今日都淨係大約知道個平均分，同我估計既差唔多，但未計ｅｎｒｉｃｈｍｅｎｔ，唔知會唔會低分ｏｒ高分左，

但低分左既機會比較高ｄ！希望唔好拉到變得番６字頭啦！

今日佢俾分數俾我地對係冇平均分係度架！所以要自己計住先，

嚇死我呀！

開頭計到個數係６５＞＿＜”暈！

原來係咁少左一個數呀！

真係冇可能得番６５咁恐怖囉！去到盡最少都應該有６９架嘛！

雖然都係低分，但係差一分平均分已經差好多架喇！

丘丘似乎唔多信我會得７１咁低分，但係我係佢面前咁機，冇得佢唔信囉！

都係果句，冇辦法啦！鬼叫ｍａｔｈｓ炒左咩！

事實上，的而且確就算ｍａｔｈｓ唔炒我今次好多科都退步左，睇我點溫書就知啦！

溫下訓下，訓下溫下，都唔知溫乜書（（

算啦！講黎講去，今日都同媽咪講左我ｍａｔｈｓ炒左，平均分低左，

都同佢講今年唔緊要入到自己想入果班就得＃而事實上，基本上唔係入唔到丫＊

最緊要係會考丫嘛！但係媽咪話會考都要考ｍａｔｈｓ架喎，係呀！會考都要考架．．咁我係唔掂咁點呀？

佢叫我去補習，其實我都唔知到底補習有冇用，即管試下啦！

但係…今個暑假就放過我先啦！我想由開學開始補數，咁應該會好ｄ！

今個暑假睇下佢英文補得ｏ唔ｏｋ架！ｏ既話開學之後繼續補，其他科就要靠自己努力喇！

我知媽咪唔會逼我去補習，但我咁既死款自己都覺得好有問題＃

如果會考ｍａｔｈｓ肥左咪樣衰囉！我唔要咁呀！

點都好，就算黎緊果兩年要我日日讀書我都豁出去喇！讀就讀啦！依家苦好過第時苦…

第時既苦一定比依家果ｄ所謂既苦苦上ｎ倍，我寧願第時冇咁辛苦喇！

出年既課程一定冇我想像中咁易，講既野深入好多，又有好多科用英文教，

睇怕我今年ｅｃａ既ＡＡＡ出年可能ｋｅｅｐ唔到ｌｕ〕〕

玩埋鬆埋呢個暑假真係要認認真真讀書，上堂唔好訓覺，番屋企真係要做功課同溫書／／

好勝心仲係度＃

某ｄ科唔想人地高分過自己太多！

雖然有時ｄ野幾莫明奇妙，不過，呢個世界就係咁架啦””

