差少少破到紀錄喇…可惜....最後果堂都係頂唔順…小睡左片刻囉＃
聽日我要破紀錄呀！！！
今日ｈｉｓｔｏｒｙ要ｄｉｃｔａｔｉｏｎ…個個都係咁狂溫，
我上ｐｈｙ果時都係度溫…唔溫我訓著都似＝，＝”
今堂講ｄ野都幾廢下．．阿ｓｉｒ竟然會話「呢ｄ野你地唔明唔緊要，最緊要記得」
ｏ咀ｉｎｇ…唔明如何記？記得唔明又有何用？
算…呢個「高馬」永遠都係咁ｋａｉ架啦！
好似好快咁挨過左兩堂…可能因為我係度溫書既關係＃
ｈｉｓｔｏｒｙ堂…ｄｉｃｔａｔｉｏｎ左成堂…佢又用左ｄ時間去話人…邊鬼個出貓咁勁？！
就咁又冇左一堂…星期一ｌｕｎｃｈ要補課•﹏•”教唔教得晒書架？好淆囉！
之後小息…ｈｅａ左陣，又上堂喇！基本上唔係上堂囉！去左ｍｍｌｃ做ｔｅｓｔ…
ｍｙ ｇｏｄｎｅｓｓ…個ｌｉｓｔｅｎｉｎｇ我聽到佢講乜架…但係用電腦做既關係，打唔切落去囉！
超無奈！
唔答晒ｄ題目又唔得喎…都低能既！今次ｌｉｓｔｅｎｉｎｇ果ｐａｒｔ應該會低分左，
ｒｅａｄｉｎｇ果ｐａｒｔ可能差唔多分數／／
希望唔好差得太遠啦！
成班低ｂ做完ｔｅｓｔ之後上網玩ｇａｍｅ唔肯走，ｔｅｓｔ左成堂半，之後又玩電腦玩到差唔多打鐘先肯番班房…
離譜左少少…番到班房好似打左鐘咁…完全當ｐａｙｔｏｎ冇做，出晒位咁…唔知乜事＝，＝”
ｐａｙｔｏｎ唔鬧人姐…如果係普通老師的話，都唔知會發生乜事喇！
食完ｌｕｎｃｈ又ｈｅａ左陣，之後練音樂考試首歌…唱得麻麻地 ＝．＝
就算好多人讚，自己仍唔滿意，
就算好多人讚，想佢讚我果個人偏偏唔會讚我，得唔到佢既認同，好唔倨！唔好甘心！
努力想証明ｄ野俾人睇…不過，佢好似睇唔到…讚美既說話真係咁難講出口咩？！
算數！
哼…
ｌｕｃｎｈ之後上中文堂，寫每週一文既評語，自己班就係評心心果本，
之後評左兩本其他班既，一本係朱天欣，一本係石家輝既＃
兩個都麻麻地…尤其男的用詞麻麻…
睇人地ｄ文有時會覺得好搞笑…
３ａ班某女仔寫既愛情小說好骨庳，
ｂｅｎ問我：「乜你平時睇果ｄ愛情小說唔係咁架咩？張小嫻果ｄ呢？」
我：「我唔睇張小嫻架！咁無聊！」ｂｅｎ：「你睇亦舒？」我：「我都唔睇亦舒架！仲無聊！」ｂｅｎ：「咁你睇乜架？」
死白痴ｂｅｎ…真係唔同佢計較咁多…
之後我同ｂｅｎ講：「ｄ咁骨庳既野我寫唔落手」俾ｍｓ ｐｏｏｎ聽到…佢係度偷笑－，－
就咁又過左一堂中文堂喇…比較無奈既就係，幫我評果條友太唔認真囉！好似叫乜乜伍仲嫌之類…
ｍｓ ｐｏｏｎ想像力太豐富．．都係令人感到無奈架＃
之後到ｍａｔｈｓ堂…愈黎愈唔想上，太無聊喇！ｐｒｏｖｅ一條數ｐｒｏｖｅ一頁都唔夠，痴乜野線？！
挨過左喇…放學之後，領袖兵團開大食會！
其實主要係嘉許禮，要頒証書俾我地姐（（
黃姑娘想人地自願去送紀念品俾兩位副校，我想送俾李太丫嘛…所以趙ｓｉｒ果時冇話要送…
奈何個個見有人自願，個個都想送咁•﹏•”我係早有預謀，咁ｄ人呢！？不得而知喇…
講真，今年ｊｏｉｎ左領袖兵團真係幾唔錯，尤其係個ｃａｍｐ囉！
最後食埋野先散＃
雖然野食既種類唔算太多…但係都幾好味，食得幾飽！我ｄｉｎｎｅｒ都冇食ｔｉｍ呀！
早知ｌｕｎｃｈ果餐咪鬼食啦…咁難食！
放左之後陪Ａｍｙ搵野，兜左好耐先有得番屋企呀！番到屋企已經係７點半喇，
今日好休閒咁，沖完涼一邊睇電視一邊做中史作業，ｄ咁既日子就黎要離開我喇！
下星期應該要開始溫書喇！唔係既話一定溫唔切ｄ書囉！
唔通由朝溫到晚咁變態咩？！
今日好乖，計左我識計既ｃｗ…但有兩題好煩，唔想計，聽日番去先抄啦！嘿嘿…
進步左架喇我（（
廣播劇個投票已經完左喇，真係多謝所有投過３ｆ班既人仔呀！
ｔｈｘ！！
好想快ｄ知道個結果囉！好緊張呀！
點都要威埋今次啦，係咪先！？
