,不過依家覺得怪怪地)

我覺得呢個根本就唔係c班擁有既課室,

而係1個copy c班既陷阱,copy係有破綻

我地既c班d人個樣唔係咁,個心都唔係咁,唔係30女10男,更加唔會有人留過班

上堂既氣氛好似唔錯,唔知係咪關d老師事,

我覺得2c既人會做得更好,更留心

太好啦,

係小息既時候,好多2c既人都走黎c班玩,傾計

大家都放棄自己只有少少既休息時間,真係好難得

c班果然係好唔同呀,

唔知大家既關係可唔可以維持得長久呢??

只要係2c,

相信,一定可以既

今日,我要做一首新詩....

<<唔要呀>>         可樂

唔要呀!唔要呀!

唔要30號呀!!

我要31號呀!!

唔要呀!唔要呀!

唔要呀!唔要呀!

唔要3c呀!!

我要2c呀!!

唔要呀!唔要呀!

唔要呀!唔要呀!

唔要分班呀!!

我要同班呀!!

唔要呀!唔要呀!

完了....

呢首詩太好啦!!

又押韻,又有pattern,又貼題

又合時,又有文采,又有娛樂...

多謝大家支持!!多謝!!

多謝大家支持!!多謝!!

唔通大家既友誼一直都係得咁多??

大家既緣份都咁多

命運既安排

令每個人都傷心

原來2c班...

係一d都唔團結,一路都想分開

我一直都覺得

2c係最特別

唔係因為比其他班多女仔

而係因為2c班既大家都好團結

所以先至咁鍾意2c

原來

呢d所有都係假既

個個都講緊大話

我唔明...

我唔明點解男既又唔識做,女既又唔識諗

我唔明點解d男仔大家話係fd,但係就係到吃醋,一d都唔大方

我唔明點解d男仔知道人地心裡不和,但係仲要爆出黎,有好多野都可以處理得更好,一d都唔識做人

我唔明點解d男仔明明平時打機,賣模型,但係無啦啦人地憎個個人,你又跟住憎(令我覺得你其實一早已經心裡憎佢)

我唔明點解咁多女仔明明可以好玩得,但係又可以好容易憎恨人,好奇怪

我唔明點解d女仔明明有d事唔關你事,但係唔知係咪好似好熱鬧,又要夾埋去憎恨一d人,唔係一個人,係一d人,要去憎一個人係好辛苦,要去憎自己既朋友更加辛苦

以上所有野其實可以做得更好,不過唔緊要,人會長大,

經歷得多,學得更多

其實我唔明咁多野,唔係因為事件太覆雜,係因為

我根本唔了解2c既所有野,所有人

對唔住2c

更加對唔住2c既朋友

身為2c班既人,所有2c發生既事,一定要知,一定係關自己事

但係我一d都唔知,一d都唔了解

雖然過左8月31日之後,都未必仲係c班

不過係8月31日之前,我地都仲係2c班既人

係2c發生既事,一定關既2c所有人事,就算唔鍾意2c,呢d事都係你既事

今日,姨媽約左我出去沙田睇戲

大家估下我地睇咩

"大內密探靈靈狗"

好好笑,不過永遠都冇可能超越星爺,"星爺永遠是最好的"

之後去食野,

食完野.....

一邊行,一邊傾

姨媽同我講上星期日係公公到發生既大事

公公,細姨媽,姨丈同二舅父一齊打麻雀

得姨媽一個斟茶遞水

之後打打下,姨丈就講下笑,又講下歷史咁,

姨丈不嬲都係咁既

突然無啦啦扯火,之後又話姨丈打牌就唔好講咁多野,

之後又話細姨媽唔好聽姨丈發噏風,唔應佢就唔講

之後又講晒粗口

最後仲打打下牌走人,連飯都唔食

姨媽話佢自己番到屋企之後,姨丈又訓左覺,

姨媽自己係廳,d眼淚都忍唔住,喊左出黎,

佢諗起自己你兩,三年前日日都出入醫院

照顧婆婆,又煲湯,日日都去兩次

因為姨媽知道自己唔做,就係公公做,

所以佢不斷支持住

但係大家有冇諗過,我公公唔係得佢一個女

仲有其他架,

有三個仔,三個女

個陣時,我媽咪同細姨媽要番工,要養家,咁就冇計姐,

仲有細舅父要成日番大陸工作,

但係點解大舅父同二舅父個老婆唔洗番工,咁得閒,

都冇黎過去幫下我姨媽手,唔幫下手煲湯...

我姨媽從來冇怨過

但係二舅父有咩資格話人地,鬧人地??

係佢地細個緊時,

二舅父係婆婆出左街打麻雀之後,

就叫姨媽,細姨媽,媽咪同細舅父過來打

又用簡尺剁手背，又用筷子夾手指

日日都係咁,如果佢地喊,仲要打更加多

所以我媽咪次次都唔喊,等婆婆番到黎先喊,

咁婆婆就會知道佢地比二舅父打,

但係婆婆鬧完之後,第二日都會打,或者打得更重,

由細細個打到二舅父出黎做野,佢地先有好日子過

點解呢個人可以一d親情都冇架

我唔係詛咒你,但係你點對人,人地就會點對你

離自己知道大家分開既時刻仲有大概十日

有人一直都好想快d分班,話咁少男仔好悶,冇野玩

但係有好多好朋友都唔想分開,你冇朋友更係咁講啦,加上成日上堂"溝仔",你冇朋友唔係因為我地唔同你玩,而係你知道人地批評,但係冇任何改變

我地依家既2c班9男31女,少你一個影響唔大,最多咪全班人數39人,有d人既號數前一個...

我好想我地可以原班上f.3,但已經係冇可能

唔緊要啦~

大家都係重要既朋友

希望大家都可以努力,加油

祝福大家                2c班既所有人(所有教我地既老師,同埋我唔係好鐘意既人)