見到ｄ成績會冇ｍｏｏｄ會唔開心，唔係因為成績差，

係因為見到自己未盡全力，知道自己仲可以做得更好！

冇理由以前做到既野依家做唔到架嘛？！

恨自己唔識得看重自己既學習機會…唔通人唔經一事真係唔識得長一智？

真係愈受挫折愈識諗？

我應該朝著乜野目標去進發？

我既目標到底係ｄ乜？

一心淨係諗住一定要入大學死都要入到大學，

入到大學又點？以後會點？

今日同Ｂｅｎ傾開，原來佢係想做ｖａ老師／／我覺得一早有個目標會好ｄ＃

佢已經問過ｍｓ黃，如果佢第時想做ｖａ老師要點．

我覺得佢好清楚自己依家係度做緊ｄ乜，第時又要點做，

我都好想快ｄ搵到自己真正既目標呀！

的確我真係好想做ｄｅｓｉｇｎｅｒ，但係又有其他好多唔同既因素有好多野要考慮…

我覺得自己不甘過一ｄ太平淡既生活（（

人類真係好複雜既東東，

淨係ｄ關係都已經夠晒複雜喇！

人格又夠複雜啦！

有時真係覺得如果可以好似天上面ｄ雀仔咁簡單，好似海入面ｄ魚咁悠閒＃咁幾好丫！

好唔鍾意ｄ人人品咁差！

人地做得好唔好關係差事呀！？

你自己又唔係做得好好，有咩資格話人呀？

儘管你真係要話人你都唔係咁同人講架嘛！？

知唔知好ｈｕｒｔ人架！？

講野之前有冇諗過人地既感受！？有冇諗過人地背後既付出！？

我真係好睇唔過眼囉！

見到你副嘴臉就令我好反感！

你覺得你咁樣叫做為大局設想！？

難聽ｄ都要講句！其實呢ｄ野一向與你無關！

哼．．．

好喇喎！做乜要對我發脾氣呀？我做錯左ｄ咩呀？我呢家幾時得罪你呀？

算係點呀？

問你係咪搵我黎發洩你話係！？　

成日都係咁，唔止一次喇！你當我係乜野丫？出氣袋呀？

其實我想話我冇義務一定要幫你架！都冇義務俾你拎黎發洩囉！

真係火都黎埋！

無理取鬧！

我做乜要受你氣？！

唔好同我講你同我玩下呀！

你心情唔好關我咩事！？

心情好果時就當人寶好心情唔好果時就當人草！？　（雖然都唔覺得你會當寶）

人既容忍度有限架！

今日派左英文、ｅｐａ同埋ｂｉｏ…

成績同我想像既其實差唔多…依家大約計左我既平均分應該有７１分左右囉！

如果唔係因為ｍａｔｈｓ　ｆａｉｌ左的話，我平均分會多最少２分！

算啦！ｆａｉｌ左都冇辦法啦！

急起直追囉＃

英文ｇｅ真係好低分囉！低分到丫！ｆ２果時仲有８字頭架！今次得６９／１００＝﹏＝”

要惡補ｔｅｎｓｅ！我錯得最多係ｔｅｎｓｅ囉！ｍｃ淨係錯左一題（（

ｒｅａｄｅｒ卷俾人扣ｄ無謂分…得１６．５／２０＃

ｌｉｓｔｅｎｉｎｇ睇錯左一個，差一分滿分！激死我！１９／２０

作文好ｓｕｒｐｒｉｓｅ＊老師拎左我篇文做範文派晒俾成級－＿－”

但我得６１／８０係果篇文黎講唔係最高分囉！Ａｍｙ同Ｓｉｍｏｎ都高分過我…

篇文咁搞法覺得好無奈，因為覺得呢篇文好低能／／咁低能既文俾人咁搞法．．唉！

另一篇範圍係龜龜架！龜龜英文真係好堅！

咁大個女第一次俾人拎篇文做範文＃

之後ｅｐａ好無奈－－”又係錯得多填充囉！

ｂｉｏ錯左好多無謂野！事實上ｄ野我識，但做卷果時唔小心囉＃

我今次名次一定會跌爆多！ｎｖｍ（（反正有７字頭基本上就揀到你自己想入果班架啦！

唔好諗咁多喇！入到ｂ班就得啦＊

入唔到ｂ班其實會幾神奇囉！除非個個都突飛猛進啦！我唔相信７字頭會係頭５０名以外／／

唔知做乜今日對ｍａｔｈｓ　ｔｓａ模擬卷果時個胃超痛，可能冇食早餐卦！

番到屋企之後食左個蘋果、香蕉ｘ２、少少包，就當ｌｕｎｃｈ””

