今朝去左ｍｋ上Ａｌａｎ ｃｈａｎ既堂，佢講野好白痴呀！
不過講既野幾有用，有ｄ ｒｅａｄｉｎｇ ｓｋｉｌｌ唔係佢講我都冇留意囉！
覺得佢好串咀．．不過上堂好多笑料，考慮下開學之後補唔補佢啦！
走果時有個人係走廊講電話講到好大聲，好大聲咁話ｍｉａ好正… ＝ ＝”
最衰上次ｍｉａ果堂冇上到，如果唔係，就可以比較下邊個正ｄ喇！
補完去左朗豪食野，食完番屋企…
本黎打算晏晝去買書，不過太眼訓，一覺訓到食晚飯先起身＃
可能因為尋日身心太勞損搞到今日咁既款囉！
話說尋日去海洋公園玩，＄８５連埋車費，仲要係大樹灣果邊落車方便我地玩機動遊戲。
本黎我地班大大話話有廿幾人話要去，點知最後得番５丁友…就係我、Ａｍｙ、梁樂同埋ｍｉｕ／／
但係梁樂係中途同某迪自己去玩…
搞到得番我地４個囉！
好彩期間仲有兩位阿ｓｉｒ陪我地一齊顛！哈哈… 顛得好開心囉！
開頭我同心心同埋黃ｓｉｒ一齊坐滑浪飛船，心心最頭，我中間，阿ｓｉｒ最後…
本身以黎中間唔會太濕，點知我地個個濕到唔知點咁，
我覺得ｄ水好似有陣味咁ｔｉｍ喎＃
ｍｉｓｓ ｙｉｐ帶埋佢兩個囡去玩，佢兩個囡係ｔｗｉｎｓ黎架，
不過唔太似樣，同埋唔理人囉，我聊佢講野佢唔理我喎！
ｍｉｕ同劉ｓｉｒ一齊坐，佢兩個都冇嗌喎！黃ｓｉｒ話要嗌先夠爽！
Ａｍｙ同梁樂玩左太空摩天輪先再玩…
之後佢兩個又陪多我地一次玩太空摩天輪囉！
太空摩天輪唔算太激，好彩都唔暈！
之後兩個阿ｓｉｒ閃左，我地就去左玩飛車…
不過我冇玩，因為淆淆地…同埋５個人岩岩有一個人單丁＃
再之後就係跳樓機，班變態死都逼我去玩，
明知係安全，但係都驚架嘛！
升上去果時我想望下睇下自己驚唔驚架，
但係一見到對腳ｆｉｎｇ ｆｉｎｇ下咁，一ｄ安全感都冇就開始驚喇…
即刻合埋眼囉！
之後上到最高就好快咁落左一下，
果一下真係經典洛！果然有離心力囉！我真係唔知自己個心飛左去邊喇，
不過好搞笑地，我係一口氣咁嗌，嗌到咁上下我好似講左句，
點解呢幾下咁冇引既，我嗌唔出喇！
落去果時捉住心心ｄ手指，好彩有佢ｄ手指幫我壯壯膽咋！我都唔知自己下次仲敢唔敢玩喇！
好似又真係幾刺激喎，但係一次過玩咁多我好似唔係好負荷到囉！
之後再玩海盜船…真係好冇引／／我地狂嗌３ｆ至強唔係劉…
之後又嗌３ｆ我愛你…
海盜船ｄ離心力唔算太大，但係就令我覺得個人就係跌咁囉！
黃ｓｉｒ話佢係泰國玩過一個海盜船係１８０度轉架．．真係得人驚…仲搞到話自己太陽眼鏡飛走左＃
兩位阿ｓｉｒ應承左同我地一齊玩過山車，
講真，唔係有阿ｓｉｒ係度…我諗我唔會再玩．．
今次黃ｓｉｒ坐係我隔離，我又係一到驚既位就合埋眼，
阿ｓｉｒ係我側跟做旁述，不停同我講下個係ｄ乜咁…阿ｓｉｒ仲好似好興奮咁係度嗌…
我覺得過山車唔激，跳樓機激ｄ，不過佢地話飛車仲激，
但坐過山車會覺得好似俾人摑咁囉，我俾人摑到好痛，
玩完之後淨係識笑…
劉ｓｉｒ話睇我咁好笑容就知我唔驚…
係卦，我唔驚卦！
我都唔知自己真係畏高定點，
我唔驚坐飛機架喎，仲覺得坐飛機果時望落去睇野好正ｔｉｍ！
但係坐纜車果時我又唔太敢周圍望喎…
可能係安全感既問題，我需要安全感大ｄ既東西＃
我地坐完過山車就去水母館．．水母館個ｆｅｅｌ好正，
如果少ｄ人既話更正！
去完水母館就去鯊魚館，ｄ魚好得意…
之後阿ｓｉｒ佢地又閃左…
我地去買野食，再坐纜車落山…
心心同ｍｉｕ買左野食，
我覺得好唔抵囉…好彩我準備左大量零食同埋３文治咋！
過到去，本身想去動感影院，但係心心同ｍｉｕ又話唔想去喇喎…
原來梁樂同某某兩個去左，之後先話唔見我地囉！
我地去左兒童王國，
玩左旋轉木馬／／第一時間諗起雞批．
唔明點解細個果時咁鍾意玩…依家玩覺得好無聊＃
我發誓我以後唔咁貪玩喇，
痴線架，兒童王國果個摩天輪都唔係路既，狂係度搖黎搖去，又慢喎！
直頭係人間地獄呀！完全理解唔到點解ｄ小朋友可以玩得咁開心囉！
我地個個就坐到想死咁囉！
之後去到旋轉木馬見到劉ｓｉｒ同黃ｓｉｒ玩緊，
就拿拿林影低左…呵呵！
本黎想叫佢地去玩蛙蛙跳，
黃ｓｉｒ話唔玩得，玩左衰３年，以後唔駛係教育界立足＝ ＝”
後尾應承左．但係最後都係冇玩到囉！我等左佢地咁耐為左影相，佢地竟然唔玩喎…無奈！
之後去左玩砵砵火車頭，嘿嘿！成功影到相！ｙｅａｈ＃
雖然覺得坐ｄ咁既野好低能，
我都唔明點解兩個阿ｓｉｒ肯陪我地低能．．
不過真係好好玩，好爽，好正呀！
其實兩個阿ｓｉｒ都算唔話得啦，俾我地玩左成日，哈哈！
我地番到將軍澳，去左新都既ｆｄ ｃｏｕｒｔ，
丘丘黎左．．我地傾到６點半左右閃人…
成班變態…
好得人驚呀你地！
搞到我笑唔停，
同你地一齊玩好開心呢！！
８月要搞多一次班會活動呀！！！
