好耐無係星期六出街喇!!~

今日出左帝堡城打波!!

遲左出門口..搞到11:40先到第一城~~

珊,淇,旋,朱,詠成班人走左lu~

自己去囉..搭的士..無!!

去第一城搭巴士!!可憐的我12:20先到~

一去到就買左杯野飲..坐下!!

無幾耐就開始打...唔可以話真係打既...

朱朱話教我打波wo~~好啊!

我唔識開波..開得好但係方法錯!!今日學識左!!

又教我打高波..一向都識啦!!

我同淇淇打...大家都剛剛分別俾朱同珊教完!!好好切磋下..

跟住玩雙打..珊同淇對我同朱!!~我比淇淇好..但係珊比朱朱好!!所以好平均

跟住羅羅同cindy姐都落場喇!~

3打3...我同朱同cindy姐一組~~其他3個一組啦!!

我同朱都打得好好啊....奈何cindy姐打左咁耐一球都唔中!!

有時佢阻住左佢打..打唔中!!~

我地打番...佢又唔走~~驚打到佢..又無打!!

最終我地組輸左..要請飲野!!

打完波就散band喇!!我同cindy姐搭巴士去沙田!!

等車等左超砭..等到cindy姐發脾氣..

跟住我搭車番粉嶺..食左個多士~

都未夠鐘番屋企...無無聊聊買左對耳環~$45~過得去既...

番到屋企沖涼...出哂汗!!

無野做...又係度睇劇喇!!~

睇到6點熄機去練琴~~

跟住啊爸番嚟.......

又無野做...去左練單簧管!~

啊爸入左嚟房聽我吹...3番4請叫佢出去!!

跟住開電腦打blog..之後既野呢??唔知啊!!

bye for now!!