７月２６日，沒啥特別，早上回校上課，結論是．．
接著餘下的ｅｃｏｎ課不要期望我會有甚麼好表現，
極度不爽那位神奇的ｍｉｓｓ，
她是如何當老師的！？「食屎」、「仆直」、「超」ｅｔｃ．這樣的說話能夠在課堂上出現的嗎？！
為人師表她，說話竟是這般的不文雅，如何能期望自己教出來的學生能夠表現良好呢！？
學校到底是以甚麼準則去僱用老師的？或許這個所謂的老師面試時候表現不賴吧！
可惜的是，現在她已經完形畢露了！看．．學校是怎麼搞的？說話這般不檢點的人也能當老師的嗎！？
她自大得很，她以偏概全，她教學方法超遜！
總言而之，我選擇自習經濟，對那所謂的老師沒有丁點兒期望＃
學校的事就只是如此，只是討厭＋不爽某某而已…
下午去了油麻地補習英文，
不太習慣那課室的冷氣＆冷氣發出來的聲音，
其實我不知道自己到底學了甚麼…
只是覺得這樣的教學方式不太適合我，
不喜歡上課時突然有人問我問題，尤其不喜歡老師問我問題！！！
而且，那位老師在課堂開初時定下的ｔａｒｇｅｔ對我沒有太大幫助＃
開學後打算到英皇報名，我比較喜歡英皇的教學方法，
補習的時候每一分每一秒也是金錢，我想要一矢中的的講課，
不喜歡浪費時間！！！！
總覺得在學校上課時間過得很慢，但在補習班即相反，
金錢的問題吧！？
那麼，我下學年是否也會變得學會珍惜上課時間？！
補習班的老師樣子凶凶的，令人生畏，但某某說他其實很溫柔＝ ＝”
原來補習班裡有很多某某的同學，他們似乎一早已經是那位老師的學生＃
眼訓ｔｉｍ… 轉番ｃｈａｎｎｅｌ，打番口語喇！打口語快好多，打完我就即訓喇！
今朝９點幾出左門口直落到夜晚１０點左右先番到屋企（（
早上目的：唱ｋ！！ 去左觀塘ｎｅｗａｙ／／
出席人士：我、心、紅、潔、藍、膠、彭 〕〕
今日每人＄３６．５… 學生証免加一、５位免一位，爽死！
本黎１：４５ｐｍ要ｃｕｔ我地架，不過後尾３點幾先ｃｕｔ我地．．
唱左４個鐘左右！真係抵！！！
心心ｘａｎｇａ都話紅紅把聲有時似阿ｓａ，有時似ｓｔｅｐｈｙ，
真係幾好聽，不過如果唱得再放ｄ則更佳，
心心傻左．．．勁嗌歌（（ 我就冇咁好氣嗌喇，唱ｋ唱少少激既歌夠架喇，
唱ｋ唱得太多激歌會聲沙的！
一向都唔甜架啦，仲沙埋就．．．．唉．．架喇！
比較喜歡唱ｄ舒情慢歌ｏｒ不太激但節奏輕快的歌＃
同彭彭唱ｋ好正，因為佢唔會唱好多我唔識唱既歌．．
一齊唱勁歌金曲好正，輪住黎唱，不過唔知點解次次到我既時候總係一ｄ我麻麻地想唱既歌…
今日同紅紅合唱藍鞋子好像不錯呢！跟彭彭合唱愛一個人也是呢！
我把聲似乎唔多入咪．．同埋唱某ｄ歌好怪＃
都係覺得我唱廣東話歌唔好聽，但係普通話歌有時ｄ字唔識讀，英文歌ｄ字又讀唔得正．． ＞＿＜”
謝潔的目的是食ｌｕｎｃｈ，膠姑真的膠，目的是厄ｐｓ２＃
幸好，羅記、馬志不在．．佢地會將今日變成某某男歌手既ｍｉｎｉ ｃｏｎｃｅｒｔ架！
曾經試過方力申、側田、ｅａｓｏｎ…大概係咁上下，咁我就會好無聊架喇！
今日女仔多，所以冇乜點男仔歌／／彭彭自己ｓｏｌｏ左幾首囉…
今日係ｊｏｅｙ既ｍｉｎｉ ｃｏｎｃｅｒｔ呀！
極多ｊｏｅｙ既歌．．．鍾意佢既舊歌，新歌麻麻地＠＠
唱完ｋ就出發去沙田文化博物館！
成班都好奸，買晒優惠票，冇辦法啦，坐兩個站要成＄５？平時坐地鐵都唔駛咁費架嘛．．
ｋｃｒ衰囉！學生８達通都冇優惠既＃
兜左一陣花園先去到博物館，沙田ｄ商場真係好煩．．ｄ通道好難認＃
去到果度睇唔知咩眾樂獨樂既展覽，唔俾影相，無奈！即係想記低既資料要抄低，
冇預期要抄野，所以紙同筆都冇，搞到要問人借＃
無聊既展覽，之後去左睇４頭家，之前睇過架喇，不過都仍然覺得幾得意，可惜相機冇電影唔到相囉！
次次相機都係重要關頭先黎冇電，激死我喇！
之後仲激死我．．．去左睇最新果個展覽，唔記得左個名係ｄ乜，
總之ｄ展品好特別，有ｄ好靚，有ｄ好型，有ｄ好可愛囉！
勁想影低晒佢．．．．
一定有人問，點解唔用手提？
手提影相邊樹會靚架！？相機象素高ｄ定手提高ｄ丫？！
影相唔用相機影影得唔靚架嘛，咁不如唔好影。﹏•”
如果唔係沙田咁講既話，我諗我真係有衝動去多次，影相！哈哈．．
冇計，真係好特別，我好鍾意丫嘛！
