尋晚太攰…本黎九點幾果時諗住訓一陣再起身做功課架嘛…點知就一訓訓到大天光…
今朝先起身囉!
尋日係小學既ｏpen ｄay 呀!!! 我緊係有番去幫手啦＃不過開頭番到去都幾無奈加幾無聊架！
因為冇乜特別野做囉！
＜－－又係有個牌牌俾我地戴…不過條帶好短呀！
今次個牌仲係埋我個名同埋讀邊間學校架！
基本上我覺得個牌整左唔會晒…因為學校叫我幫手我通常唔會唔幫＃
（（－－睇番個壁報仲係覺得唔多滿意，
不過算啦＊
尋日番到去幾多表演睇囉！好多唔同既舞，唉…依家讀既中學真係連小學都不如囉！
俾多次我揀既話…我想遲十年先出世囉！哈哈…遲十年出世，下年就讀小一！
雖然尋日有ｄ雨，但係都好多人去呀！不過ｂｕｂｕ佢地話覺得上年好似熱鬧ｄ…
我上年係企係門口講歡迎光臨，之後帶ｄ家長去參觀架…上年好玩ｄ囉！
今年無聊左陣…（其實都個幾兩個鐘）曾老師叫我地幫手做意見調查＃
唔知點解我咁唔好彩…次次搵果ｄ唔係俾佢ｒｅｊｅｃｔ就係岩岩黎＝．＝”
當然都問到好多個啦！不過做左大約淨低８份意見調查之後我就放棄喇…
超攰…企左極耐…
個表演有一ｐａｒｔ係兩個小朋友係度玩自由搏擊架！兩個小不點係度打…
呵呵…極搞笑…好得意囉！
我差ｄ就想錄低架喇…可惜呢…我想錄果時佢地已經打完ｌｕ／／無奈＼＼
冇乜舊生番去…ｄ人好冇良心囉！
淨係見到蕾蕾同少玲咋！蕾蕾真係愈黎愈靚女＃
冼嘉雯都有番去…不過．．真係冇眼睇佢（（
變到成個飛女咁…仲夠膽死番去架囉！神奇得佢丫＊
阿斯話之前見過佢係富康度食煙…唉，世風日下，道德倫亡呀！
娟娟唔舒服都照番去幫手…抵讚呀！
尋日終於見到阿珊喇！仲見到ｅｄｗｉｎ ｔｉｍ＊
真係好耐冇見！
不過尋日豬，花，ｍｉｌ都冇番去…有ｄ失望•﹏•”
尋日六點幾同阿斯一齊閃人…佢去左ｏｋ買左隻豆腐雪糕黎食，我食左啖…
其實叫大豆雪糕會好ｄ！ｆｅｅｌ唔到似豆腐，淨係覺得好大陣大豆味！
尋日大概就係咁…講番今日先啦！
尋晚約左ｂｕｂｕ九點係油糖等，點知我去到唔見佢打俾佢佢話尋晚ｓｄ左ｍｅｓｓａｇｅ左我叫我今朝１０點等．．
－－”ｗｈｙ咁神奇架？我收唔到佢個ｍｅｓｓａｇｅ囉！ 唔知係乜野問題喇（（ 電話公司問題！
之後有少少唔好意思…因為原來佢阿哥仲訓緊，佢媽咪仲係屋企囉！
佢媽咪幾好人…同埋好客氣囉！
多得ｂｕｂｕ媽咪我先搞得掂頂帽咋！如果唔係我都唔知點算洛！
ｂｕｂｕ話如果件衫俾佢著出街，佢會肯＃
番到屋企俾媽咪睇…佢問我做乜唔一早買ｄ布番黎，整件衫，交完功課又著得出街＝＝”
今朝出去果時冇落雨，不過我都帶埋遮，點知走果時超大雨喎！
走果時我拎鞋黎著，一拎起對鞋，見到隻龜…我本黎以為係假架…
就問ｂｕｂｕ果隻係乜黎，點知原來隻龜係真架喎。＿＿。”
佢真係歡迎我架姐！
不過隻龜仔幾可愛幾得意＃
但．．點知佢可以由廁所爬咁遠爬出黎既？仲有另一隻龜又係爬左出黎…
ｂｕｂｕ同佢阿哥搵左陣先搵番佢／／
其實屋企養番ｄ好似魚仔，龜仔呢ｄ小動物加番ｄ生氣都唔錯！
不過．．我屋企似乎冇人咁得閒去理ｄ小動作””
ｂｕｂｕ好似好鍾意ＤＩＹ…佢整左好多野，衫啦、手鏈啦、戒指啦！全部都幾靚ｔｉｍ喎…
好羨慕佢有閑情去整，我冇乜咁既心機去整…
不過佢話見到隻＄３５既戒指，佢自己整出黎成本平極多＊
暑假我有咁得閒既話…研究下ＤＩＹ啦！
之後閃左去東港城買野…
買左盒Penel 15色既 Pｏｓｔｅｒ ｃｏｌｏｒｓ同埋一ｄ螢光poster colors囉＃
仲有枝鉛芯筆同埋大口仔筆筒＃
用左ｄ書券去買…所以我先咁捨得一次過買晒咋！
哈… 一次過買晒真係好爽囉！
差一盒５０色粉彩未買，不過５０色都係三十幾，自己捨得俾錢買囉！
之後去買埋ｈｅａｄｓｅｔ…
我要買既野都買晒ｌｕ！ｙｅａｈ！爽＃
番到屋企之後食完野就一邊睇電視一邊做功課．．
速度好慢…不過唔緊，ｖａ後日先有… 今日畫住一半先，聽日畫埋另一半！
仲有兩個星期就考試…要快ｄ溫書喇！
加油！
