捱咗一個月,終於拆石膏!!!!!之前一直懷疑點樣拆,個個都恐嚇我話係敲碎佢,不過現實更令人害怕......

我入咗石膏房,等緊我嘅係姑娘同佢手上把電鋸!!!!!!係把小型電鋸,相當嘈吵,電鋸喺我嚿石膏上面游走,好幾次,佢同我隻手手真係"只差一點點",勁驚佢鋸埋我隻手,就喺我屏息靜氣之際,姑娘話如果鋸到手,要"聯"針,天呀,做咩要喺呢個時候講埋啲咁嘅嘢呀?仲要因為嚿石膏厚,電鋸再喺手手"行"多幾次......我feel到塊刀片嘅轉動........ 就係咁,我經歷咗好一陣子的驚慄時間,臨走嗰陣,姑娘問我係男定女,同叮囑我"着番啲女仔衫"......

由於被石膏固定太耐,左手的肌肉係無力嘅,而且仲hold住喺打石膏嗰陣嘅形態,手伸唔直,手腕轉唔到,又唔可以向上拗,而啲骨明明生好咗,但依然一郁就痛....... 物理治療部,我嚟啦~~~

其實物理治療師只不過係做個初步評估,同教我啲簡單動作,未正式開始治療,不過佢見我隻手唔可以向上拗,就出力將隻手向上推!!!!嗰一刻,拉直隻手嘅回憶同感覺都如走馬燈般出現......好痛呀~~~

更不幸的,是星期五便開始做物理治療,時間係10:45!!!!又上唔到中文堂!!!分分鐘趕唔到pol tut,唔可以o架~~~~第一堂好重要,決定present題目groupmate,點算呀~~~