今日係戶外學習日~番9點..遲左成個鐘起身~

7點半出門口去火車站食早餐~~

跟住去大埔搵朱朱..

我地今日無搭馬鐵~無聊到係火炭轉小巴~~

好快就有車..快過搭馬鐵好多啊!!下次就快遲到可以一試><

去左第一城搵淇淇..點知佢走左,咁我地就番學校~

番到學校上到課室又見到親愛既miss or係度講緊野~

聽到我掛住同fiona同winty談天~~

終於上車喇...都係喺度玩啫~~

到左第一個地點---koon wah building~

好舊..無奈的我要做record sheet~好悶啊...

不過總比係課室聽書好!!

有野唔明去問miss or~點知問完俾佢拍我,超痛~

你知唔知你好大力啊!!我有feel,會痛嫁...

去第二個地點---lion pavailion~

係山上面嫁...見到超多high income 既屋..好靚啊!!唔知我大個有冇機會住呢??

落車喇...好凍啊~~行到埋去..個view好靚啊!!好鍾意~~

最衰部相機壞左啦!!唔係實影到痴線..有冇人影左可以sd俾我呢??

逗留左好耐..走lu~唔捨得個view~~未上過去..覺得自己好似"大鄉里出城"咁>_____<"

跟住去左幾個景點..冇咩野好講啦!!

最後一站係晴碧花園~我問人有冇roof garden~

林啟彥話有..而morris就話冇~兩個拗左好耐...

無幾耐,林啟彥話:我用我既人格擔保!!

我話:你既人格信唔過bo....(大家都無言...)

番到課室先發覺...5張record sheet我都做哂~~其他人有其他野做~

睇番自己d notes..第一個站個d好整齊~一路差..去左最後一站已經唔知自己寫左d咩喇!!

上到去又分組...傾傾傾~填顏色填到手軟!!

跟住之之又話搞班會d野~搞到12點半先走得!!

原來番去同媽食飯ma...點知佢話出左荃彎..

當我應承左同winty食..佢又話佢走得!!無奈...

最後同左winty食..之後同媽媽去買野今晚打邊爐!!

番到屋企已經係三點半喇!!

同啊媽一齊整番好部電腦~就開始整理資料!!

將record sheet 全部入電腦~整哂表...

整左好耐...好麻煩啊!!好小時間!!星期二就要用~

打邊爐...好味~但係食左唔算好多野..

好喇..俾人鬧喇!!走lu..bye!