我唔係減肥呀！雖然我都想減！

不過係冇胃口食其他野，之後又要番學校，咪是但食ｄ野算數囉〕〕

番到學校．同阿金練下星期６做ｍｃ既講稿＊

ｄ講稿又長又煩又無聊…通常ｄ　ｆｏｒｍａｌ既野就係咁無聊？

都有幫手整邀請卡／／

佢地叫左條友黎做勞力，難得佢又肯喎＃呢ｄ真係ｆｄ！

我仲未記得佢地ｄ名呀！希望盡快記得晒啦＃我記人名真係太唔掂喇！

４點幾走左，行番屋企，好彩我有帶遮，唔係就曬到變人乾都似喇！

聽日晏晝我可以唔駛番去呀！ｈａｐｐｙ＃

第一次做ｍｃ，希望成功啦！

雖然我都唔覺得自己會緊張得去邊，但我驚自己唔知會唔會擺ｄ咩烏龍囉！

今日彈到其中一個ｎｅｗ係度彈孤單北半球，原來呢首歌個鋼琴版幾正架喎＊

佢話係佢首班歌黎架…諗起班歌就諗起想當年我ｆ１果時幾咁領導不力，幾咁失敗喇！

今年個音樂劇我ｈｏｌｄ唔黎架喇！ｄ人咁專制、獨橫，我可以點丫！？

７月１０班舞初級喎…淨低唔係好多時間咋喎，點解佢地一ｄ動靜都冇既！？

令人有ｄ擔心！

有能力既人點解唔快ｄ搞掂佢！？

我冇能力咋．．唔係既話都想幫下手！

我都明白可能佢地會有壓力，但係佢地唔搞邊個識得搞？

係咪到頭黎大家攬住一齊死丫！？

決賽都入唔到既話就晒心機架喇！

俾ｂｕｂｕ點名ｔｉｍ…

我俾面你，做俾你啦！

今日去左行街街…有收獲呀＃呵呵…

首先係去左藍田，買左對圓頭鞋，好平咋！

阿斯話始終覺得我著圓頭鞋會好ｄ，之前心心都講過話覺得我著尖頭應該麻麻地，圓頭斯文ｄ喎＊

見到對圓頭鞋極度ｋａｗａｙｉ囉！好日本ｆｅｅｌ，日本娃娃ｆｅｅｌ囉（（

見到有間店既衫幾岩我ｆｅｅｌ，但係果間賣得好唔抵囉！應該會貴過ｍｋ＃

基本上我覺得貴過ｍｋ都係貴架喇＃

本黎想買頂帽架，不過原來果度得兩間有，而且好少款，好後悔上次係ｍｋ行果時冇買到囉！

ｔｈｅｎ，行左陣覺得冇乜野行就番新都繼續行，點知３期果間野呢排ｄ衫麻麻地喎…

不過唔緊，反正間野入新貨入得好快／／

之後係２期見到好多店都係清貨、減價…都唔知乜事，之後入左其中一間睇（（

有幾條裙我都覺得幾靚，但減左價都係貴（對我黎講）

之後買左件衫，灰色，長長地既…

本身仲想買ｄ　ｔ－ｓｈｉｒｔ，但係靚果ｄ都好貴，真係一分錢就一分貨囉〔〔

有條牛仔裙好搞野，唔知點形容好，唔識形容＊

無奈地，見到明明寫著女裝ｔ，但係個款擺到明係男裝ｔ囉！玩野既／／

不過今日太多人喇，冇仔細睇…

始終都係呢ｄ店可靠ｄ，質地好ｄ，難得減價，如果聽日放學開左門的話再去睇睇先得！

雖然今日有支出，但都有收入，冇啦啦唔知點解有利是收，仲要唔知邊個俾我ｔｉｍ架喎＊

不過ｎｖｍ，有錢收理鬼佢邊個俾＃

今日有同阿斯傾下我將來既讀書大計，佢覺得我咁樣既話可能會幾辛苦，

辛苦，但我鍾意呀！　（呢句野好似係唔知邊度聽過！）

不過，都係要睇下出年我讀書讀成點囉！

如果我ｏｋ既話，考慮讀經濟ｏｒ工商管理囉！讀呢ｄ阿媽一定唔會反對啦！

雖然我真係好想讀設計，但係有太多因素要考慮喇！

都係再睇下點啦！我依家都算係暫時有個方向知道自己大概會讀ｄ乜，算係咁啦！

我地講開大個ｄ野就講到買樓，尋晚同媽咪傾計果時佢話等我地第時大個左，

佢地幫我地俾首期，我地再自己供樓””

始終世上對自己最好既係父母，我應該孝順ｄ先岩呀！

覺得自己以自己既能力買到層樓番黎既話，一定會好正！

發緊夢ｔｉｍ．．依家講呢ｄ野會唔會太早？

不過，既然我想第時大個有能力買樓之類之類既野，我一定唔會俾自己會考衰、唔會俾自己ａｌ衰！

我第時大個一定要搵一份好好既工！

目標係做到所有我依家做唔到但係我好想做既野！

至於做唔做到自己真正最想最鍾意既工作．我都唔知呀．可能要向現實低頭＃

ａｎｙｗａｙ，凡事盡力而為，對得住自己良心就ｏｋ啦！

我要認真努力要做好每一件事，唔可以再成日懶懶閑架喇！

聽日晏晝要番學校練ｅｎｒｏｌｌｍｅｎｔ，我幫手做ｍｃ，有信心自己應該會做得幾好！

同阿金一齊，合作愉快！

今日約左佢地做ｐｒｏｊｅｃｔ＃　真係神奇囉可！？考完試都仲有ｐｒｏｊｅｃｔ搞／／

最衰ｐｒｏｊｅｃｔ　ｌｅａｒｎｉｎｇ入左圍囉！講真，我真係唔係好想入圍…入左圍好煩呀！

不過今日都叫完成左大部分既野啦！

今日度掂左個講稿喇，不過仲有少少野未執，同埋未分配好邊個講ｄ乜咁囉！

件衫就都整好左最少一半架喇！淨低少少要縫野果ｄ俾心心做埋佢，我呢方面唔掂丫嘛＊

應該大約１點幾去到心心屋企，然後我地４點幾走…

俾我想像中快架喇！

番到屋企之後ｄｌ左ｍｓｎ　ｌｉｖｅ落黎，個款靚左，ｓｄ到ｏｆｆｌｉｎｅ　ｍｅｓｓａｇｅ，改到名！

咁依家同ｉｃｑ既功能都差唔多，但係唔知係咪仲係ｓｄ野俾人一次淨係ｓｄ到一個ｆｉｌｅ囉！

今日又熱又曬，曬到我暈暈地．幾驚會中暑呀！

好後悔冇帶把遮出去囉＃

番到屋企，食左碗冰既西米露，正呀！

之後上網睇ｄ設計學校既資料…

原來ｄ設計學校有夜間文憑課程架！我諗緊如果我想讀大學既話，可唔可以另外夜晚又讀書囉（（

呢幾日都係度諗緊自己第時將來條路要點行，

始終真係唔知自己除左對設計呢方面有興趣仲對ｄ乜野有興趣囉！

不過睇下出年果ｄ科讀成點啦！

我諗讀工商管理果方面既野出路應該多ｄ好ｄ卦…

對我黎講，都係得呢兩樣有興趣咋！

總之理科既野一定冇興趣架啦＃

本黎我睇睇下搵到個時裝設計既短期課程，係下個星期日開始開班架…而且都唔貴，我想讀下試下架！

點知我打去問果時佢話呢一班應該唔夠人開班囉（（好失望囉！我真係好想讀架！

食飯果時有同媽咪傾下第時大學揀科果ｄ野，

講開工商管理果ｄ，佢似乎都覺得幾有前途咁…

唔通真係個個都覺得讀藝術，讀設計就冇前途？！

真係有ｄ迷茫…

今晚用左個幾兩個鐘執房，

執左好多唔要既野出黎囉！

又執好左ｄ書喇！

見到好多以前既野，覺得以前自己真係好低能…

不過又見到好多野令我諗番起好多難忘既回憶，

上年暑假我諗我都幾難忘記！

今年唔ｊｏｉｎ得音樂劇既課程喇，我驚俾人話我晒錢，可惜囉＃

執完野之後整齊左好多，

有一個櫃筒專係放ｄ說明書、ｍｐ３、快譯通．．

有一個櫃筒專係放我ｄ畫具、顏料、雕刻刀．．之類之類ｖａ既野／／

另一個係放相、以前既日記、一ｄ有紀念價值既野．．

仲有一個係放好多立立雜雜既野，ｄ飾物呀．．ｅｔｃ〔〔

整齊晒，舒服晒！

原來當你有煩惱既時候，執下房都係唔錯架喎…

我都執房執到乜都唔記得晒啦＃

今日去左夾糖食，原來夾糖真係唔好夾咁多，甜死、滯死…

第２日派卷，派中文、ｍａｔｈｓ同埋中史，

ｍａｔｈｓ炒左，希望總分唔好ｆａｉｌ！

中史超低分＝，＝　預左低分但冇諗過咁低，ｎｖｍ！我出年都唔會讀架啦＃

今次得６７＞＿＜”測驗果時８０分…差左成廿幾分，問題係份卷唔係難，彭彭９１．５分囉！

自作孽！唔溫書既後果呀（（　唔知點解世史我啃得落，就係啃唔落中史囉！

好彩中史成績表個分應該會變左７０分左右！望就望老師唔好俾咁低平時分囉＊

ｍａｔｈｓ真係唔抵！本黎我合格架！但係俾人扣左兩分ｐｐ，一分ｕ呀　Ｔ＿Ｔ

睇番份卷，仲要俾我發覺我自己錯左極極多白痴野囉！

果一刻，真係有ｄ想喊，真係唔明點解自己可以蠢成咁囉！

出年想讀ｂ班，要讀會計，我ｍａｔｈｓ咁既款得唔得？開始有少少質疑自己喇＃

雖然我冇諗過要做會計師，其實我好似由頭到尾淨係想讀ｄｅｓｉｇｎ（（

但依家我係咪要重新再打算下呢！？

到底邊一行前途光明又岩我呢？

我真係諗唔到呀！！！

唉…

不想長大！長大左就有一大堆東西要煩！依家已經係其中一樣要煩既野啦＃

今日開始要做定ｒｅｓｅａｒｃｈ…唔可以再成日懶懶閑咁喇！

本黎仲考慮緊出年好唔好ｊｏｉｎ　ｒｃ，不過算啦！我今次認真架喇！

出年放晒全部心機落去讀書啦！０８會考好快就到架喇！

買多ｄ練習、參考書番黎，真係要追番晒之前ｄ野囉＃

只怪自己依家先黎開竅…

早ｄ開竅咪好囉！哈…學何ｓｉｒ果句，人地ｄ十Ａ尖子ｆ３已經預備會考架喇！

下兩年係最重要架！唔衰得！一定唔可以衰！

今年衰左唔緊要，最緊要係升到自己想升果班，

雖然見到成績咁差唔多唔少有唔開心，但唔開心冇用架！

不過容許我唔開心一陣啦！好快就會俾成堆比賽搞到我乜都唔記得晒架喇＃

講開比賽，今日音樂劇俾個ｈａｌｌ我地都冇用…

唉！我覺得我地大家完全地冇溝通冇共識，點解渣誠講極都係咁架！？

一個字：煩！

ｐｒｏｊｅｃｔ聽日搞，唔知搞唔搞得掂，聽日番到屋企要整番好個ｐｐｔ．

聽晚唔去游水喇！冇ｍｏｏｄ＃

〔心，我冇應承到你架！我淨係話睇下點先架咋！

但聽晚想出去行下散散步ｏｒ踩單車＃

最近真係冇乜心情玩…連玩都冇心情，都唔知我乜事（（

其實我係咪應該痛痛快快咁玩番日令ｄ心情好番ｄ呢！？

其實我係為自己讀書定為人地讀書？！

有時覺得好為自己，為左自己前途著想，

但有時自己失望時驚媽咪更加失望，

前者多ｄ定後者多ｄ？

好多唔同既煩惱，真想一次過講晒出黎．．